Jump to content

Wb/nia/Hosea/11

Add links
From Wikimedia Incubator
< Wb | nia | Hosea
Wb > nia > Hosea > 11

I. Lö ni'andrö Ndraono Gizeraeli saoha gölö fa'omasi Lowalangi ira

[edit | edit source]

1 Me ono'ono na Ndraono Gizeraeli, ba no omasido ira ba ukaoni zato andrö, uheta ba danö Miserayi.[1] 2 Ba na humededo khöra ba la'erogö ndra'o. Latataba zumange nadu ba lafosumange wamaedo andrö,[2] 3 ba ya'odo ba utuyu galogo mado Geferayi [nifolau ba Ndraono], ba uhagi ira. Ba lö la'ila, wa ufadöhö wökhöra.[3] 4 No udöni ira sinali, si mane ni'oguna'ö niha, fesu fa'omasi, ba no amaedola zolulu kalo mbagi andrö, ba mbagira, ndra'odo, ba u'oro'ö göra. 5 Sangawuli ba danö Miserayi ira, ba razo Ndrawa Asiria razora dania, me no te khöra wamuli ya'ira khögu. 6 Ba nidöni sa'ae zi'öli, ba wolau ba mbanuara andrö, famufu lazi mbawa göli ba si manga hati andrö khöra. 7 Noa sa aso'ala dödö mbanuagu andrö, wangerogö ya'odo; ba he na mu'ao ita khöra: miyaŵa! ba samösa lö sedöna.

II. Ba ifuli zui na ihakhösi tödö ira

[edit | edit source]

8 Ba hadia, tola uböhöli ami, ya'ami mado Geferayi, tola ululu ami, ya'ami Iraono Gizeraeli? Tola uböhöli ami si mane Adama no, tola ubali'ö Sebo'i ami? Tobali bakha dödögu, ba no a'oi tesao wa'ahakhö dödögu.[4] 9 Böi molua-lua wönugu saukhu andrö; lö ufalua wamakiko mado Geferayi. Me no Lowalangi ndra'odo, ba me tenga niha, u'iagö ba khömi, Lowalangi ni'amoni'ö, ba lö tesao wönugu.[5] 10 La'o'ö dania khö Yehowa; sindröndröndröndrö ia, hulö zingo; sindröndröndröndrö ia, ba so moroi sa ba mbewe nasi nono matua, manizi-nizi. 11 So ira moroi sa, ba danö Miserayi, hulö wofo, manizi-nizi, hulö marafadi si oroi danö Asiria. Ba sahono baomora dania ira ube'e, iŵa'ö Yehowa.[6]

Famotokhi ba gahe

[edit | edit source]
  1. ↑ MozII 4:22; Mat 2:15
  2. ↑ MozII 32:4; RazI 11:8
  3. ↑ MozII 15:26
  4. ↑ MozI 14:2; 19:24
  5. ↑ MozIV 23:19
  6. ↑ Yes 60:8

Fabaliŵa lala

[edit source]

Olayama Hosea: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Hosea/11&oldid=6229580"