Wb/nia/Hosea/5
I. Fanegu mado Geferayi, awö mado Yuda[edit | edit source]
1 Mifondrondrongo da'e, ya'ami ere! Mibe'e mbörö dalingami, ya'ami Iraono Gizeraeli, ba mitöngöni, ya'ami ba gödo razo! Me no khömi manandrösa huhuo andrö, me no tobali tandraŵa ami ba Misefa ba u'ö nifadölö ba hili Dabora. 2 No la'erogö Lowalangi ba no abakha wanao horö. Andrö u'otu'ö ira fefu dania! 3 Noa sa aboto ba dödögu mado Geferayi, ba tebai labini'ö ira khögu Iraono Gizeraeli; noa sa faefa mege mame'e adu ami, ya'ami mado Geferayi ba no lata'unöi ria Iraono Gizeraeli, wanörö salakha. 4 Bua-buara wamatimba, na lafuli ira khö Lowalangira ena'ö; no mobekhu ira bekhu wohorö, ba fa'aboto ba dödöra Yehowa, ba lö khöra.[1] 5 Ba fangebua döi Ndraono Gizeraeli andrö zamaduhu'ö dania, udura, wa lasaŵa wa'atekiko Iraono Gizeraeli, fabaya mado Geferayi, börö golalöŵara andrö — ba si tekiko göi mado Yuda, awöra.[2] 6 Ba na maoso dania ira, na la'ohe mbiri-birira, awö zaŵira, ba wangalui Yehowa, ba lö lasöndra ia: noa sa i'erogö ira.[3] 7 Na faröi ira khö Yehowa, noa sa mo'ono'ono ono horö ira. Andrö i'a dania ira owasa ba wasulöna andrö, fabaya tanöra.
II. Idaö'ö-daö'ö sama'ele'ö wanguhuku Lowalangi ya'ira[edit | edit source]
8 Milau dorofe ba Gibea, milau dorofe ba Rama! Mihahagö ba Mbeti Awene! Mi'angelama, ya'ami mado Mbeniyami! 9 Si tobali tanö si mate danö mado Geferayi dania, na baŵa wangotu'ö. Si duhu ni'ombakha'ögu, si göna Ndraono Gizeraeli dania! 10 Satua mado Yuda andrö, ba no timba zama'ese gowe nola; ya'ira dania uhawui fönugu, nifamaduwa idanö.[4] 11 Ba mado Geferayi, ba latehe wamuyu'ö huku, latehe na lahundrahundra; noa sa lö ata'u ira, la'o'ö waya-faya andrö.[5] 12 Ba no tobali timba hama ndra'o ba mado Geferayi ba timba go ba mado Yuda. 13 Ba me la'ila wökhöra mado Geferayi ba me la'ila waosara mado Yuda, ba mangandrö tolo mado Geferayi ba Ndrawa Asiria, lafatenge zinenge khö razo Yarebi, ba tebai i'abe'e'ö ami da'ö, ba lö i'ila ifadöhö waosami andrö, 14 me timba zingo dania ndra'odo ba mado Geferayi, ba timba nono zingo ba ma'uwu Yuda. Ya'odo andre, usasawi ira ba ulau mofanö; u'oloi'ö ira, ba lö sangefa'ö ya'ira ba mofanö ndra'o, 15 ufulido ba nahiagu. Ba fozu dania, ba aboto ba dödöra ba la'alui wamaigigu ya'ira; na tosasa ira, ba humulu dödöra khögu.
Famotokhi ba gahe[edit | edit source]
Fabaliŵa lala[edit source]
Olayama Hosea: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö