Wb/nia/Hosea/12
I. Falimosa Ndraono Gizeraeli[edit | edit source]
1 No tefasui manö mado Geferayi faya nilau khögu labe'e, ba si tefasui falimosa Ndraono Gizeraeli, ba mado Yuda, ba sanufa tödö manö na, ba khö Lowalangi ba ba khö Ni'amoni'ö andrö, si lö falimosa. 2 Mado Geferayi, ba no somasi angi sabölö ba lagohi nangi timu, ero ma'ökhö manö lahöna waya ba famakao awöra; fawu'u li ira ba Ndrawa Asiria; ba ba Ndrawa Miserayi, ba la'ohe wanikha.[1] 3 Ba ifatörö dania huku ba mado Yuda Yehowa, ba i'otu'ö ma'uwu Yakobo, dali mbua-buara, ba isulöni khöra nilau-laura andrö.
II. Fanegu ya'ira famasugi ba dödöra götö föna[edit | edit source]
4 Ba dalu ninara ilimo ga'ania [Yakobo], ba me no ira matua ia, ba si fasöndra khö Lowalangi ia.[2] 5 No fasöndra ira mala'ika andrö, ba Yakobo zabölö: mege-ege ia ba i'andrö wa'ahakhö dödö khö mala'ika andrö. Ba Mbetieli falukha khönia mala'ika andrö, ba ba da'ö fahuhuo ia khönia[3] — 6 Yehowa andrö, Lowalangi ngahönö, ya'ia andrö, sotöi Yehowa. 7 Ba si manö göi ndra'ugö ena'ö, wamuli ya'ugö khö Lowalangiu. Fa'omasi ba fa'atulö fa'ua, ba böi aetu wanötönamö khö Lowalangiu! 8 Ba danga Ndrawa Gana'ana so waliera faya, ya'ia zomasi mangalani awönia.[4] 9 Ba imane [göi] mado Geferayi: Ha fangebua ana'a ni'aluigu; ena'ö na ebua gana'agu dödögu. Ba ba wangaluigu andrö fefu, ba tebai lafo'esuanö ndra'o, tebai labe'e horögu hadia ia.[5] 10 Ba ya'odo Yehowa, ba no Lowalangimö ndra'odo, i'otarai ba danö Miserayi no — ba u'ila ufuli ufa'aso ba nose ndra'ugö, si mane me luo walukhata andrö [ba gahe hili Horebi] —[6] 11 ba no tenga ha samuza humede ndra'o ba zama'ele'ö andrö; ya'odo zangoya'ö fame'e angilata ba same'e molau amaedola zama'ele'ö andrö. 12 Na si lö ngaroro mbanua Gileadi andrö, ba nihori ira; na labe'e sumange zaŵi si matua, ba Giligala, ba nibali'ö baho kara ba nihölu nowi naha wame'e sumange andrö khöra.[7] 13 Me moloi Yakobo, me isaŵa danö Mezofotami, ba tobali sawuyu Gizeraeli, böli ndra alawe; böli ndra alawe wa kubalo mbiri-biri ia.[8] 14 Sama'ele'ö ifataro Yehowa, ba wangeheta Iraono Gizeraeli ba danö Miserayi, ba sama'ele'ö zamaigi-maigi ya'ira. 15 Ba no sangandrö fönu mado Geferayi. Andrö wa ibe'e ba hulura wange'enge'era andrö sokhö ya'ira, ba mangandrauli khöra horöra andrö ibe'e.
Famotokhi ba gahe[edit | edit source]
Fabaliŵa lala[edit source]
Olayama Hosea: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö