Wb/nia/Heberaio/5
Lowalangi zamataro Keriso tobali ere sebua[edit | edit source]
I. 1 Dozi ere sebua sa, nihalö ba niha, ba ba niha tefataro ia, ba halöŵö, khö Lowalangi, ba wame'e ame'ela ba sumange, fameta horö;[1] 2 si no mangila ndrohu-ndrohu wamologö tödönia, ba zi lö mangila watahögö, ba ba zelungu, me ya'ia göi zi no falukha-lukha fa'ambö fa'abölö.[2] 3 Ba me börö da'ö, wa lö tola lö ibe'e zumange, ba khönia göi, si mane ba zato, fameta horö.[3] 4 Ba lö ira'u khönia wa'ebua andrö niha, ha nikaoni Lowalangi, si mane A'aroni andrö göi.[4]
5 Si manö göi Keriso, lö ni'ebua'önia ya'ia, ba we'amöi ere sebua, ha sanguma'ö khönia: "Onogu ndra'ugö, ma'ökhö andre no mo'ono ndra'o ya'ugö."[5] 6 Si mane niŵa'önia, si samuza göi: "Ere ndra'ugö, irugi zi lö aetu, dali gamuata Melekhisede andrö."[6]
7 Me luo niha ia, ba no i'ohe wangandrö, awö wakaosa, khö zangila mangefa'ö ya'ia ba wa'amate, no fao we'ao-ao sabölö-bölö, ba taŵa hörö, ba no mufondrondrongo linia, ba no mu'efa'ö ia ba wa'ata'u andrö.[7]
8 Ba he ŵa'ae Ono ia, ba no ifamaha ia ba wolo'ö, ba wamakao andrö, nitaögönia;[8] 9 no mufo'ahonoa ia, ba no tobali börö wangorifi ba mbanua furi ia, ba zamondrongo linia, fefu,[9] 10 nifotöi Lowalangi ere sebua, dali gamuata Melekhisede andrö.[10]
Famotokhi ena'ö aboto ba dödö[edit | edit source]
II. 11 Ba da'ö oya huhuoda, ba afökhö wamotokhi, me no awe'e-we'e dögi dalingami andrö.[11] 12 Samahaö sa'ae ami ena'ö, me no ara, ba tobali moguna khömi lafahaö zui ami, ba wamobörö daroma li Lowalangi andrö, ba tobali moguna khömi zusu, ba tenga ö sabe'e;[12] 13 ba ha niha zamadu susu, ba lö i'ila watahögö huhuo satulö andrö, me no iraono ia.
14 Ba ba zi no mo'ahonoa, ba ö sabe'e nibe'e, ba zi no mamamaha ya'ira, si no to'ölö tödö, ba wamaehusi hadia zatulö, hadia zi lö atulö.[13]
Famotokhi ba gahe[edit | edit source]
Fabaliŵa lala[edit source]
Olayama Zura Heberaio: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö