Wb/nia/Sinunö/35
Khö Dawido.
I. Fangarö-ngarö ba zi lö sökhi andrö nilau zi fa'udu
[edit | edit source]1 Lau fasöndra, Yehowa, ba zi fasöndra khögu, suwö zanuwö ya'odo.
2 Tuyu mbaluse, awö ndrange, ba faoso, tolo ndra'odo![1]
3 Halö doho ba ba'a lala föna zolohi ya'odo; ömane ba dödögu: "Fangorifiu ndra'odo!"
4 Ena'ö aila zangalui nosogu, ena'ö tobali lö fozu; ena'ö tofana furi ba ena'ö tehawu fa'aila zamakhai famunugu.[2]
5 Ya hulö guliho ba nangi ira, na itimba ira mala'ika Yehowa.
6 Ya ogömi-gömi lalara ba ya aelo, na igohi ira mala'ika Yehowa.
7 Noa sa lalau khögu gu'öra, lö börö, nibini'ö, no lakharu lösu-lösu nosogu, lö börö.[3]
8 Ya göna ia famakiko, si lö mudöna-döna, ba ya te'u'u ia ba gu'önia andrö, nilaunia, nibini'ö, ya alau ba wamakiko![4]
9 Ba owua-wua dania dödögu, ba khö Yehowa, omuso dödögu, ba wangorifinia andrö.
10 Imane ösigu fefu: "Ha niha zi fagölö-gölö khöu, Yehowa? Sangefa'ö sebua famakao ba zabölö moroi khönia, ba sebua famakao ba si numana ba zi anagöi ya'ia."
11 So sasi sofaya; hadia zi lö u'ila lasofu khögu.
12 Si sökhi lasulöni khögu si lö sökhi; fa lö ono gurakhagu.[5]
13 Ba ya'o, ba no u'onukha gonigoni, me mofökhö ira, no ufakao ndra'o lö manga, ba fangandrögu, ba mangawuli barö dotogu.[6]
14 Hulö na si fahuwu, hulö na talifusö wa'abu dödögu, no ufatugu ndra'o, hulö zange'esi inania.
15 Ba no omuso dödöra ba wa'alaugu andrö ba no la'owuloi ira khögu; niha bö'ö zangowuloi ya'ira khögu, si lö urai mila; lö mamalö-malö wanandraŵara.
16 La'igi'igi'ö ndra'odo, la'o'ayado, wamatangi bohara khögu.[7]
II. Fangandrö fangorifi khö Lowalangi
[edit | edit source]17 He So'aya, heza irugi, wa öfaigi-faigi manö? Okafui dödögu, efa'ö ba wamufura andrö; efa'ö ba nono zingo zi lö awö-awö andrö khögu.[8]
18 Da'usuno ndra'ugö ba gowuloa sebua, ba zato niha u'ebua'ö döimö andrö.[9]
19 Böi be'e omuso dödö khögu zi fa'udu khögu, si lö börö; böi be'e lafamö'i höröra si fatiu tödö khögu, si lö börö.[10]
20 Tenga sa fa'atulö nifatunöra, ba lafakhai waya ba khö zahono-hono ba danö.
21 No lafaboka mbawara khögu, lamane: Ha! Ha! No i'ila höröda!"[11]
22 No ö'ila, ya'ugö Yehowa; böi zi lö hede-hede ndra'ugö! He So'aya, böi aröu'ögö khögu!
23 Faoso ba fazaŵa'ö, ba wamatunö huhuo andrö khögu, ya'ugö Lowalangigu ba So'aya ya'o, ba wolohe ba lala.[12]
24 Ohe ba zadölö huhuo andrö khögu, dali wa'atulömö andrö, ya'ugö Yehowa, Lowalangigu, ba böi be'e omuso dödöra khögu.
25 Böi tehe lamane dödöra: "Ha, da'ö zomasiga!" Böi lamane: "No tafakiko ia!"
26 Ena'ö aila ira, öbe'e; ena'ö tehawu fa'aila, dozi somuso tödö ba wa'abu dödögu andrö, ena'ö balu-balura wa'aila ba fa'iki niha bö'ö khöra, ya'ira si fayaŵa khögu.[13]
27 Akha owua-wua dödö zomasi na falukhado zatulö, akha omuso dödöra, ena'ö lö mamalö-malö lamane: "Ya ebua Yehowa, somasi na auri genoninia andrö."[14]
28 Ba ifatunö wa'atulömö andrö lelagu, ba fanuno ya'ugö, si lö mamalö-malö.
Famotokhi ba gahe
[edit | edit source]Fabaliŵa lala
[edit source]Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö