Jump to content

Wb/nia/Heberaio/7

Add links
From Wikimedia Incubator
< Wb | nia | Heberaio
Wb > nia > Heberaio > 7

No fakhili ira Keriso Melekhisede andrö

[edit | edit source]

I. 1 Melekhisede andrö sa, razo Zalema, ere Lowalangi Fondrege Zalaŵa, samaondragö Aberahamo, ba samahowu'ö ya'ia me mangawuli ia, me i'otarai mangalani razo andrö,[1] 2 nibe'e Gaberahamo göi sambua ni'ofulu, fefu, hadia ia, ba no razo ba wa'atulö ua, geluaha döinia, ba aefa da'ö, ba razo Zalema göi, razo wa'ohahau dödö geluaha da'ö,[2] 3 lö ama, lö ina, ba lö tua moroi yaŵa, lö böröta mbaŵania, ba lö fa'aetu nosonia, ba si no mufakhili-khili khö Nono Lowalangi, ba lö tebulö ere ia, lö mamalö-malö.

4 Ba mifaigi, ha wa'ebua da'ö, nibe'e Gaberahamo göi sambua ni'ofulu gahuluania nitutuyu andrö, Aberahamo, furugö andrö.[3] 5 Ba nono Lewi andrö sa, si tobali ere, ba no mu'oroi'ö, latema zambua ni'ofulu, ba niha sato, ba dalifusöra, dali goroisa andrö, he ŵa'ae ba löwi-löwi Gaberahamo mbörötara.[4]

6 Ba si tenga ya'ira andrö, ba no ihalö zambua ni'ofulu, khö Gaberahamo, ba no ifahowu'ö zi so amabu'ula li andrö.[5] 7 Ba lö fulitö, side-ide zi tefahowu'ö khö zebua. 8 Ba ba da'e, ba niha si mate dania zanema si sambua ni'ofulu, ba ba da'ö, ba no nifaduhu'ö, wa sauri ia.

9 Ba no hulö ba khö Gaberahamo tefo'ömö göi Lewi, si sambua ni'ofulu, Lewi andrö, sanema si sambua ni'ofulu dania. 10 No ba löwi-löwi duania so ia na, me ifaondragö ia Melekhisede andrö.

Ebua wa'a'ere Keriso moroi ba wa'a'eri nono Lewi

[edit | edit source]

II. 11 Ba na no so mena'ö wamo'ahonoa ba wa'a'ere nono Lewi andrö (ba da'ö sa tetandrösaigö goroisa andrö, nibe'e khöra) ba hadia guna na, tefataro gere bö'ö dali gamuata Melekhisede, awö wa lö laŵa'ö, dali gamuata Ga'aroni andrö?[6]

12 Na tobali wa'a'ere sa, ba lö fulitö tobali göi goroisa. 13 Ba nitandrösaigö da'ö sa, ba no soi bö'ö, si lö irai möi ere niha, ha niha ia.

14 Noa sa murongo, wa no mado Yuda Zo'aya ya'ita, mado ba zi lö niŵa'ö Moze, ba gere andrö.[7] 15 Ba no mendrua manö na oroma, na tefataro gere bö'ö, dali wa fakhili-khili ia khö Melekhisede andrö, 16 si tenga balazi oroisa, amakhoita dali nösi niha, si no balazi wa'abölö wa'auri andrö, si lö tebulö.

17 Noa sa tefaduhu'ö ia: "Ere ndra'ugö, irugi zi lö aetu, dali gamuata Melekhisede andrö."[8] 18 Tewu'ai sa goroisa föna andrö, börö wa no sambö fa'abölö, awö wa lö gunania sa'ae,[9] 19 (lö'ö sa hadia ia nifo'ahonoa goroisa); ba tefatewu wanötöna si sökhi moroi andrö, ba nihatö'öda ya'ita, khö Lowalangi.[10]

20 Ba ndrohu-ndrohu zi so fahölusa — ba khöra sa, ba lö fahölusa, na tobali ere ira,[11] 21 ba ba khönia, ba so wahölusa, fahölusa zanguma'ö khönia: "No fahölu Zo'aya, ba lö ifuli mangesa dödönia: ere ndra'ugö, irugi zi lö aetu"[12] — 22 ndrohu-ndrohu da'ö göi no tobali we'e-we'e dödö, ba wawu'usa li si sökhi moroi andrö, Yesu.[13]

23 Ba ba khöra, ba ato zi möi ere, börö wa tebai si lö tebulö ira, me mate-mate. 24 Ba khönia, me si lö tebulö, irugi zi lö aetu, ba so wa'a'ere si lö mamalö-malö.

25 Andrö göi i'ila ifo'ahonoa wangorifi sangondrasi Lowalangi, nifa'emania, me no si lö mamalö-malö fa'auri, ba wolului khöra fanguma'ö.[14]

26 Si manö sa zi nangea ere sebua khöda, si no ohau-hau, si lö sala, si lö hadia ia zi lö göna, si no tonia ba niha si so horö, si no yaŵa zorugo,[15] 27 salakha lö ero ma'ökhö mame'e sumange ba horönia ua, ba aefa ö, ba ba horö zato, si mane ere sebua andrö föna; noa sa i'osamuzaigö wolau da'ö, me ibe'e sumange ia.[16]

28 Oroisa sa, ba ifataro ere sebua niha, sambö fa'abölö, ba taroma li wahölusa andrö, me no aefa goroisa, ba ifataro Nono andrö, si no mo'ahonoa, irugi zi lö aetu.[17]

Famotokhi ba gahe

[edit | edit source]
  1. ↑ MozI 14:18 b.t.
  2. ↑ Sin 72:1 b.t.; Yes 9:6-7
  3. ↑ MozI 14:20
  4. ↑ MozIV 18:21-32
  5. ↑ MozI 12:3; Gal 3:16
  6. ↑ Faigi 8:7; Gal 2:21
  7. ↑ MozI 49:10; Mikh 5:2; Yes 11:1; Fam 5:5
  8. ↑ Fagi 5:6
  9. ↑ Faigi 10:1-4; Rom 8:3
  10. ↑ HalZin 13:39
  11. ↑ Faigi 6:17
  12. ↑ Sin 110:4
  13. ↑ Faigi 8:6; 9:15; 12:24
  14. ↑ Faigi 10:14; 9:24; Yoh 14:7; Rom 8:34; YohI 2:1
  15. ↑ Faigi 4:15
  16. ↑ MozIII 16:17; Heb 9:12-26 b.t.
  17. ↑ Faigi 5:1; 2:9

Fabaliŵa lala

[edit source]

Olayama Zura Heberaio: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Heberaio/7&oldid=6229856"