Wb/nia/Heberaio/8

Add links
From Wikimedia Incubator
< Wb‎ | nia‎ | Heberaio
Wb > nia > Heberaio > 8

Keriso no razo ba ere sebua ba gamabu'ula li si bohou[edit | edit source]

I. 1 Da'ö duho ba niŵa'ö andrö: No so khöda gere sebua si manö, si no dumadao ba gambölö daroma wa'asalaŵa andrö, ba zorugo,[1] 2 barö mbawania ni'amoni'ö andrö, awö nose si ndruhu andrö, nifazökhi Zo'aya, tenga niha.[2]

3 Dozi ere sebua sa, ba ba wame'e ame'ela ba sumange tefataro ira; andrö lö tola lö so khönia göi nibe'e.[3] 4 Ba na ba guli danö so ia ena'ö, ba tenga na i ere ia, me no so zame'e ame'ela andrö, dali goroisa, nibe'e enoni, 5 ba wamaedo zi so ba zorugo andrö, ba lumö-lumönia, si mane niŵa'ö khö Moze, me ifobörö wamazökhi ose andrö, imane: "Faigi, ö'ohia'ö wamaedo andrö, ni'oroma'ö khöu ba hili, wamazökhi fefu, hadia ia."[4]

6 Ba iada'e, ba no si sökhi wamatörö nibe'e ba dangania, ndrohu-ndrohu zi tedou wa'asökhi wawu'usa li andrö, ba zi no sama'ema ia, nitandrösaigö ba gamabu'ula li si sökhi moroi ba zi föföna andrö, wangohonogöi ya'ia.[5]

7 Na lö sinegu sa mena'ö, ba zi föföna andrö, ba lö mena'ö te'alui naha zi sambua.[6] 8 Ba itegu, imane khöra: "Hiza, irugi baŵa dania, iŵa'ö So'aya, ba ulau fawu'u li ba ma'uwu Gizeraeli ba ba ma'uwu Yuda, fawu'usa li si bohou;[7] 9 tenga dali wawu'usa li andrö, me fawu'u li ndra'o, khö ndra tuara, me luo u'ohe dangara, ba wangeheta ya'ira ba danö Miserayi; noa sa laböhöli wawu'usa li andrö khögu, ba no u'ositengagö göi ira, iŵa'ö So'aya.[8] 10 Ba da'ö sa wawu'usa li andrö, na ulau fawu'u li ba ma'uwu Gizeraeli, na no aefa götö da'e, iŵa'ö So'aya: ube'e ba gera-erara goroisa andrö, khögu, ba usura ba dödöra, ba Lowalangira dania ndra'odo, ba banuagu ira.[9]

11 Ba lö'ö manö sa'ae ifahaö nawönia banua zamösana, ba lö'ö sa'ae ifahaö dalifusönia, wanguma'ö: Ya'aboto ba dödöu Zo'aya, me no a'oi la'ila ndra'o, he iraono, ba he satua.[10] 12 Ebolo sa dania dödögu, ba zi lö atulö andrö, khöra, ba lö'ö manö sa'ae itörö tödögu horöra andrö.[11]

13 Ba wanguma'ö "si bohou", ba no atua zi föföna, ibe'e; ba hadia zatua, ba hadia zi no numalö döfi, ba no ahatö wa'ataya.

Famotokhi ba gahe[edit | edit source]

  1. ↑ Faigi 4:14; 1:3
  2. ↑ Faigi 9:11
  3. ↑ Faigi 5:1; Efes 5:2
  4. ↑ Faigi 10:1; Kol 2:17; MozII 25:40
  5. ↑ Faigi 7:22
  6. ↑ Faigi 7:18-19
  7. ↑ Yer 31:31-34
  8. ↑ MozII 19:3 b.t.; Yer 15:1 b t.
  9. ↑ Hes 36:26 b.t.; Sakh 8:8
  10. ↑ YohI 2:27
  11. ↑ Yes 43:25

Fabaliŵa lala[edit source]

Olayama Zura Heberaio: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Heberaio/8&oldid=6229857"