Wb/nia/Sinunö/78

Famahaö; khö Gasafo.

Famahaö. Famasugi ba dödö famatörö Lowalangi Iraono Gizeraeli

1 Mifondrondrongo, ya'ami banuada, wamahaögu andre, mibe'e mbörö dalingami ba daroma ligu andre.
2 Da'ubokai mbawagu, ba wolau amaedola, da'utunö dahö-dahö, si oroi götö föna sa'ae.
3 Si no tarongo, si no itörö, nidunö-dunö ndra amada khöda.
4 Ba lö tabini'ö ba ma'uwura wanutunö ba götö dania turia Yehowa andrö ba fa'abölönia ba sahöli-höli dödöda khönia, nilaunia.
5 Noa sa i'asogö wamaduhu'ö ba Ndraono Yakobo, ba no ibe'e goroisa ba Ndraono Gizeraeli, ni'oroi'önia khö ndra tuada, ena'ö la'ombakha'ö ba ndraonora.
6 Ena'ö la'ila ba götö dania, iraono andrö, si tumbu dania, ba ena'ö maoso da'ö, ba wanutunö mitou, ba ndraonora.
7 Ena'ö tötönaföra Lowalangi, ba böi olifu ira zebua andrö, nilau Lowalangi, ba ena'ö la'o'ö goroisania.
8 Ba böi si mane ira tuara ira, niha si faröi ba samadaö li; niha si lö aro tödö, saefa-aefa era-era khö Lowalangi.
9 Iraono Geferayi andrö, solohe fana, ba wafanata, ba no moloi, me luo wanuwö.
10 Laböhöi wawu'usa li andrö khö Lowalangi ba lö edöna latörö lala andrö khönia, ba goroisa.
11 Olifu ira nilaunia andrö ba sahöli-höli dödö andrö, nifa'ele'önia khöra.
12 No ilau zahöli-höli dödö ba zi so ira tuara, ba danö Miserayi, ba zalo'o ba Zoana.
13 No ifabali nasi, ifatörö ira; i'abe'e'ö nasi, hulö mba'a-ba'a [fatambai].
14 Ba ifasao ira, lawuo, na ma'ökhö, ba sara wongi dania, ba haga galitö.
15 Isila gara ba danö si mate andrö, ifabadugö khöra zi hulö nidanö sebua.
16 Ifangumbu mbombo moroi ba gara, ifangele nidanö, si hulö nidanö sebua.
17 Ba latohugö zui wamazökhi horö khönia ba fangandrö fönu Wondrege zalaŵa, ba danö si mate.
18 Latandraigö Lowalangi tödöra, wangandrö gö somasi ira.
19 Lafatou Lowalangi, lamane: Hadia, i'ila Lowalangi ifa'oli göda, ba danö si mate?
20 Hiza, no ibözi gara, ba mangumbu nidanö khönia, ahele, mo'ungo; hadia, i'ila göi ibe'e göda? Hadia i'ila i'asogö ndriwo mbanuania?"
21 Andrö mofönu Yehowa, me irongo da'ö, ba humola galitö ba Ndraono Yakobo, tesao wönu ba Ndraono Gizeraeli.
22 Me lö mamati ira ba li Lowalangi andrö, ba me lö latötöna wangorifi andrö khönia.
23 Ba i'oroi'ö ba lawuo si yaŵa, ibokai mbawandruhö mbanua si yaŵa.
24 Moteu "mana" ba khöra ibe'e, ena'ö la'a, ibe'e khöra mböra mbanua si yaŵa.
25 Ö mala'ika göra, dozi ira; no ifa'ohe'ö khöra mbalazo, fahöna.
26 Ifasugi nangi moroi ba gatumbukha ba mbanua, ba ifatörö nangi moroi raya, ba wa'abölönia andrö.
27 Moteu diwo ba khöra, ibe'e, hulö gawu-gawu, ba fofo so'afi, hulö nene ba mbewe nasi.
28 Ba dalu golombaseŵara i'ekhugö, tefasui nahiara.
29 Ba la'a, ba maulu wa'abusora; ibe'e khöra zomasi ira.
30 Ba lö si döhö na wangisöra andrö, so na ba mbawara göra andrö,
31 ba tesao wönu Lowalangi khöra, ba ibunu zesolo andrö khöra ösa ba ibözi tou nono matua Ndraono Gizeraeli.
32 Ba latohugö wanao horö, lö lai da'ö, lö mamati ira ba zahöli-höli dödö andrö khönia.
33 Ba ibe'e taya-taya mbaŵara, tobali angi, ba döfira, ba sata'u ita wa'alio.
34 Na ibubunu ira, ba lazofu-zofu ia; lafuli ira, ba laforege wangalui Lowalangi.
35 Ba itörö tödöra, wa no we'e-we'e dödöra Lowalangi, wa sangorifi ya'ira Lowalangi Fondrege zalaŵa andrö.
36 Ba lahaogö-haogö mbewera khönia, ba lelara, ba solau faya khönia.
37 Ba lö aro dödöra khönia, si faröi ira, ba wawu'usa li andrö khönia.
38 Ba ya'ia, ba sahakhö tödö, i'efa'ö lalöra andrö ba lö ifakiko ira; asese i'alösi wönunia, ba lö iforege wamaosi tödönia.
39 Itörö sa tödönia, wa no ösi niha ira, wa angi, silalö misa ba si lö mangawuli.
40 Ha me uga molaŵa ira khönia, ba danö si mate andrö, ha me uga labusi dödönia ba danö si lö niha-niha!
41 Lö döhö latandraigö Lowalangi, afökhö bakha dödö ni'amoni'ö ba Ndraono Gizeraeli, labe'e.
42 Lö itörö tödöra wa'abölö dangania, ba he baŵa andrö, me i'efa'ö ira ba danga nemalira.
43 Me ilau dandra andrö khönia, ba danö Miserayi ba sahöli-höli dödö andrö, ba ndraso Zoana.
44 No ibali'ö do nidanö sebua khöra, awö mbombo, fa tebai labadu.
45 Ifa'amöi khöra ndri manu, si manga ya'ira; ba talaho, famakikora.
46 Ibe'e ö lamanua mbua danö khöra, ba ö damo gölöra.
47 Ifabözi'ö nagu khöra teu kara, ba bua ara khöra teu sabe'e.
48 Göna teu kara georiföra ibe'e, ba göna zaerezaere mbiri-birira ba saŵira.
49 Ifatörö khöra hola-hola wönunia andrö ba fa'abao dödö ba bakhu-bakhu dödö ba famakao, awö ngawawa mala'ika samakiko.
50 Ifolala wönunia andrö, lö itimba wa'aetu nosora, ilulu ba wökhö waba.
51 Ibözi fefu nono si a'a ba danö Miserayi, si a'a zabölö andrö ba nose ma'uwu Khamo.
52 Ba awu'a mbanuania andrö, hulö mbiri-biri, ibe'e, ba ifasao ira, hulö nikubaloi, ba danö si mate andrö.
53 Ihaogö wolohe ya'ira, fa böi ata'u ira; ba emalira andrö, ba no ibalugö asi.
54 Ba i'ohe ira ba danö ni'amoni'ö andrö khönia; ba hili andre, ni'okhögö gambölönia.
55 Ba itimba fönara niha baero andrö; ifaosa tana khöra ba dahö-dahö, ifatewu ba nosera mado Ndraono Gizeraeli andrö.
56 Ba latandraigö Lowalangi Fondrege zalaŵa, la'andrö wönunia, ba lö la'o'ö wamaduhu'ö andrö khönia.
57 La'erogö Lowalangi, fabali, si mane ira tuara; labali'ö ira furi, hulö wana si falimo.
58 Ba labaosi dödönia, ba hili-hili andrö khöra, afökhö bakha dödönia, labe'e ba nadura andrö.
59 Ba irongo Lowalangi, ba mofönu ia, ba ifaulugö i'erogö Ndraono Gizeraeli.
60 Ba iböhöli nahiania andrö ba Zilo, ose andrö, si soso ia ba niha.
61 Ba ibe'e nirabu wa'abölönia andrö; lakhöminia andrö tawöla gamabu'ula li, ba ilulu ba danga nemali.
62 Ba itou'ö ba mbawa zi'öli mbanuania andrö, mofönu ia ba dana khönia.
63 Ono matua andrö khönia, ba i'a alitö, ba lö falukha wanunö ba walöŵa nono alawe khönia.
64 Mate ni'ö'ötö gere andrö khönia, ba lö mange'esi lakha mbanua.
65 Ba tokea Zo'aya, hulö zi no mörö, hulö zabölö, si karaini wa'iki, wamadu agu.
66 Ba itimba nemalinia andrö; aila ira, si lö aetu, ibe'e.
67 Ba i'erogö nose Ndraono Yesefo andrö, tenga mado Geferayi nituyu.
68 Mado Yuda sa'ae ituyu, hili Ziona andrö, somasi ia.
69 Ba ilau ni'amoni'ö andrö khönia, timba wa'alaŵa mbanua si yaŵa wa'alaŵa, si mane tanö andrö, nilatania, si lö tebulö.
70 Ba ituyu genoninia andrö, Dawido andrö, ba zinga kandra mbiri-biri ihalö.
71 Ba nikubaloinia biri-biri si bohou mo'ono ihalö, ena'ö ikubaloi mbanuania, ma'uwu Yakobo, tana khönia andrö, Iraono Gizeraeli.
72 Ba ikubaloi ira, dali wa'adölö dödönia andrö; ba enahöi dangania, wolohe ya'ira.

Famotokhi ba gahe

Fabaliŵa lala

Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö