Wb/nia/Hosea/7
I. Fangarö-ngarö ba horö mado Geferayi andrö[edit | edit source]
1 Ero na omasido u'orifi Ndraono Gizeraeli, ba oroma horö mado Geferayi ba si lö sökhi ba mbanua Zamaria, me no si falimo ira ba me manöinöi yomo zanagö, ba me no ato zi farabu-rabu, baero, ba lala. 2 Ba lö'ö sa lafatou-tou tödöra, wa lö olifulifu ndra'o mbua-buara andrö, si lö sökhi, fefu. Ba no te'u'u ira nilau-laura andrö; lö aefa-aefa ba duduma hörögu da'ö. 3 Labe'e fondrara dödö razora zi lö sökhi andrö khöra ba fondrara dödö zalaŵa labe'e wamini tödö andrö khöra. 4 Dozi ira, ba sohorö, timba nawu famogö roti, niböda duka roti alitö, irege no manöi gomböila roti andrö, si no mufaruka. 5 Na owasa khö razo, ba mabu agu zalaŵa andrö, irege akhömökhömö ira. Ba i'oro'ö dangania ba zango'aya. 6 No timba nawu si'öli dödöra, ba walimosara andrö. Sara wongi manö mörö-mörö duka roti, ba ba zanguhulö wongi, ba ebua galitö, alitö sihola-hola. 7 Dozi ira, ba no hulö nawu si'öli, sebua alitö, ba tobali la'a zanguhuku ya'ira. Salaŵara fefu, ba no mubunu, ba samösa lö'ö ba khöra sangombakha khögu.[1]
II. Ba niha baero la'alui wangorifi; ba Lowalangi, ba la'erogö[edit | edit source]
8 No fao ba niha baero mado Geferayi; no tobali hulö kue si lö mubali'ö ira.[2] 9 Niha bö'ö zi manga wa'abölöra, ba lö la'ila; no tohare huwa, ba lö la'ila. 10 Ba si lö lai wa no ifaduhu'ö wolaura lakhömi Ndraono Gizeraeli andrö: lö nifulira ya'ira khö Lowalangira Yehowa, lö ni'aluira ya'ia, lö lai da'ö fefu.[3] 11 Folau mado Geferayi, ba no nifolau marafadi, sowöhö-wöhö ba si lö tödö; no lakaoni Ndrawa Miserayi, ba no la'angaröfi li Ndrawa Asiria.[4] 12 Ba me ba da'ö lasaŵa, ba utaŵi wuka, uhalö ira ba dalu mbanua ba u'otu'ö, dali zi no mufarongogö ba mbanuara; 13 Alai ira, me no la'erogö ndra'o! Ya itörö ira fa'adudu, me no lalaŵa ndra'odo! He na edöna ndra'o u'orifi ira, ba lalau waya, wamatunö wolaugu. 14 Ba tenga soroi ba dödöra wangaröfi li ya'odo, ha fege-ege tou ba zalo. Ba lakhoi nösira, wolaŵa ya'odo, ena'ö abölö mbua nowi, awö nagu. 15 Ba noa sa atö ya'o zamobawa lala khöra ba sangabe'e'ö tangara. Ba no si lö sökhi dödöra khögu. 16 Labali'ö sa furi ira, ba no tenga miyaŵa. Hulö wana si lö aefa ira! Ba salaŵara, ba nibunu si'öli, börö mbewera andrö, fönura andrö — andrö wa la'igi'igi'ö dania ira ba danö Miserayi.[5]
Famotokhi ba gahe[edit | edit source]
Fabaliŵa lala[edit source]
Olayama Hosea: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö