Wb/nia/Hosea/14
I. Famarou tödö ba wamalalini era-era[edit | edit source]
1 Tohare wotu ba Zamaria, me no lö ba dödöra li Lowalangira. Ba mbawa zi'öli mate ira; ono sawuyu, ba nirasa dania; ba sanabina, ba nisiköi talu.[1] 2 Mifuli ami khö Lowalangimi Yehowa, ya'ami Iraono Gizeraeli! Olalöŵami andrö wamakikomi.[2] 3 Mi'ohe daroma li (fangesa dödö) wamuli ya'ami khö Yehowa, ba mimane khönia: Be'e aefa khöma horöma, fefu, ba hakhösi tödö ndra'aga, ba mabe'e salahi zumange ono zaŵi mbewema andre:[3] 4 "Lö'ö sa'ae ma'andrö tolo ba Ndrawa Asiria, lö'ö sa'ae fakudo ndra'aga, ba lö'ö sa'ae mabe'e töi nekhe-nekhe dangama "Lowalangima", khöu sa lasöndra wa'ahakhö dödö si lö ama si lö ina."
II. Tefabu'u wa'ahakhö dödö Lowalangi ba zangesa tödö[edit | edit source]
5 Ufuli dania ufadöhö lua-lua wangerogöra ya'o andrö, ba aoha gölögu wangomasi'ö ya'ira, noa sa alö wönugu khöra. 6 Timba namo mbanua dania ndra'odo ba Ndraono Gizeraeli: mobowo dania ira, si mane ladari mböhö, ba moŵa'a, si mane eu gatua ba hili Libano. 7 Ba atabö lewiöra, ba hogu, ba timba hogu zai, ba fa'amohuania, ba timba wa'amohua ba hili Libano.[4] 8 Ba si so nahia ba lumöra, ba ifuli lasöndra mbua nowi ba mobowo, si mane agu; ebua dania duriara, timba duria nagu ba hili Libano. 9 He ya'ami mado Geferayi! Hadia guna nadu andrö khögu sa'ae dania? Ya'odo andre zamondrongo khöra dania ba uhörö-hörögö ira; no timba zenobari si sökhi lehelehe ndra'odo! Buami andrö dania, ba ya'odo zangasogö. 10 Ha niha zatua-tua, ba wanöndra da'ö, ba ha niha zi so tödö, saboto ba dödö ya'ia? Sadölö sa lala andrö khö Yehowa. Latörö satulö tödö, ba sangerogö Yehowa, ba alau ba lala andrö.[5]
Famotokhi ba gahe[edit | edit source]
Fabaliŵa lala[edit source]
Olayama Hosea: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö