Wt/zea/zeê

From Wikimedia Incubator
< Wt‎ | zea
Wt > zea > zeê

Zeêuws[edit | edit source]

Wikipedia
Wikipedia
De Zeêuwse Wikipedia eit 'n artikel over zeê

Etymologie[edit | edit source]

Uut Middelnederlands see (genitief sewes; ziet ok Zeêuws), van Oudnederlands sēo, uut Oergermaons *saiwiz. Buten de Germaonse taelen bin d'r gin cognaoten bekènd, a bin d'r wè 'n paer vògesteld. Wè liekt 't wat te maeken te 'ebben mee 't Finse saivo en 't Lapse saiva (aollebei 'meer'); 't Germaons zou 't woord dan van 'n Oeralisch substraet 'ebbe moete, of de taelen è 't aollebei uut 'n noe verdwene taelgroep geleênd, mae zeker is dat glad nie.

Omschrievienge[edit | edit source]

Meêuwen bove zeê, mee de kuste op d'n achtergrond.

zeê meêstentieds v

  1. Uutgestrekt stik zout waeter, in principe in directe verbindienge mee d'n oceaon
    • M'è 'ier altoos van de zeê eleefd en bin d'r dikkels van esturve ok, mae noe is 't mee aollebei wat minder.
  2. Groôte 'oeveel'eid van 't eên of aor
    • J' 'oef jen eige nie te spoeien 'oor, m'è nog zeêën van tied!
  3. (in Zeêuws-Vlaonderen) De Westerschelde, d' 'Onte

Uutspraek[edit | edit source]

[zɪː], [ziə]

Verbugienge[edit | edit source]

meêrvoud zeêën, verkleinwoôrd zeêtje

Varianten[edit | edit source]

zeêë (kom vee vò, nie echt an 'n dialect te binden), zji (Acht'uzen)

Aore schriefwiezen[edit | edit source]

zêê Woordenboek der Zeeuwse Dialecten, zea (ouwe, noe nie meer zò gebrukelijke spellienge)

Saemenstelliengen[edit | edit source]

Uutdruksels[edit | edit source]

  • D'r stae zeê,
    1. Z'è ruzie
    2. Die vrouwe staet op bevallen
  • Ik kan de zeê wè uut(drienke), 'k È vreêd vee dost
  • Je mot 't mar an de zeê overgeve, Je kan d'r toch niet an doeë
  • Dat leit nog in de zeê te drieve, Da's nog glad nie zeker

Ontlêniengen in aore taelen[edit | edit source]

Vertaeliengen[edit | edit source]

Bronnen[edit | edit source]

  • Dr. Ha.C.M. Ghijsen (red.), Woordenboek der Zeeuwse Dialecten. Van Velzen, Krabbendieke, 1964, ¹⁰1998: blz. 1169-73
  • K. Fraanje c.s. (red.), Supplement Woordenboek der Zeeuwse Dialecten. Van Velzen, Krabbendieke, 2003: blz. 250
  • Nicoline van der Sijs (2015, saemenstellienge), Uitleenwoordenbank bie 't trefwoôrd 'zee'