Wb/nia/Heberaio/4

From Wikimedia Incubator
< Wb‎ | nia‎ | Heberaio
Wb > nia > Heberaio > 4

Famarou ba wogamö wolombase[edit | edit source]

I. 1 Ba data'ata'ufi, fa böi tesöndra ba khömi, ha niha ia, si hulö zi no toröi furi, me no so na gamabu'ula li, ba wogamö folombase andrö khönia.[1] 2 Noa sa mu'ombakha'ö khöda göi, si mane khöra, ba ba khöra, ba lö sonahia daroma li wangombakha andrö, me lö si tefaböbö ba zamondrongo andrö, ba wamati.

3 Sogamö folombase andrö sa ita, ya'ita samati, si mane niŵa'önia: "Tobali fahölu ndra'o, ba wönugu andrö, umane: Böi yalakhamö wolombase andrö khögu" he ŵa'ae no awai nilau andrö, i'otarai wamazökhi danö'a andrö.[2]

4 Noa sa itörö linia, samuza, luo si fitu andrö, no imane: "Ba molombase Lowalangi, ba luo si fitu andrö, me no awai nilaunia fefu."[3] 5 Ba imane zui ba da'e: "Böi yalakhamö wolombase andrö khögu!"

6 Ba me so sa na dania, lakhamö ia ösa, ba me lö nikhamö nituriagö yaia, si föföna, ba wa lö molo'ö,[4] 7 ba ifuli i'ötö mbongi: "ma'ökhö" Dawido zama'ema linia, me no si manö wa'ara gotalua, si mane niŵa'ö mege: "Ma'ökhö andre, na mirongo linia, ba böi mi'abe'e'ö dödömi."[5] 8 Na Yosua sa mena'ö zolohe ya'ira ba wolombase, ba lö itörö ena'ö linia luo bö'ö, furi da'ö no mege.[6]

9 Tobali so na sa dania wolombase mbanua Lowalangi andrö, folombase ba luo sabato. 10 Si no mogamö folombase khönia sa, ba molombase göi, na awai halöŵönia, si mane Lowalangi, me no awai halöŵönia.[7]

11 Ba dataforege, ba wogamö folombase andrö, ena'ö lö falukha so zalau, ha niha ia, wolo'ö famaedo andrö, ba wa lö molo'ö.[8]

Fa'abe'e li Lowalangi[edit | edit source]

II. 12 Sauri sa daroma li Lowalangi andrö, ba sabölö, ba no atarö, moroi ba gari si faoma bawa, ba isösö, irugi ifabali ira noso geheha, ba bu'u ba uto, ba ihuku gera-era dödö, ba söndra dödö,[9] 13 ba lö hadia ia, nifazökhi Lowalangi, si tobini fönania, fefu, hadia ia, ba lö balu-balu, no mubokai, ba wamaigi zanofu-nofu khöda andrö.[10]

Famarou ba wa'anau gölö[edit | edit source]

III. 14 Ba me no so khöda gere sebua, salaŵa, si no manöröi sorugo andrö, Yesu, Ono Lowalangi andrö, ba böi taböhöli wamaduhu'ö andrö.[11] 15 Tenga sa ere sebua si tebai ahakhö tödö, ba wa'ambö wa'abölöda, zi so khöda, no ere sebua si no mutandraigö, ba ngawalö hadia ia, fefu, hulö si mane ya'ita; ba lö horö.[12] 16 Ba data'ondrasi daroma wa'ahakhö dödö andrö, böi aiŵö ita, ena'ö tatema wa'ahakhö dödö, ba ena'ö falukha ita wa'ebua dödö, fanolo, na baŵa moguna.[13]

Famotokhi ba gahe[edit | edit source]

  1. Faigi 12:15
  2. Faigi 3:11; Sin 95:11
  3. MozI:2–2
  4. Faigi 3:19
  5. Faigi 3:7
  6. MozV 31:7; Yos 22:4
  7. Fam 14:13
  8. FetII 1:10; KorI 10:11–12
  9. FetI 1:23; Rom 1:16; Efes 6:17; Fam 1:16
  10. Yob 28:24
  11. Faigi 8:1; 9:11–24; 10:23
  12. Faigi 5:2; 2:17–18; 7:26
  13. Faigi 10:22; Rom 3:25

Fabaliŵa lala[edit source]

Olayama Zura Heberaio: 12345678910111213

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö