Jump to content

Wb/nia/Samueli II/8

From Wikimedia Incubator
< Wb‎ | nia‎ | Samueli II
Wb > nia > Samueli II > 8

Abölö Dawido ba wasuwöta ba Ndrawa Wilisiti ba ba Ndraono Moabi ba ba Ndrawa Garamo ba ba Ndraono Gedomo[edit | edit source]

I. 1 Ba aefa da'ö, ba ilau ba Ndrawa Wilisiti Dawido,[1] ihöndrögö ira; ifadöni khöra wamatörö andrö, ba mbanua sebua khöra. 2 Ba ilau göi ba Ndraono Moabi ba isu'a ira sinali, ifa'oli tou ba danö, nifama'oli dasa, ba duadua ndrohu sinali nibunu ba sandrosandrohu ni'orifi. Ba tobali barö mbawa Dawido Ndraono Moabi, same'e-me'e beo. 3 Ba isuwö na göi razo Zoba, Hadadezeri, ono Rehobo, Dawido, ba lala, me möi ia mamadöni tanö ba ndraso Warati. 41700 zi fakudo ba 20.000 zi lö kudo ifara'u'ö Dawido, banuara andrö, ba ba kudo, ba ahori ifa'eŵa'ö gölu'ölu, ha 100 nga'eu isaigö.[2] 5 Ba me so Ndrawa Garamo, banua Ndramaseko, ba wanolo Hadadezeri andrö, razo Zoba, ba 22.000 ibunu Dawido Dawa Garamo. 6 Ba ifataro gumandru Dawido ba danö Garamo, si tefasui Damaseko, ba tobali barö mbawa Dawido Ndrawa Garamo, same'e-me'e beo ira. Tobali abölö Dawido, fefu gofu heza irugi, ibe'e Yehowa. 7 Ba ihalö göi khönia Dawido mbaluse ana'a andrö, baluse genoni Hadadezeri andrö, ba i'ohe ba Yeruzalema. 8 Ba ebua sibai zahulu razo, Dawido, töla garamba ba mbanua Hadadezeri andrö, ba Deba ba ba Mberota'i. 9 Ba me irongo To'u, razo Hamata, no te'ala zabölö andrö khö Hadadezeri, fefu, ibe'e Dawido, 10 ba ifatenge khö razo Dawido nononia Hadoramo To'u andrö, ba wangowai ya'ia, ba ba wamahowu'ö ya'ia ba wanuwönia Hadadezeri andrö, si no abölö ia — noa sa fasuwö ira göi föna, Do'u Hadadezeri — ifa'ohe'ö khönia gama-gama ana'a ba firö ba töla. 11 Ba da'ö göi, ba i'amoni'ö khö Yehowa Dawido, awö wirö andrö, ba awö gana'a, ni'amoni'önia, nihalönia ba niha andrö fefu, nibe'enia barö mbawania: 12 ba Ndraono Gedomo ba ba Ndraono Moabi ba ba Ndraono Gamoni ba ba Ndrawa Wilisiti ba ba Ndraono Gamaleki, awö gahuluania andrö khö Hadadezeri, ono Rehobo, razo Zoba. 13 Ba ebua döinia ibe'e Dawido, ba me no mangawuli ia, me no te'ala Ndrawa Garamo ibe'e, ba ilau ba Ndraono Gedomo ba ndra'so nasio, 18.000 zi mate.[3] 14 Ba ifataro gumandru ba danö Ndraono Gedomo, ba danöra ma'asagörö, tobali barö mbawa Dawido Ndraono Gedomo ma'afefu. Ba abölö Dawido ibe'e Yehowa, fefu gofu heza irugi.[4]

Kumandru andrö, nifataro Dawido[edit | edit source]

II. 15 Ba no razo ba Ndraono Gizeraeli fefu Dawido, huku satulö ifatörö ba mbanuania fefu. 16 Ba kumandra zabölö, ba Yaobi andrö, ono Zeruya, ba anofula, ba Yosafati, ono Gahiludi.[5] 17 Ba ere, ba Sadoki, ono Gahitubi, ba Abiataro, ono Gahimelekhi; ba Seraya, ba durutuli. 18 Ba högö wazuri, ba Benaya, ono Yehoyada. Ba iraono Dawido, ba ere göi.[6]

Famotokhi ba gahe[edit | edit source]

  1. Faigi göi Nga'ötI 18
  2. Yos 11:9
  3. Sin 60:2
  4. MozI 27:40
  5. Faigi 20:23—26
  6. Faigi 15:18; SamI 30:14; Nga'ötI 18:17; RazI 4:5

Fabaliŵa lala[edit source]

Olayama Samueli II: 123456789101112131415161718192021222324

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö