Wt/zea/dat

Zeêuws[edit | edit source]

Etymologie[edit | edit source]

Over Middelnederlands dat en Oudnederlands that van Oergermaons *þat. Vromme te leien op d'n Indo-Europese vònaemwoôrdswortel *to-, mee 't achtervoegsel -t wat-a in de Germaonse taelen vò onziejig staet.

Omschrievienge[edit | edit source]

dat

Anwiezend vònaemwoôrd onziejig vò varre weg.
- Dat boek gae 'k nog leze.
Bovestaende zelfstandig gebruukt, 'dat dienk dae' (ziet ok datte)
- Dat è'k je al duzend keêr gezeid.
- Da(t) leit noe al 'n weke op de taefel.
Betrekkelijk vònaemwoôrd onziejig, dikkels mae nie altoos in combinatie mee -a of 'n ander partikel (ziet ok dat-a)
- An 't advies dat 'n mien gegeve eit, è 'k nog noôit niks g'aod.
Voegwoôrd vò d'indirecte rede
- Ze zeide dat 'r 'eêl de weke gin mens was lansgewist.
- Ik dienk dat iederêne die dat wou noe wè geprikt is.
Inleiend voegwoôrd vò 'n biezin die as zinsdeêl oor gebruukt
- ʼt Is mae goed dat 'n ok is in 't butenland komt.
vò zovarre
- Komt 'r vandaege nog wat op de tv? –Neênt, nie da'k wete...

Opmerkienge: in aolle beteikenissen kan dat toet da ore as t'r 'n medeklienker nae komt. Is de naekommende medeklienker 'n d-, dan klienkt 'r allêne 't [t]: dat doeë 'k 'dattoeëk'. De verbindienge da's ('dat is') is vreêd gewoon.

Uutspraek[edit | edit source]

[dɑt]

Verbugienge[edit | edit source]

Zeêuwse anwiezende vònaemwoôrden

	m (bdhtV)	m (aors)/v/meêrvoud	o
kortbie
bievoegelijk	dezen (dizzen)	deze (dizze)	dit
zelfstandig	d'n dezen (d'n dizzen)	de deze (de dizze)	ditte
verre
bievoegelijk	dien, dieën	die, dieë	dat
zelfstandig	d'n dieën	de dieë	datte

Vervoegienge[edit | edit source]

voegwoôrd

da (meêstentieds as t'r 'n medeklienker achter komt)
dan (as 't naekommende zinsdeêl meêrvoudig is)

Opmerkienge: de saementrekkienge da'k (dat ik) is aolgemeên.

Vertaeliengen[edit | edit source]

dat dienk dae

Afrikaons: dit
Araobisch: تَاكَ‎ (tāka) v
Braebants: da, dè
Chinees (Mandarijn): 那 (nà); 那個, 那个 (nàgè)
Duuts: das
Frans: ce, cela, ça
Westerlauwers Vries: dat
Iengels: that
Japans: それ (sore) (bie d'n angesprokenen), あれ (are) (vedder weg)

Latijn: istud (bie d'n angesprokenen), illud (vedder weg), id (mee minder naedruk)
Limburgs: dat, det
Nederlands: dat
Nedersaksisch/Platduuts: dat
Oudgrieks: ταῦτα (tauta) o meêrvoud
Portugees: isso, aquelo (mee grôtere naedruk op varre weg)
Russisch: э́то (éto) o
Spaons: éso, aquello (mee grôtere naedruk op varre weg)
West-Vlaems: dat

Bronnen[edit | edit source]

Nicoline van der Sijs (2010, saemenstellienge), Etymologiebank

Nederlands[edit | edit source]