Jump to content

Wb/nia/Samueli II/9

From Wikimedia Incubator
< Wb‎ | nia‎ | Samueli II
Wb > nia > Samueli II > 9

Fa'ahakhö dödö Dawido Meriba'ali andrö, ono Yonata[edit | edit source]

1 Ba isofu Dawido, imane: Hadia, so na zi tosai nga'ötö Zaulo? Da'uhakhösi tödö ia, börö Yonata. 2 Ba so na genoni Zaulo, Siba döinia, da'ö lafakaoni'ö khö Dawido. Ba imane khönia razo: Hadia, Siba döimö? Ba imane: Sawuyumö.[1] 3 Ba imane razo: Hadia, lö si tosai nga'ötö Zaulo, ena'ö uhakhösi tödö ia fa'ahakhö dödö Lowalangi? Ba imane Siba khö razo: So na nono Yonata sombuyu-mbuyu ahe.[2] 4 Ba imane khönia razo: Heza so ia? Ba imane Siba khö razo: Yomo khö Makhiro andrö, ono Gamieli, ba Lodebara.[3] 5 Ba ifatenge razo, Dawido, ifahalö'ö ba Lodebara, yomo khö Makhiro andrö, ono Gamieli. 6 Ba me irugi Dawido Meriba'ali andrö, ono Yonata, ma'uwu Zaulo, ba ifalögu tou ia, mangalulu. Ba imane Dawido: He Meriba'ali! Ba imane: Ya'odo, sawuyumö. 7 Ba imane khönia Dawido. Böi busi dödöu, uhakhösi tödö sa'ae ndra'ugö, börö namau, Yonata, ba ufuli khöu mbenua duau Saulo, fefu, ba ya'ugö, ba khögu manga-manga'ö, ero ma'ökhö. 8 Ba mangalulu Meriba'ali, ba imane: Ha niha zawuyumö andre, wa no so ba dödöu nasu si mate, ya'odo andre.[4] 9 Ba humede razo khö Ziba andrö, enoni Zaulo, imane khönia: Benua zi samba omo ndra Saulo, ba ube'e khö nono zokhö ya'ugö mege, 10 ba ya'ugö zangahalö khönia ba iraonou ba sawuyumö ba öbasi khönia, ena'ö isöndra mbalazo ono zokhö ya'ugö, önia; ba Meriba'ali, ono zokhö ya'ugö mege, ba khögu manga-manga, ero ma'ökhö. Ba no 15 ndraono Ziba andrö, ono matua, ba 20 zawuyu. 11 Ba imane Siba khö razo: Dali niŵa'ö zokhö ya'o, razo, khö zawuyunia, i'o'ö sibai sawuyumö andre. Ba khö Dawido manga-manga Meriba'ali, si mane ono razo.[5] 12 Ba so nono Meriba'ali, ono matua, Mikha döi. Ba dozi si so yomo khö Ziba, ba no sawuyu Meriba'ali. 13 Ba ba Yeruzalema soso Meriba'ali, me khö razo manga-manga ia, ero ma'ökhö. Ba no sombuyu-mbuyu ahe ia, ahenia ma'adua.[6]

Famotokhi ba gahe[edit | edit source]

  1. Faigi 16:1
  2. Faigi 4:4
  3. Faigi 17:27
  4. SamI 24:15
  5. Faigi 19:29
  6. Ayati 3

Fabaliŵa lala[edit source]

Olayama Samueli II: 123456789101112131415161718192021222324

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö