Jump to content

Wb/nia/Samueli II/21

From Wikimedia Incubator
< Wb‎ | nia‎ | Samueli II
Wb > nia > Samueli II > 21

Lofo mbanua, börö wange'e Zaulo, andrö, meföna[edit | edit source]

I. 1 Samuza me razo Dawido, ba lofo sebua, medöla fakhe, fatete manö. Ba i'andrö khö Yehowa wama'ele'ö Dawido. Ba imane Yehowa: So na ba hulu ndra Saulo nga'ötönia horö fange'e, me no ibunu mbanua Gibeona no. 2 Ba i'oroi'ö mbanua Gibeona razo ba isofu khöra — tenga sa föfö Ndraono Gizeraeli mbanua Gibeona andrö, si tosai Dawa Gamori ira, ba he ŵa'ae no möi ba hölu khöra Ndraono Gizeraeli [ba wangorifi ya'ira], ba i'alui zui Saulo wangohori ya'ira, ba wa'aukhu dödönia föna Ndraono Gizeraeli ba föna ma'uwu Yuda.[1]3 Ba imane Dawido ba mbanua Gibeona andrö: He uwisa khömi, wangezosi, ena'ö mifuli mifahowu'ö dana khö Yehowa? 4 Ba lamane khönia banua Gibeona: Tenga sangandrö ana'a ba ma firö ndra'aga khö Zaulo ba ba nga'ötönia, ba lö tola göi mabunu niha ba Ndraono Gizeraeli. Ba imane: Ba hadia ni'andrömi, he uwisa khömi? 5 Ba lamane khö razo: Niha andrö, samakiko ya'aga, ba sangalui fangohori ya'aga, tobali lö nahinahiama sa'ae ba danö Ndraono Gizeraeli ma'asagörö — 6 nga'ötönia mibe'e ba dangama, dafitu, ena'ö mataŵi khö Yehowa, ba Gibeona, ba hili Yehowa andrö. Ba imane razo: Ube'e ba dangami. 7 Ba i'orifi Meriba'ali andrö ono Yonata, ma'uwu Zaulo, börö wahölusa andrö, me no faoma fahölu ira khö nawöra, khö Yehowa, Dawido ba Yonata, ono Zaulo.[2] 8 Ba nibe'enia ba danga mbanua Gibeona, ba ono Zaulo andrö si darua, Arimoni ba Meriba'ali, ononia khö Risifa andrö, ono Aya, ba ono nono Zaulo andrö alawe, Meraba, si dalima, ononia khö Gaderieli andrö, ono Mbarasilai, banua Mehola.[3] 9 Ba lataŵi ira föna Yehowa, ba hili. Tobali endronga mate zi dafitu andrö, me böröta mbaŵa wamasi tebunu ira. 10 Ba ihalö mbarunia gonigoni Risifa andrö, ono Aya, ibologö tufonia ba dete gara, i'otarai mböröta wamasi andrö, irugi göna ira teu ba tobali itaboi wofo ba dalu mbanua, na ma'ökhö ba utu ndru'u ba zi bongi, fa böi la'a [mboto zi mate andrö]. 11 Ba te'ombakha'ö khö Dawido nilau ndronga Zaulo andrö, donga ba döi, Risifa, ono Aya. 12 Ba maoso Dawido, ifahalö'ö döla Zaulo ba töla nononia Yonata, ba mbanua Yabesi ba danö Gileadi, nitagöra ba onga ba Metisana, ba nitaŵi Ndrawa Wilisiti ya'ira, me no te'ala Zaulo ba hili Giliboa labe'e.[4] 13 Ifaheta'ö ba da'ö döla Zaulo ba töla nononia Yonata; ba la'ozaragö göi döla nitaŵi andrö, ba lako'o, 14 awö döla ndra Saulo ononia Yonata, ba danö mado Mbeniyami, ba Zela, ba lewatö nama Zaulo, Kisi. La'o'ö sibai goroisa razo. Ba i'otarai da'ö, ba ifuli alö dödö Lowalangi ba niha ba danö.

Fasuwöta ba Ndrawa Wilisiti. Labunu ösa niha sebua sibai andrö[edit | edit source]

II. 15 Ba tesao zui wanuwö, lasuwö Ndraono Gizeraeli Dawa Wilisiti. Ba möi misi tou Dawido ba enoninia, ba wanimba Dawa Wilisiti. Ba me no tebato ira ba Gobi, ba maoso Dodo, 16 nga'ötö niha sebua sibai andrö, ba wamunu Dawido ena'ö; 300 zekeli töla wa'abua nösi dohonia, ba föda si bohou ba löwi-löwinia. 17 Ba itolo Dawido Abiza'i, ono Zeruya, ibunu Ndrawa Wilisiti andrö. Ba fahölu khö Dawido zabölö andrö khönia lamane: Lö tola sa'ae fao ndra'ugö khöma, ba wasuwöta, fa böi mate wandru ba Ndraono Gizeraeli öbe'e! 18 Ba furi ö, ba fasuwö na zui ira ba Ndrawa Wilisiti, ba ngai Gobi.[5] Ba da'ö ibunu Zafo andrö, nga'ötö niha sebua andrö göi, Sibekhai, banua Husa.[6] 19 Ba me samuza tö fasuwö ba Ndrawa Wilisiti, ba Gobi, ba ibunu Goliato, banua Gata Elehana, banua Mbetilekhema; ezai hao dotoa mburusa Goliato andrö. 20 Ba samuza tö fasöndra na ira ba ngai Gata. Ba so ba da'ö niha sebua sibai; onö'önö duturu danga ba önö'önö göi duturu kahe, tobali 24 fefu — no nga'ötö niha sebua sibai andrö ia göi. 21 Ba me i'o'aya Ndraono Gizeraeli da'ö, ba ibunu ia Yonata andrö, ono ga'a Dawido, Sime'i, 22 Nga'ötö niha sebua sibai andrö, banua Gata, zi daöfa andrö, nibunu ndra Dawido enoninia andrö.

Famotokhi ba gahe[edit | edit source]

  1. Yos 9:19
  2. SamI 18:3
  3. SamI 18:19; Faigi 3:7
  4. SamI 31:1 b.t.
  5. Ayati 18—21: Nga'ötI 20:4—8
  6. Nga'ötI 20:4 b.t.

Fabaliŵa lala[edit source]

Olayama Samueli II: 123456789101112131415161718192021222324

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö