Wb/nia/Sanguhuku/12
I. Fasosota mado Geferayi khö Yefita[edit | edit source]
1 Ba owulo mado Geferayi, möi ira ba Zafono ba lamane khö Yefita: Hana wa möi'ö manö fasuwö ba Ndraono Gamoni ba lö sihede'ö khöma, ena'ö faoga khöu? Damatunu nomou si so'ö yomo![1] 2 Ba imane khöra Yefita: Fagua-gua sibai mege ndra'aga ba Ndraono Gamoni andrö, ya'odo ba banuagu, ba u'angaröfi li ami, ba lö'ö sa mi'efa'ö ndra'o ba dangara. 3 Ba me u'ila, lö edöna mitolo ndra'o, ba ubelegö nosogu, möido fasuwö ba Ndraono Gamoni ba ibe'e ba dangagu ira Yehowa. Ba hadia wa möi ami khogu ma'ökhö, ba wolau khögu? 4 Ba ifakaoni'ö mbanua Gileadi fefu Yefita, ba ilau ba mado Geferayi, ba te'ala sibai mado Geferayi, labe'e banua Gileadi andrö. Noa sa lamane: Mado Geferayi soloi ami: Si te'u'u ba danö mado Geferayi Gileadi andrö ba ba danö mado Manase. 5 Ba laba'a götöna ba Yoridano banua Gileadi, tanö ba mado Geferayi. Ba na so zoloi andrö, mado Geferayi, na mu'ao: Mifolala ndra'o miyefo! ba lamane khönia banua Gileadi: Hadia, mado Geferayi ndra'ugö? Ba na imane: Tenga! 6 ba lamane khönia: Ŵa'ö: Skhibolet! ba na imane: Sibolet! na lö itörö tödönia, i'atulö'ö wanötöi, ba lara'u ia ba la'ö'ötö ia ba da'ö ba götöna andrö ba Yoridano. Tobali 42,000 zi mate mado Geferayi, me luo da'ö.[2] 7 Ba meönö fakhe ihuku Ndraono Gizeraeli Yefita andrö. Aefa da'ö, ba mate Yefita, banua Gileadi, ba ba mbanua Gileadi lako'o ia.
II. Ebesana ba Elono ba Abedono, sanguhuku andrö[edit | edit source]
8 Ba furinia, ba Ebesana banua Mbetilekhema zanguhuku Iraono Gizeraeli. 9 Tölu ngafulu nononia matua, ba tölu ngafulu nono alawe nibe'enia nihalö ba mbanua baero ba tölu ngafulu ihalö khö nononia matua ono alawe mbanua bö'ö. Mewitu fakhe ihuku Ndraono Gizeraeli; 10 aefa da'ö, ba mate Gebesana ba ba Mbetilekhema lako'o. 11 Ba furinia, ba Elono, mado Zebuloni zanguhuku Iraono Gizeraeli, mewulu fakhe. 12 Ba aefa da'ö, ba mate Gelono andrö, mado Zebuloni, ba ba Nayalona, ba danö mado Zebuloni, lako'o ia. 13 Ba furi da'ö, ba Abedono, ono Hileli, banua Wiratono, zanguhuku Iraono Gizeraeli. 14 Öfa wulu nononia matua ba tölu ngafulu ma'uwunia, si fakudo ba hulu nono galide, fitu ngafulu nga'eu. Meŵalu fakhe ihuku Ndraono Gizeraeli.[3] 15 Aefa da'o, ba mate Gabedono andrö, benua Wiratono, ono Hileli, ba ba Wiratono lako'o ia, ba danö mado Geferayi, ba hili Ndraono Gamaleki andrö.[4]
Famotokhi ba gahe[edit | edit source]
Fabaliŵa lala[edit source]
Olayama Sanguhuku: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö