Wb/nia/Sanguhuku/17
I. Mame'e adu Mikha andrö[edit | edit source]
1 Ba so ba hili mado Geferayi andrö niha, Mikha döinia; 2 ba imane niha da'ö khö ninania: Rufia andrö, si 1.100, si no taya khöu, ni'elifiu sanagö, ba zi so ya'o, ba hiza, khögu so rufia andrö, ya'o zangai: ba ufuli sa'ae khöu. Ba imane khönia inania: Ya'ahowu ndra'ugö khö Yehowa, onogu! 3 Ba ifuli khö ninania rufia andrö, si 1.100. Ba imane inania: Ube'e ni'amoni'ö khö Yehowa gana'a andrö, ululu khöu, ya'ugö onogu, ena'ö tebali'ö adu nifoe ba adu nifahele. 4 Ba ihalö zi 200 rufia inania, ibe'e khö duka gana'a ba ibali'ö adu nifoe ba adu nifahele. Ba tebe'e ba nomo Mikha. 5 Ba tobali so nahia Lowalangi khö Mikha andrö. Ba ifo'awö baru gere ba siraha, ba ifataro ere khönia nononia samösa.[1] 6 Me luo da'ö, ba lö razo samatörö Iraono Gizeraeli; ilau manö nikhoi dödönia zamösana.
II. Ifataro ere nono Lewi, samösa[edit | edit source]
7 Ba so nono matua ba Mbetilekhema Yuda, si so ba mado Yuda andrö, ono Lewi, si fatewu ba da'ö. 8 Ba iheta ia ba Mbetilekhema Yuda, sate fatewu ia dania, ba irugi hili mado Geferayi, nomo Mikha andrö, ba itohugö wofanö dania ena'ö. 9 Ba imane khönia Mikha: Heza ö'otarai? Ba imane: Ono Lewi ndra'o, u'oroi Mbetilekhema Yuda, sawu'a ndra'o, sate u'iagö dania. 10 Ba imane khönia Mikha: Iagö khögu, amagu ba ere khögu, fulu rufia döfi ube'e khöu ba utaha nukhau ba balazou. 11 Ba itehe ono Lewi andrö i'iagö ba niha andrö, ba hulö zi fadoro ononia khönia nono matua andrö. 12 Ba ifataro nono Lewi andrö Mikha, tobali ere khönia nono matua andrö, ba yomo khö Mikha i'iagö. 13 Ba imane Mikha: Eaduhu sa'ae dödögu, ifahowu'ö ndra'o Yehowa, me no ere khögu nono Lewi andrö.
Famotokhi ba gahe[edit | edit source]
- ↑ MozI 31:19; MozIII 16:32; SamI 19:13
Fabaliŵa lala[edit source]
Olayama Sanguhuku: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö