Wb/nia/Sanguhuku/14

I. Ifohu nono alawe Ndrawa Wilisiti Simesono

1 Ba möi misi tou ba Dimenata Zimesono, ba i'ila ba da'ö nono alawe, Dawa Wilisiti, ba Dimenata andrö. 2 Ba ifuli ia misi yaŵa manutunö da'ö khö ndra amania, imane: No u'ila nono alawe, Dawa Wilisiti, ba Dimenata, mitehe khögu wangai ya'ia. 3 Ba lamane khönia ira amania: Hadia lö'ö sa'ae ira alawe ba nono dalifusöu, ba niwada fefu, wa ba niha baero, ba Ndrawa Wilisiti andrö, ba niha si lö muboto, öhalö khöu? Ba imane Simesono khö namania: Da'ö be'e khögu, omasido! 4 Ba lö'ö sa aboto ba dödö ndra amania, wa moroi ba Lowalangi da'ö, me sangalui börö ia, ba Ndrawa Wilisiti. Me luo da'ö, ba Dawa Wilisiti zamatörö Iraono Gizeraeli.

II. Ibunu zingo

5 Ba möi ba Dimenata Zimesono, awö ndra amania inania. Ba me larugi kabu nagu mbanua Dimetata andrö, ba faondra khönia nono zingo, si lö mudöna-döna, mundröndrö-ndröndrö. 6 Ba so khönia Geheha Yehowa, ba isasawi nono zingo andrö, nifanasawi ono nambi, ba lö'ö sa hadia ia ba dangania. Ba lö'ö sa i'ombakha'ö khö ndra amania nilaunia andrö. 7 Ba möi mitou ia, fahuhuo ia khö nono alawe andrö ba faduhu dödö Zimesono khönia. 8 Ba lö ara, ba ifuli möi, ba wangai ya'ia. Ba möi ia ba zinga lala, ba wamaigi amatela zingo no mege, ba hiza ŵani ba gamatela zingo andrö, ba mo'ösi. 9 Ba ilau ba lalu'ania ba ifelai barö wowaö-waönia andrö. Ba me fakhamö ia khö ndra amania, ba ibe'e öra ösa, ba lö'ö sa i'ombakha'ö, wa ba gamatela zingo andrö mege ihalö ŵe ŵani andrö.

III. Falöŵania ba dahö-dahö andrö khönia

10 Ba möi misi tou khö nono alawe andrö namania, ba ilau walöŵa ba da'ö Zimesono, si manö sa huku ba nono matua. 11 Ba me ata'u ira Zimesono, ba tölu ngafulu labe'e awönia niha, si lö aefa-aefa khönia. 12 Ba imane ba da'ö Simesono: Da'uŵa'ö khömi dahö-dahö. Na misöndra geluaha barö zi fitu bongi walöŵa andre, na mi'ila miŵa'ö, ba tölu ngafulu ube'e khömi kameza ba tölu ngafulu baru ba walöŵa, 13 ba na tebai misöndra khögu, ba ya'ami zame'e khögu, tölu ngafulu gameza ba tölu ngafulu mbaru luo. Ba lamane khönia: Ŵa'ö dahö-dahö andrö khöu, ena'ö marongo. 14 Ba imane khöra: Ö, si otarai zi manga ba sami, si otarai zabölö. Ba tölu bongi wa'ara ba lö lasöndra geluaha dahö-dahö andrö. 15 Ba mahemolu ö, ba la'andrö khö ndronga Zimesono, lamane: Ŵa'ö khö wo'omou andrö, ena'ö i'ombakha'ö khöma geluaha dahö-dahö andrö, ba na lö ötologa, ba masului ndra'ugö, fabaya si samba omo ndra amau. Te ba wanganumana ya'aga mikaoni ndra'aga! 16 Ba mege-ege ndronga Zimesono khönia, imane: Ha sambalö fa'abua gölöu khögu, ba tenga fa'omasi; no öŵa'ö ba dalifusögu dahö-dahö ba lö ni'ombakha'öu khögu! Ba imane khönia: Ba khö namagu ba khö ninagu, ba lö ni'ombakha'ögu, ba u'ombakha'ö khöu! 17 Ba mege-ege ia khönia, irege no alua zi fitu bongi andrö, götö mbongi walöŵa andrö. Ba me luo si fitu andrö, ba i'ombakha'ö khönia, me no iforege sibai khönia. Ba ya'ia zangombakha eluaha dahö-dahö andrö ba dalifusöra. 18 Me luo si fitu andrö, ba la'ombakha'ö khönia banua da'ö, gasa-gasa wa möi ia si bakha khö ndrongania, lamane: Hadia zami moroi ba ŵe ŵani, ba hadia zabölö moroi ba zingo? Ba imane khöra: Na lö mifake mena'ö nono zaŵi khögu, ba wanguhundra laza khömi, ba lö'ö sa misöndra mena'ö geluaha dahö-dahö andrö khögu! 19 Ba so khönia Geheha Yehowa ba möi ia misi tou ba Gasekalo, ba tölu ngafulu ibunu niha, banuara. Ba ihalö nukhara ba ibe'e ba zanöndra eluaha dahö-dahö andrö khönia mbaru andrö, baru ba walöŵa. Ba mofönu sibai ia, ba ifuli ia misi yaŵa khö namania. 20 Ba donga Zimesono andrö, ba tebe'e khö nawönia, nihalönia khönia awö fao.

Famotokhi ba gahe

Fabaliŵa lala

Olayama Sanguhuku: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö