Wb/nia/Hosea/8
I. Fanegu fame'e-me'e adu andrö, ba Zamaria
[edit | edit source]1 Lau dorofe! Lau'ö ba nomo Yehowa, hulö si mane moyo! Me no lasaŵo nifakhoigu ba me no molaŵa ira, ba niŵa'ögu khöra.[1] 2 Ba mu'ao ira khögu, lamane: He Lowalangigu! Aboto sa ba dödöma ndra'ugö, ya'aga Iraono Gizeraeli! 3 Ba no lö ba dödö Ndraono Gizeraeli fangorifi andrö — ba alakha lagohi ira emali! 4 No lafataro razo, ha ya'ira, si tenga balazi ndra'odo; no latuyu högöra, si lö nirongogu. No lafahele adu wiröra ba ana'ara; ba hadia gunania? Ha sambalö famakikora.[2] 5 Ono zaŵi andrö khömi, ya'ami banua Zamaria, ba no aböu; no tesao wönugu khöra. Ha wa'ara na dania, wa tebai si lö horö ira![3] 6 No ba Ndraono Gizeraeli mbörötania [böröta zaŵi andrö] no tuka zolau ya'ia, ba tenga Lowalangi ia. Nifufu sa dania zaŵi Zamaria andrö! 7 Angi sa nitarura, ba angi sabölö dania labasi; lö töla, sauri andrö, ba si lö ösi, ba na so ena'ö, ba niha bö'ö zi manga. 8 Ni'a Ndraono Gizeraeli! Amaedola wakake si lö guna sa'ae ira, ba niha baero![4] 9 Me no möi ba Ndrawa Asiria mado Geferayi, timba galide ndru'u, somasi si lö awö-awönia, ba no lafakhai zi fahuwu khöra, nifoluo.[5] 10 Ba famakhaira si fahuwu khöra andrö, ba niha baero, mbörö, wa usasagö sa'ae ira, ena'ö lö ara tö mangarö-ngarö ira, ba mbeo andrö, nibe'e khö razo sebua andrö.
II. Fame'e sumange si tenga moroi ba dödö, ba lö omasi Lowalangi
[edit | edit source]11 Noa sa'ae oya lafa'anö naha wame'e sumange mado Geferayi, ba lua-luania khöra, ba no ba horö ba Lowalangi. 12 Ba he uhöna wamakhoi khöra lala, ba hulö nifakhoi niha bö'ö wamaigira. 13 Lataba zumange nitaba ba la'a nösi, ba lö omasi Yehowa ira. Ba lö olifulifu ia wa'atefuyura, ba i'otu'ö dania horöra Ya'ira andrö dania zangawuli ba danö Miserayi ba si manga gö salakha ba danö Ndrawa Asiria.[6] 14 Me no olifu Ndraono Gizeraeli zomböi ya'ira mege, ba me no lalau gödo khöra, ba me no la'oya'ö khöra mbanua saro mado Yuda, ba ufa'ohe'ö galitö ba mbanuara andrö, alitö si manga hati andrö khöra.
Famotokhi ba gahe
[edit | edit source]Fabaliŵa lala
[edit source]Olayama Hosea: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö