Wb/nia/Sinunö/139
Khö duka wanunö andrö. Khö Dawido. Sinunö.
I. Ahori i'ila Lowalangi fefu hadia ia ba lö si lö ya'ia
[edit | edit source]1 He Yehowa, ösekhegö ndra'o ba no aboto ba dödöu ndra'odo.[1]
2 Fedadaogu ba femaosogu, ba ö'ila, ba ösöndra gera-eragu, moroi ba zaröu.[2]
3 Ötimba tödöu wowaö-waögu ba femörögu, ba no aboto ba dödöu lalagu andrö fefu.
4 Hiza sa, sambua lö li mbewegu andre, si lö ö'ila manö, ya'ugö Yehowa.
5 No öfa'u'u ndra'odo, he moroi föna ba he moroi furi, ba no ötufa ndra'o tangau.
6 Tebai aboto ba dödögu wangila si manö, lö ukhamö — tebai ulaŵa!
7 Heza usaŵa ba Gehehamö andrö? Heza ubini'ö ndra'odo, ba wamaigiu andrö?
8 Na möido miyaŵa ba zorugo ena'ö, ba no so ndra'ugö ba da'ö; ba na ba mbanua tou u'alui khögu naha wemörö, ba no so ndra'ugö.[3]
9 Na uhalö ena'ö afigu gafi wa'amoluo andrö, na ba wondrege nasi u'alui nahiagu,[4]
10 ba ba da'ö ö'ohe dangagu, ötuyu ndra'o kambölöu.
11 Ba na umane: Yamubalugö manö ndra'odo fa'ogömi-gömi, ya tobali si bongi haga andrö, si tefasui ya'odo,[5]
12 ba tenga si töra fa'ogömi-gömi khöu zogömi-gömi andrö, ba humaga zi bongi andrö, si mane si moluo; si mane haga wa'ogömi-gömi andrö.[6]
13 No ya'ugö zamazökhi buagu andrö, no ya'ugö zomböi ya'odo, ba dalu ninagu.
14 U'andrö saoha gölö khöu wamazökhiu ya'odo, sahöli-höli dödö, si tobali dödö niha; sahöli-höli dödö wolaumö andrö, ba no aboto sibai ba dödögu.
15 Tenga si tobini khöu dölagu andre, me tefazökhi ndra'odo, ba zogömi-gömi, me tewöwöi ndra'o, nifomböwöi duka, ba hunö danö.[7]
16 No i'ila ndra'o höröu, me tanömö niha na ndra'odo, ba no tetanö ba zura khöu mbaŵa andrö fefu, nihonogöi, me sambua lö irugi na.[8]
II. Fangandrö
[edit | edit source]17 Ba no sebua sibai böli gera-erau khögu, ya'ugö Lowalangi, soya sibai gahonoania![9]
18 Na u'erai ena'ö, ba no oya, moroi ba ngawua nene; na tokea ndra'odo, ba lö si tebulö ndra'o khöu.[10]
19 Ena'ö na öbunu zanao horö andrö, ya'ugö Lowalangi! Ba sange'enge'e, andrö, ba ena'ö na aheta khögu!
20 Sanandraŵaisi ya'ugö, sanötöi töimö ba waya, si fa'udu khöu andrö.
21 Hadia, alakha lö fatiu dödögu ba zi fatiu tödö khöu, ya'ugö Yehowa? Ba hadia, lö u'ogorofi zolaŵa ya'ugö?
22 Fatiu dödögu khöra, fatiusa si no mo'ahonoa; emali ira khögu.
23 Sekhegö ndra'odo, Lowalangi, ya aboto ba dödöu dödögu andrö; tandraigö ndra'odo, ba ya aboto ba dödöu gera-eragu.[11]
24 Ba faigi na ba lala saekhu ba wa'afökhö sodo, ba ohe ndra'o ba lala ba zi lö aetu![12]
Famotokhi ba gahe
[edit | edit source]Fabaliŵa lala
[edit source]Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö