Wb/nia/Hosea/1

Ihalö ndra alawe sohorö Hosea, amaedola walimosa Ndraono Gizeraeli

1 Da'e daroma li Yehowa khö Hosea andrö, ono Mbe'eri, me luo Usia ba Yotamo ba Ahasi ba Hisikia, razo mado Yuda, ba me luo Yerobeamo andrö, ono Yo'asi, razo Ndraono Gizeraeli. 2 Me böröta wehede Yehowa khö Hosea, ba imane Yehowa khö Hosea: Ae halö ndra alawe sohorö-horö, fabaya nono horö, me no sohorö-horö niha ba danö, wangerogö Yehowa. 3 Ba möi ia mangai Gomeri andrö, ono Dibila'i, ba manabina da'ö ba mo'ono khönia, ono matua. 4 Ba imane khönia Yehowa: Yezere'eli be'e töinia; hatö sa ma'ifu tö, ba ulau mbalö ndro Yezere'eli andrö, ba nga'ötö Yehu andrö ba use'e nöri Ndraono Gizeraeli andrö. 5 Ba na luo da'ö, ba ufatö wana Ndraono Gizeraeli ba ndraso andrö, ba Yezere'eli. 6 Ba ifuli manabina ba mo'ono, ono alawe. Ba imane khönia Yehowa: Lo-Ruhama (si lö muhakhösi tödö) be'e töinia, me lö'ö sa'ae uhakhösi tödö ma'uwu Gizeraeli, wame'e aefa khöra horöra ena'ö. 7 Ba ma'uwu Yuda andrö, ba uhakhösi tödö, ba u'orifi ira tanga Lowalangira, Yehowa, ba lö ube'e fangorifira wana ba si'öli ba fanuwö, ba he kudo ba he si fakudo. 8 Ba i'efa'ö ba mbagi zusu Lo-Ruhama andrö, ba ifuli manabina ba mo'ono, ono matua. 9 Ba imane Yehowa: Lo-Ami (tenga banuagu) be'e töinia, me no tenga banuagu ami, ba me lö edönado, khömi ndra'odo.

Famotokhi ba gahe

Fabaliŵa lala

Olayama Hosea: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö