Wb/nia/Sanguhuku/10
I. Tola ba Ya'iro sanguhuku Iraono Gizeraeli[edit | edit source]
1 Furi Gabimelekhi andrö, ba maoso Dola, ono Wua, ma'uwu Dodo, mado Isasari, ba wangorifi Iraono Gizeraeli. Banuania Zamiri, ba hili mado Geferayi. 2 Dua wulu a tölu fakhe wa'ara sanguhuku Iraono Gizeraeli ia, ba mate ia ba ba Zamiri lako'o. 3 Ba furinia, ba maoso Ya'iro, banua Gileadi, ba 22 fakhe wanguhukunia Iraono Gizeraeli Tölu ngafulu nononia matua, 4 si fakudo ba nono galide, tölu ngafulu, ba tölu ngafulu khöra mbanua, halama soya khö Ya'iro döi, irugi ma'ökhö, ba danö Gileadi. 5 Ba mate Ya'iro andrö, ba ba Gamono lako'o.[1]
II. Lafuli la'erogö Lowalangi Iraono Gizeraeli ba göna famakao ba mangesa dödöra[edit | edit source]
6 Ba lafuli lalau zi fatuwu khö Yehowa Iraono Gizeraeli, lafosumange Mba'ali ba Asaroti andrö, ba adu Ndrawa Garamo andrö ba adu Zidona ba adu Ndraono Moabi ba adu Ndraono Gamoni, ba adu Ndrawa Wilisiti, ba la'erogö Yehowa ba lö lafosumange.[2] 7 Ba mofönu Yehowa ba Ndraono Gizeraeli, ba i'amawa ira, ibe'e ba danga Ndrawa Wilisiti ba ba danga Ndraono Gamoni. 8 Da'ö zamakao Iraono Gizeraeli ba sanguhundragö ya'ira, me luo da'ö, ba meweleŵalu fakhe dania, dozi Iraono Gizeraeli yefo Yoridano, ba danö Ndraono Gamori andrö, ba danö Gileadi. 9 Ba la'ötö göi Yoridano Iraono Gamoni, ba wolau ba mado Yuda göi ba ba mado Mbeniyami ba ba ma'uwu Geferayi, tobali abu sibai dödö Ndraono Gizeraeli. 10 Ba la'angaröfi li Yehowa Iraono Gizeraeli, lamane: Horöma khöu, wa no ma'erogö Lowalangima, awö wa no mafosumange Mba'ali andrö! 11 Ba imane Yehowa ba Ndraono Gizeraeli: Hadia, tenga no lafakao göi ami Dawa Miserayi ba Iraono Gamori ba Iraono Gamoni ba Dawa Wilisiti, 12 ba banua Zidona ba Iraono Gamaleki ba Iraono Midiano, ba mi'angaröfi li ndra'o, ba u'efa'ö ami ba dangara? 13 Ba ya'ami, ba no mi'erogö ndra'o ba no mifosumange Lowalangi bö'ö. Andrö wa lö'ö sa'ae edönado u'orifi ami.[3] 14 Mi ae mi'angaröfi li Lowalangi andrö, nitutuyumi khömi! Hana na ya'ira zangorifi ya'ami, na tosasa ami! 15 Ba lamane Iraono Gizeraeli khö Yehowa: Horöma; hadia zomasi'ö ba lau khöma, ha fa ö'orifi ndra'aga iya'e! 16 Ba latibo'ö nadu niha baero andrö, laheta ba mbanuara, ba lafosumange Yehowa. Ba ahakhö dödönia wamakao Ndraono Gizeraeli andrö.[4]
III. Möi ira fasuwö ba Ndraono Gamoni[edit | edit source]
17 Ba so Ndraono Gamoni, la'iagö danö Gileadi. Ba möi göi Ndraono Gizeraeli, ba ba ngai Misefa la'iagö. 18 Ba faoma lamane khö nawöra salaŵa Gileadi: Ha niha zi börötaigö fasöndra ba Ndraono Gamoni andrö? Da'ö dania nibe'e salaŵa mbanua Gileadi fefu!
Famotokhi ba gahe[edit | edit source]
Fabaliŵa lala[edit source]
Olayama Sanguhuku: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö