Wb/nia/Hosea/9
I. Irugi inötö wangotu ö Iraono Gizeraeli[edit | edit source]
1 Böi mi'abölögö wangomusoi'ö tödömi, ya'ami Iraono Gizeraeli, böi si mane niha baero! Noa sa mierogö Lowalangimi, no faröi ami; no omasi ami luo wohorö ba golayama mbasitö misa fefu. 2 Ba i'ositengö sa ira olayama mbasitö ba he folazi mbua nagu; ba lö khöra dania. 3 Aheta dania ira ba danö Yehowa andrö. Sangawuli ba danö Miserayi mado Geferayi, ba si manga gö salakha ba danö Asiria.[1] 4 Lö'ö sa'ae lafaduwa nagu khö Yehowa, ba lö'ö sa'ae la'asiwai khönia zumange nitaba andrö khöra. Timba gö ba wa'abu dödö göra dania; dozi si manga ya'ia, ba ra'i-ra'iö. Ha sa famadöhö wa'olofora göra, ba lö'ö sa irugi gosali Yehowa.[2] 5 Ba he miwisa na baŵa gowuloa ba na owasa khö Yehowa? 6 Hiza no lö ikhamö ira famunu, ba wa'adudu andrö, ba ba danö Miserayi gahonoa, ba Membisi lewatöra dania; ahonoa nayara firö, ba ba lato, ba sa'a-sa'a mao zi tumbu ba nosera.[3] 7 Irugi dania baŵa wangotu'ö, irugi baŵa wamasulöni, ba nisöndra Ndraono Gizeraeli fa'aboto ba dödö, me no lamane: Sowöhö mowa zama'ele'ö andrö ba sowöhö zi so Eheha! Ba lazi wa'abölö wa'atefuyumi ba fatiusami andrö. 8 Sanaronaro mado Geferayi ba gametahö Lowalangigu. Khö zama'ele'ö andrö, ba no lalau wesu, nifolau zama'ala fofo, ba bölödi, ba gosali Lowalanginia. 9 No manao horö sebua ira, si mane ba Gibea no: lö olifu ia golalöŵara, i'otu'ö dania horöra!
II. Telulu ba danga niha baero mado Geferayi[edit | edit source]
10 Nisöndragu Ndraono Gizeraeli, timba mbua nagu ba danö si mate, ba fangilagu ira tuami, ba no timba wangilada si a'a mbua ara ba hogu zawena mowua. Ba me larugi Mba'ali Weoro andrö, ba lalau mamosumange adu, ba tobali sogoro ita ira, si mane ni'olembaira andrö.[4] 11 Hulö wofo soloi dania [wa'ataya] mado Geferayi sato andrö; tebato wo'ono, lö'ö sa'ae manabina, lö'ö sa'ae mutuge nono. 12 Ba he la'e'ebua nonora matua, ba uheta dania khöra, ena'ö lö ira matua sa'ae dania. Ba he ya'ira göi, ba alai ira, na lö'ö sa'ae ufaigi ira! 13 No timba Diro nitaru'ö ba ndraso mado Geferayi wamaigigu, ba lalulu dania ba danga zange'e nonora matua mado Geferayi andrö. 14 Be'e khöra zomasi'ö öbe'e khöra, ya'ugö Yehowa! Böda khöra nösi dalu ba ösi zusu! 15 Ba Giligala lafazökhi horöra andrö fefu. Ba da'ö sa tesao wa'udusagu khöra. Uheta ira ba nomogu andrö, ufofanö ira, börö zi lö sökhi andrö nilaura. Lö'ö sa'ae u'omasi'ö ira! Salaŵara fefu, ba no si fa'ero [khögu].[5] 16 No göna famunu mado Geferayi, obou ŵa'a, tebai sa'ae mowua! Ba he na mo'ono ira, ono matua, ba ubunu nonora omasiö andrö. 17 Itibo'ö ira Lowalangigu; me no lö nifondrondrongora linia: alakha si lö hinaoma ira ba niha baero misa!
Famotokhi ba gahe[edit | edit source]
Fabaliŵa lala[edit source]
Olayama Hosea: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö