Jump to content

Wb/nia/Heberaio/12

Add links
From Wikimedia Incubator
< Wb | nia | Heberaio
Wb > nia > Heberaio > 12

Famarou ba wanöngöni khö Yesu

[edit | edit source]

I. 1 Ba andrö, ya'ita göi, me no tefasui ita lawuo samaduhu'ö andrö, ba datatou'ö tou noro dödö andrö, fefu, awö horö andrö samasui ya'ita, ba data'anau'ö gölöda wagohisa, ba watandrasa töla andrö, si so fönada,[1] 2 Ba tafaigi zolohe andrö, ba samo'ahonoa famati, Yesu, si no manaha röfa andrö, salahi wa'omuso dödö andrö, si no so fönania, si no mangositengagö fa'aila, ba si no mudadao ba gambölö dadaoma Lowalangi andrö.[2] 3 Mitörö-törö sa'ae tödömi zi no manaha tödönia, na lamanö wamadaö khönia niha si so horö, fa böi atage ami, ba fa böi alulu dödömi.[3]

Fangotu'ö Lowalangi moguna

[edit | edit source]

II. 4 Lö'ö na sondrugi do fanimbami horö andrö, ba wasöndrata khönia,[4] 5 ba no olifu ami wondrara dödö andrö, sihede khömi, amaedola wehede ba ndraono, imane: "He onogu! böi zi lö ba dödöu wotu andrö, khö Zo'aya, ba böi abu dödöu, na i'otu'ö ndra'ugö;[5] 6 somasi Zo'aya sa, ba i'otu'ö, ba ibago-bago fefu ndraono nihalönia khönia."[6]

7 Mitaha wotu; tödö Lowalangi khömi, ba no hulö ba ndraono; heza sa so ndraono, si lö i'otu'ö ama? 8 Ba na lö te'otu'ö ami, si no falukha ira fefu, ba no ono horö ami, ba tenga si ndruhu nono. 9 Ba no ae sangotu'ö ya'ita ndra amada, niha, ba no ta'ata'ufi ira, ba tenga mendrua manö möi ita barö mbawa Nama noso andrö, ena'ö auri ita?[7]

10 Ba ya'ira sa, ba si lö arara, ha uga bongi, la'otu'ö ita, dali dödöra, ba ya'ia, ba ena'ö moguna, ena'ö möi khöda göi wa'ohau-haunia andrö.[8] 11 Fefu ngawalö wotu sa, ba götö iada'e, ba tenga fa'omuso dödö, taŵa'ö, ha fa'abu dödö, ba dania, ba sohahau dödö lua-luania, fa'atulö dödö, nifa'emania ba zi no mufamaha ba khönia andrö. [9]

Fa böi mangositengagö wa'ebua dödö Lowalangi

[edit | edit source]

III. 12 Andrö mifuli mi'abe'e'ö danga, si no adada, ba balöduhi, si no atage andrö;[10] 13 ba mifaigi zadölö lala gahemi, fa lö ahole zi no ombuyu-mbuyu, ena'ö abe'e ato.

14 Migohi wa'atulö, ba niha fefu, ba fangohau-hau andrö; lö'ö sa sangila So'aya dania, niha, na lö da'ö.[11] 15 Ba mifaigi, fa böi falukha zi toröi furi, ba wa'ebua dödö andrö, fa böi molewiö ŵa'a safeto, ba wamoborö famakuyu, fa böi ato zi göna si ra'i-ra'iö.[12]

16 Böi ta'ila zohorö, ba ma si lö ngaroro, si mane Ezau andrö, samawa fa'asia'ania, ha samuza femanga mböli;[13] 17 noa sa mirongo: dania göi, me edöna itema howu-howu andrö, ba tetibo ia; lö'ö sa isöndra lala wamalalini era-era, he ŵa'ae no mowöi daŵa hörönia, wangalui ya'ia.[14]

18 Lö'ö sa nirugimi hili nibabaya andrö, sihola-hola andrö, ba lö nirugimi salu, ba sogömi-gömi, ba fe'ugu-ugu mbanua, si fao angi,[15] 19 ba li dorofe, ba li zihede andrö, me mangandrö zamondrongo andrö, böi sa'ae yamuhede khöra;[16] 20 me tebai lataha ni'oroi'ö andrö: "Ba he ahe zaliŵa-liŵa ba danö zanguhundragö hili, ba nibunu, nitebu kara;"[17] 21 wa'ata'ura zoroma andrö, tobali imane Moze: "Oi so wa'ata'ugu, manizi-nizi ndra'o!"

22 Ba no mirugi hili Ziona andrö, ba banua Lowalangi sauri andrö, Yeruzalema andrö, si yaŵa, ba zorugo, awö ngahönö mala'ika,[18] 23 ba owuloa andrö, banua zi a'a, nisura töi ba zorugo, ba Lowalangi, sanguhuku fefu, ba niha ira, ba bekhu zatulö andrö si no mo'ahonoa,[19] 24 ba sama'ema andrö, ba wawu'usa li si bohou, Yesu, ba do fanefe andrö, si sökhi fehede, moroi ba ndro Habeli.[20]

25 Mifaigi, fa böi mitimba zihede andrö. Na tebai sa aefa da'ö, sanimba sanguma'ö li ba guli danö andre, ba tenga mendrua manö ita, na ta'erogö zihede moroi ba zorugo andrö?[21] 26 Me luo da'ö ifaheu danö linia, ba iada'e, ba no ifabu'u linia, imane: "Samuza tö dania ufaheu, tenga ha tanö, banua si yaŵa göi".[22] 27 Ba si "samuza tö" andrö, ba ba wamalalini nifaheu andrö, nifazökhi andrö, faekhu, ena'ö si lö tebulö zi tebai humede.[23]

28 Andrö, me no möi khöda mbanua si tebai humeu-heu, ba data'andrö saoha gölö; da'ö zomasi Lowalangi, fe'amöida enoninia, yafao wangera-ngera ba fa'ata'u;[24] 29 alitö si manga-manga hadia ia sa Lowalangida andrö.[25]

Famotokhi ba gahe

[edit | edit source]
  1. ↑ KorI 9:24-27; Efes 4:22; Faigi 10:36
  2. ↑ Faigi 2:10-13; Fil 2:8; Fam 3:21
  3. ↑ Yoh 15:20
  4. ↑ KorI 10:13
  5. ↑ Amaed 3:11-12; Yoh 5:17
  6. ↑ Fam 3:19
  7. ↑ Amaed 10:17
  8. ↑ KorI 11:32
  9. ↑ Yoh 16:20 b.t.; Yes 26:16 b.t.; Yak 1:12; 3:18
  10. ↑ Yes 35:3
  11. ↑ Sin 34:15; Rom 12:18; Mat 5:8-9
  12. ↑ KorII 6:1; MozV 29:18
  13. ↑ Faigi 13:4; MozI 25:29 b.t.
  14. ↑ MozI 27:30 b.t.
  15. ↑ MozII 19:17 b.t.; MozV 4:11-12
  16. ↑ MozII 20:18 b.t.
  17. ↑ MozII 19:12
  18. ↑ Fam 14:1; 3:12; Yes 24:23; Gal 4:26; Dan 7:10; Yuda 14
  19. ↑ Yak 1:18; Fam 14:4; Luk 10:20
  20. ↑ Faigi 9:15; FetI 1:2
  21. ↑ Faigi 2:1-3; 10:29
  22. ↑ Sin 68:9; Hag 2:6,21; Mat 24:29
  23. ↑ Fam 20:11; 21:1; KorII 5:1
  24. ↑ Dan 2:44; 7:14,18; Kol 1:12; Sin 2:11-12
  25. ↑ MozV 4:24

Fabaliŵa lala

[edit source]

Olayama Zura Heberaio: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Heberaio/12&oldid=6229861"