Wb/nia/Hosea/13
I. No ebua zala mado Geferayi[edit | edit source]
1 Ero na lafeta'u niha bö'ö mado Geferayi, föna, ba salaŵa ira wamaigi Ndraono Gizeraeli. Ba no mosala ira, me no mame'e-me'e adu ira, ba mate-mate ira.[1] 2 Ba he ma'ökhö andre, ba latohu-tohugö wamazökhi horö: no labali'ö adu nifahele wiröra, adu bö'ö nibe'e famaedo — ba ha sambalö halöŵö duka da'ö fefu. Da'ö ni'angaröfira li! Niha same'e sumange, ba fa'ago bawa ba zaŵi si matua![2] 3 Andrö wa tobali timba lawuo ba zanguhulö wongi ira ba timba namo mbanua, salio sibai taya, ba timba ndrami wakhe, ni'oloi'ö nangi, moroi ba golayama mbasitö, ba timba zimbo, sanörö bawa duwutuwu.[3] 4 Ba ya'odo, Yehowa, ba noa sa atö Lowalangimö ndra'odo, i'otarai ba danö Miserayi sa'ae — tanö bö'ö, si no Lowalangi göi, ba lö ni'ilau; ba tanö bö'ö, si no sangorifi göi, ba lö'ö.[4] 5 Ya'odo mege zame'e gömi ba danö si mate, ba danö si no oköliköli tou.[5] 6 Ba itugu oya göra, ba itugu abölö lafo'ösi dalura, ba me no abölö lafo'ösi dalura, ba me no abölö sibai la'abusoi'ö ira, ba tesao hokha, ba tobali olifu ira ndra'odo.[6] 7 Andrö wa no timba zingo ndra'o khöra; udarodarogö ira ba zinga lala, hulö si mane harimo; 8 ura'u ira nifondra'u mberua si alawe, niheta ono, ba ure'a göröba dödöra (totora) Ba da'ö la'a ira ono zingo, ba lasasawi ira utu ndru'u.[7] 9 Na ufakiko ami, ya'ami Iraono Gizeraeli, ba ha niha zangorifi ya'ami? 10 Ba heza so iada'e razomi, ena'ö i'orifi ami, ba he högömi andrö fefu, ba wolohe ba lala huhuomi andrö? niŵa'ömi: Fataro khöma razo ba satua![8] 11 Ufa'aso khömi razo, ba wönugu andrö, ba ufuli uheta ia ba wa'abao dödögu!
II. Ba edöna i'orifi na dania ira So'aya[edit | edit source]
12 Lalö mado Geferayi andrö, ba no mube'e yaŵa, ba horöra, ba no mu'irö'ö. 13 Tesao khöra wa'afökhö hulu; ba no timba ndraono, si lö mamondrongo li, ira. Na inötö sa'ae, ba lö tumbu ira. 14 Hadia, ufaigi khöra wa'aefa ba wa'abölö mbanua tou, u'efa'ö ira ba wa'amate? Hezo wökhö andrö khöu, ya'ugö fa'amate? Hezo wamakao andrö khöu, ya'ugö banua tou? Lö'ö sa'ae u'ila wa'ahakhö dödö![9] 15 He ŵa'ae no timba geu sowua mado Geferayi, ba ngai mado bö'ö andrö, fabaliŵara, ba ilabu zui angi timu, angi sabölö khö Yehowa, ba danö si mate tesao ia, ba tobali ogo'ö nidanö ba mba'a ba aetu nulu mbombo. Ba ya'ia [razo Ndraono Gizeraeli] zangohori gama-gama andrö fefu ba naha girö-girö khönia.[10]
Famotokhi ba gahe[edit | edit source]
Fabaliŵa lala[edit source]
Olayama Hosea: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö