Wb/nia/Hosea/4
I. Fanegu lalö Ndraono Gizeraeli awö zama'ele'ö ba ere[edit | edit source]
1 Mifondrondrongo li Yehowa, ya'ami Iraono Gizeraeli! So huhuo Yehowa ba niha ba danö, me lö falöfaröi, ba me lö fa'omasi, ba me lö fa'aboto ba dödöra Lowalangi, ba danö: 2 mangelingelifi ira ba molau-lau faya ba mange'enge'e ba managönagö ba mohorö-horö; manöinöi yomo ira ba te'oli manö wamunu niha. 3 Da'ö mbörö, wa oköliköli danö [lö teu], awö wa ariri niha ba danö, fabaya utu ndru'u ba fofo ba dalu mbanua; ba numalö i'a ba nasi, ba mate-mate. 4 Ba böi fasoso niha ba böi fatahi khö nawönia. Ba khömi, ya'ami ere, so huhuogu![1] 5 Ba zi ma'ökhö alau ami ube'e, ba he sama'ele'ö andrö, ba salau, awömi, ba zi bongi, ba ufakiko ninami! 6 Ba wa'atekiko lasaŵa banuagu, me no lö fa'aboto ba dödö. Ba me no lö ba dödömi wa'aboto ba dödö andrö [ya'ami ere], ba utibo'ö ami, fa böi sa'ae ere ami. Ba me no olifu ami nifakhoi Lowalangimi, ba da'u'olifugö göi ndra'o ndraonomi.[2] 7 Me itugu abölö ira mege, ba no itugu oya lalöra khögu; ba ube'e salahi lakhömira wa'aila. 8 Ba horö mbanuagu andrö lasöndra göra, ba no omasi ira golalöŵa mbanuagu.[3] 9 Ba dalafaomagö wolau khöra, ba gere ba ba niha sato: U'otu'ö mbua-buara, ba mangandrauli khöra nilau-laura ube'e.[4] 10 Na manga ira, ba böi ya abuso ira; ba na orudu ira ba ndra alawe, ba böi mo'ono'ono ira, me no laböhöli wame'e ba dödöra Yehowa.[5] 11 Ba wohorö-horö ba ba wemabu-mabu agu taya gera-era: 12 Ba mbalö geu faeta mbanuagu ba si'ora zangombakha khöra lala. Noa sa bekhu ba wohoröhörö zamowöhö ya'ira, fa lafosumange nadu, salahi Lowalangi. 13 Ba zuzu hili misa latataba zumange, ba ba hili-hili labe'e ba mbörö manawa ba ba mbörö ma'usö ba ba mbörö zimalambuo — no omasiö lumö geu andrö. Ba tobali mohorö-horö nonomi alawe ba lalulu ira ba zohoröni donga zodona umönömi.[6] 14 Ba onomi alawe, ba lö u'otu'ö ba wohorö-horöra andrö, ba he umönömi, me lalulu ira ba zohoröni donga zodonga, ba lö u'otu'ö. Ya'ira [ere] ba noa sa fao ira ba ndra alawe sabao, ba zi tobini, ba no fao-fao ira ba ndra alawe nifataro ba wohorö-horö, wame'e sumange nitaba, ba tobali tekiko niha sato, si lö fa'aboto ba dödö.
II. Famangelama mado Yuda[edit | edit source]
15 Ba na mamosumange adu ami, ya'ami Iraono Gizeraeli, ba böi atö molalö mado Yuda! Böi mi'ae ba Giligala, ba böi mi'ae miyaŵa ba Mbeti Awene, ba böi mifao ba da'ö wahölusa andrö: "Ba wa'aduhu wa'auri Yehowa![7] 16 Na no sabe'e tandro Ndraono Gizeraeli, timba zaŵi samu'i, ba hadia, ba ikubaloi ira Yehowa, ba mbenua sebolo, amaedola nono mbiri-biri? 17 No la'olembai nadu mado Geferayi; ba niböhöli sa'ae ira! 18 No tenga inötö wemabu-mabura, ba sohorö-horö ira! Fangebua döira andrö, ba lö ba dödöra; fa'aila zomasi ira.[8] 19 Ifuyu'ö ira tawuyu nangi sabölö ba tobali si lö boto wanötönara ba naha wame'e sumange andrö khöra.
Famotokhi ba gahe[edit | edit source]
Fabaliŵa lala[edit source]
Olayama Hosea: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö