Wb/nia/Sinunö/107
Mangandrö saoha gölö zi no mu'efa'ö.
I. Mangandrö saoha gölö zi no mu'efa'ö ba danö si mate andrö
[edit | edit source]1 "Mi'andrö saoha gölö khö Yehowa, me no si sökhi tödö ia ba me si lö aetu wa'ebua dödönia andrö!"[1]
2 Ya lamanö ni'orifi Yehowa andrö, ni'efa'önia ba danga zamakao ya'ira.
3 Ni'ozaragönia ba danö zotanö misa, moroi ba gatumbukha ba moroi ba gaekhula, moroi yöu ba moroi ba mbewe nasi.
4 No elungu-lungu ira ba danö si mate, ba danö si lö niha-niha, ba zi lö lala; banua sahono ira mena'ö, ba lö lasöndra.
5 Solofo ira ba sowökhi tödö ba sata'u bakha dödöra.
6 Ba la'angaröfi li Yehowa, ba wa'abu dödöra andrö, ba i'efa'ö ira ba wa'atosarara andrö.[2]
7 I'ohe ira ba zadölö lala, ba wogamö banua, sonahia ya'ira.
8 Ndramu'andrö saoha gölö khö Yehowa wa'asökhi dödönia andrö ba sahöli-höli dödö andrö, nilaunia ba nono niha![3]
9 Me no i'okafui dödö zowökhi tödö ba me no ihöna zi sökhi ba zolofo andrö.[4]
II. Mangandrö saoha gölö zi no mu'efa'ö ba ni'oloi'ö ya'ira
[edit | edit source]10 Sidadao ba zögömi-gömi ba ba lumö wa'amate, nikalo famakao ba si'öli.
11 Me no lafadaö niŵa'ö Lowalangi, me no lö ba dödöra dödö Wondrege zalaŵa andrö.
12 Ba ihöndrögö dödöra famakao andrö, tegaölö tou ira ba lö sangorifi.
13 Ba la'angaröfi li Yehowa, ba wa'abu dödöra andrö, ba i'efa'ö ira ba wa'atosasara andrö.[5]
14 Ba iheta ira ba zogömi-gömi andrö ba ba lumö wa'amate no mege, i'etu'ö mböbö andrö khöra.
15 Ndramu'andrö saoha gölö khö Yehowa wa'asökhi dödönia andrö ba sahöli-höli dödö andrö, nilaunia ba nono niha![6]
16 Me no iboto lagö mbawandruhö töla andrö, ba me no i'eŵa lazi si'öli.
III. Mangandrö saoha gölö zi no mu'efa'ö ba wamakao sebua
[edit | edit source]17 Göna famakao zambö tödö, ba lalöra andrö ba ba zi lö atulö andrö khöra.
18 Ogoro dödöra fefu ngawalö gö, ba larugi mbawa göli ba wa'amate.
19 Ba la'angaröfi li Yehowa, ba wa'abu dödöra andrö, ba i'efa'ö ira ba wa'atosasara andrö.[7]
20 Ifa'ohe'ö linia, ifadöhö wökhöra; i'efa'ö ira ba gohokoho andrö khöra.
21 Ndramu'andrö saoha gölö khö Yehowa wa'asökhi dödönia andrö ba sahöli-höli dödö andrö, nilaunia ba nono niha![8]
22 Ndramube'e zumange fangandrö saoha gölö, ndramudunö-dunö wolaunia, ya fao wa'owua-wua dödö.
IV. Mangandrö saoha gölö zi no mu'efa'ö ba zata'u ira ba nasi
[edit | edit source]23 Soloyo andrö ba nasi, si möi ba nasi sebua maniaga,
24 ba la'ila nilau Yehowa andrö ba sahöli-höli dödö, ba namö.
25 Muhede ia, tesao nangi sabe'e ibe'e, famaoso ndrulu, sebua sibai.
26 Lasaŵa miyaŵa mbanua ba numalö mitou ba gohokoho, ariri dödöra wa'afökhö andrö.
27 Manawuyu ira ba humeu, hulö zi mabu, ba tobali faya wa'onekhera fefu.
28 Ba la'angaröfi li Yehowa, ba wa'abu dödöra andrö, ba i'efa'ö ira ba wa'atosasara andrö.[9]
29 Ibali'ö oho mbade andrö, ba tebato ndrulu.
30 Ba omuso dödöra, me ahono; ba i'ohe ira ba labua, somasi ira.
31 Ndramu'andrö saoha gölökhö Yehowa wa'asökhi dödönia andrö ba sahöli-höli dödö andrö, nilaunia ba nono niha![10]
32 Ndramudou'ö duriania, ba zowulo zato, ba ndramusuno ia ba walukhata zatua.
V. La'andrö saoha gölö wa'ebua dödö Lowalangi andrö ba mbanuania
[edit | edit source]33 Ibali'ö tanö si mate nungo nidanö ba ibali'ö tanö soköliköli gumbu.
34 Tanö satabö sinanö ibali'ö dekha mo'asio, börö walösökhi zowanua ba da'ö.
35 Ba ibali'ö baŵa nidanö danö si mate; ba tanö si no oköliköli, ba ibali'ö umbu nidanö.
36 Ifataro ba da'ö zolofo, ba lataru'ö mbanua, nahiara.
37 Mangahalö ira ba lafazökhi kabu nagu, ba ero röfi mowua.
38 Ba ifahowu'ö ira, tobali ato sibai ira ba ibe'e khöra gurifö, tenga ha ma'ifu.
39 Ba tobali alö wa'atora, ahöndrö ira, ilangö ira fangabu dödö ba fa'alangu dödö.
40 "Ihawui fa lö ba dödö zalaŵa, ba elungu-lungu ira ba danö si lö niha-niha ba si lö lala, ibe'e."
41 Iheta ba wamakao zi numana, mongawawa nga'ötönia ibe'e.
42 Anehe zadölö tödö, ba omuso dödöra, ba lö'ö sa'ae hede-hede zi lö atulö."[11]
43 Ha niha zatua-tua, ba yamutöngöni zi manö; ba ndramube'e ba dödö wa'ebua dödö Yehowa andrö.
Famotokhi ba gahe
[edit | edit source]Fabaliŵa lala
[edit source]Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö