Wb/nia/Sinunö/104
I. Fanuno somböi ba sondrorogö fefu hadia ia
[edit | edit source]1 Suno Yehowa, ya'ugö tödögu! He Yehowa, Lowalangigu, salaŵa sebua ndra'ugö; fa'asalaŵa ba lakhömi nukhau.[1]
2 Si obaru haga, samologö banua si yaŵa, hulö dufo sebolo.
3 Same'e hare nomonia idanö, ba same'e kuretania lawuo andrö, sanörö afi nangi.
4 Samali'ö sinengenia angi ba samali'ö enoninia hola-hola galitö.[2]
5 No ilata danö dayadayania andrö, fa böi mangiwa ia, irugi zi lö aetu.
6 No öbalugö ia idanö, hulö nifobaru, no anönö hili idanö andrö.
7 Ba ahele, me ötenaŵa, ba we'ugu-ugu limö andrö fulöi ia.[3]
8 Tumbu sa'ae hili ba ahöndrö ndraso, ba naha nihonogöimö khönia.
9 No öbe'e nola khönia, si tebai isawö; lö mangawuli, ba wamalugö tanö.
10 Samangumbu idanö, sanaŵa daso, ba mbawa danö misa itörö.
11 Ö zaliŵa-liŵa ba danö fefu ia; ifadöhö wa'owökhi dödönia kalide ndru'u andrö.
12 Monahia ba mbewenia wofo ba dalu mbanua; lafarongogö lira moroi ba ndraha geu andrö.
13 Samo'idanö hili, moroi ba nahiania andrö si yaŵa; fangabuso danö lua-lua wolaumö andrö.
14 Samatumbu'ö du'u, ö gurifö niha ba sinanö, soguna ba niha, wamalua balazo moroi ba danö.[4]
15 Ba agu, fa'omuso dödö niha, ba ena'ö takile mbawa ba wanikha, ba ena'ö möi fangabe'e dödö niha roti.[5]
16 Fahöna nidanö ba döla geu andrö, khö Yehowa, ba döla geresi andrö, nitanönia.
17 Ba zangazuni fofo; tumbao andrö, sonahia ba hogu naru'u.
18 Hili salaŵa andrö, ba no saŵatö nago, ba arö gara, ba saŵatö laosi.
19 Baŵa no ifazökhi, ba wamaigi inötö; luo andrö, ba i'ila wa'aekhunia.[6]
20 Na ölau wa'ogömi-gömi, ba bongi; ba ba zi bongi andrö, ba maliŵa-liŵa fefu gutu ndru'u andrö.
21 Ono zingo andrö si ndröndröndröndrö, wangalui ahulua, sangandrö göra khö Lowalangi.
22 Ba tumbu luo, ba mangawuli ira furi ba mörö ba nahiara.
23 Ba möi tou niha ba halöŵönia, mangai nihalönia, irege bongi.
II. Fa'ahöli-höli dödö ba nifazökhi Lowalangi andrö
[edit | edit source]24 Ha lö oya ngawalö halö-halöŵöu, ya'ugö Yehowa; fa'atua-tuamö wamalua ya'ia fefu, no anönö danö niwöwöimö andrö!
25 Hiza nasi andrö, no ebua ba no ebolo misa, ba saliŵa-liŵa bakha, lö mutaha mu'erai, side-ide ba sebua.
26 Lala nowo ia: ba da'ö so gi'a sebua andrö, nifazökhiu, ena'ö famaimai ba da'ö.
27 Ba oi dozi manötöna khöu, ena'ö öbe'e göra, na inötö.[7]
28 Ba öbe'e khöra, ba latutuyu; öbokai dangau, ba abuso ira si sökhi.
29 Ba öbini'ö mbawau, ba tokea ira; öböda nosora, ba aetu, tobali gawu-gawu ira mangawuli.[8]
30 Öfalua Gehehamö, ba tewöwöi ira, ba öbohouni guli danö.
31 Lakhömi Yehowa andrö, ba si lö aetu; omuso dödö Yehowa nifazökhinia andrö;
32 Na inehegö danö, ba humisi; na itufa tangania hili, ba manimbo.[9]
33 Damanunö ndra'o khö Yehowa, götö wa'anau nosogu; usuno Lowalangigu, götö wa'ara ndra'odo.
34 Ena'ö na omasi ia nifakhai dödögu; ya'odo, ba no somuso tödö khö Yehowa!
35 Ena'ö taya ba guli danö zamazökhi horö, ena'ö lö'ö sa'ae sebua horö. Suno Yehowa, ya'ugö tödögu! Haleluya!
Famotokhi ba gahe
[edit | edit source]Fabaliŵa lala
[edit source]Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö