Wb/nia/Sinunö/118
I. Fangandrö saoha gölö fangorifi Yehowa niha baero andrö
[edit | edit source]1 Mi'andrö saoha gölö khö Yehowa, me no si sökhi tödö ia, me si lö aetu wa'ebua dödönia andrö.[1][2]
2 Ba ndramuŵa'ö Iraono Gizeraeli: "Si lö aetu wa'ebua dödönia andrö!"[3]
3 Ndramuŵa'ö ma'uwu Ga'aroni andrö: "Si lö aetu wa'ebua dödönia!"
4 Ba ndramuwa'ö sangata'ufi Yehowa andrö: "Si lö aetu wa'ebua dödönia!"
5 Ba wa'atosasa u'angaröfi li Yehowa, ba no ifondrondrongo ligu Yehowa ba no i'ohedo ba zebolo tanö.
6 Awögu Yehowa, ba lö ata'u ndra'o. Hadia nilau niha khögu ena'ö?[4]
7 Awögu Yehowa, awö zanolo ya'odo andrö, wa'omasigu dania wamaigi si fatiu tödö khögu.[5]
8 Sökhi na tasaŵa Yehowa, moroi na tadöna-döna ba niha.
9 Sökhi na tasaŵa Yehowa, moroi na tadöna-döna ba zalaŵa.[6]
10 Lafasui ndra'o dozi niha baero, ba ba döi Yehowa andrö, ba lö zi lö u'ö'ötö ira.
11 Lafasui ndra'o, lafa'u'u ndra'o, ba ba döi Yehowa andrö, ba lö zi lö u'ö'ötö ira.
12 No lafasui ndra'o, hulö ŵani, ba mate fa'amate galitö ba ngafu za'a-sa'a mao; ba döi Yehowa andrö, ba lö zi lö u'ö'ötö ira.[7]
13 No ö'abölögö ötuli'ö ndra'odo, ena'ö alaudo; ba no itolodo Yehowa.
II. Fanunö mbanua Lowalangi andrö, börö me no ifa'ele'ö wa'abölönia, awö lakhöminia ba khö Mesia andrö
[edit | edit source]14 Fa'abölögu Yehowa ba fanunögu, ba no tobali fangorifigu ia.[8]
15 Terongo wa'omuso dödö ba fangorifi baose ba zatulö tödö: Sabölö gambölö Yehowa andrö!
16 Si no alaŵa gambölö Yehowa andrö, sabölö gambölö Yehowa.
17 Tenga si mate ndra'odo, sauri ndra'o ba sangombakha nilau Yehowa andrö.
18 No i'abölögö i'otu'ö ndra'o Yehowa, ba lö nilulunia ya'odo ba wa'amate.[9]
19 Mibokai khögu mbawa göli andrö ba wa'atulö, ena'ö utörö, ba wanuno Yehowa!
20 Da'e mbawa göli andrö khö Yehowa; latörö satulö tödö andrö.[10]
21 U'andrö saoha gölö khöu, wa no öfondrondrongo ligu, wa no tobali fangorifigu ndra'ugö.
22 Gowe andrö, nitibo'ö zotomo andrö, ba no tobali toyo ba watalinga.[11]
23 Moroi khö Yehowa, wa si manö ba sahöli-höli dödöda wamaigi.
24 Da'e mbaŵa andrö, ni'asogö Yehowa. Ba data'owua-wua'ö dödöda, hana na somuso tödö ita khönia.
25 He Yehowa, tolo! He Yehowa, ena'ö na si sökhi lua-lua öbe'e!
26 Ya ahowu zi so andrö ba döi Yehowa! Mafahowu'ö ami, moroi ba nomo Yehowa.[12]
27 Lowalangi Yehowa, ba no ifohaga ita. Miböbö zumange andrö, irugi dandru andrö ba naha wame'e sumange.
28 Lowalangigu ndra'ugö, ba mangandrö saoha gölö ndra'odo khöu. He Lowalangigu, da'u'ebua'ö duriamö andrö!
29 Mi'andrö saoha gölö khö Yehowa, me no si sökhi tödö ia ba me si lö aetu wa'ebua dödönia andrö!
Famotokhi ba gahe
[edit | edit source]Fabaliŵa lala
[edit source]Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö