Wb/nia/Heberaio/10

From Wikimedia Incubator
< Wb‎ | nia‎ | Heberaio
Wb > nia > Heberaio > 10

Fo'ahonoa wameta horö börö Keriso[edit | edit source]

I. 1 Me ha lumö-lumö zi sökhi andrö, si so dania, ba goroisa andrö, me tenga si ndruhu famaedo ngawalö andrö, ba lö'ö manö i'ila ifo'ahonoa zangondrasi andrö, ba zumange andrö, si no ero röfi labe'e, si lö aetu-aetu.[1] 2 Tenga labato ena'ö, wame'e sumange, me lö itörö ena'ö tödö zame'e sumange andrö horö, na no muhaogö zamuza?

3 Ba no ero röfi tefasugi ba dödöra horö, ba da'ö. 4 Tebai sa iheta horö do zaŵi si matua, ba do mbiri-biri si matua.[2] 5 Andrö imane, me möi ia ba guli danö: "Sumange ba ame'ela, ba no lö somasi'ö, ba no öfazökhi khögu mboto;[3] 6 sumange nitunu ba sumange fameta horö, ba lö somasi'ö;[4] 7 ba umane: "Hiza, sodo dania, ba nga'ölu zura no musura hadia ia, ba khögu: ba wolo'ö somasi'ö, ya'ugö, Lowalangi."[5] 8 Me no iŵa'ö mege: "Sumange ba ame'ela, ba sumange nitunu, ba sumange fameta horö, ba lö ba dödöu, lö somasi'ö", 9 nibe'e, dali goroisa, ba awena imane: "Hiza, sodo dania, ba wolo'ö somasi'ö." Si sambalö iwu'ai, ena'ö ifataro zi sambalö.[6] 10 Ba zomasi ia andrö, ba da'ö te'amoni'ö ita, ba wame'e sumange boto Yesu Keriso andrö, ni'osamuzaigö.[7]

11 Ere andrö sa fefu, ba ero ma'okhö so ira, ba wangai-ngai halöŵöra, ba ba wangasese'ö fame'e sumange andrö, ha da'öda'ö, si tebai manö mameta horö[8] 12 Ba ya'ia, ba ha sambalö nibe'enia sumange, ba horö andrö, ba no mudadao ia ba gambölö Lowalangi, si lö mamalö-malö,[9] 13 ba wombalo-mbaloi sa'ae, "irege tebe'e tou barö gahenia zi fa'udu khönia".[10]

14 Ba wame'e sumange si samuza andrö sa, ba no ifo'ahonoa ni'amoni'ö andrö, irugi zi lö aetu.[11] 15 Ba ifaduhu'ö göi khöda Eheha ni'amoni'ö. 16 Me no aefa iŵa'ö: "Da'ö wawu'usa li andrö, na ulau fawu'u li khöra, na no aefa götö da'e!" iŵa'ö So'aya: "Oroisagu ube'e ba dödöra, ba ba gera-erara usura ia,[12] 17 ba lö'ö sa'ae dania itörö tödögu horöra ba olalöŵara andrö." 18 Ba ba zi so fangefa da'ö, ba lö'ö sa'ae göi ame'ela, ba horö andrö.

Famangelama fa böi mangawuli furi[edit | edit source]

II. 19 Ba me no so khöda wa lö aiŵö, ya'ami ira talifusö, ba we'amöi bakha ba ni'amoni'ö andrö, börö ndro Yesu andrö,[13] 20 ni'amoni'önia khöda, lala si bohou, lala ba wa'auri, sanörö ba'a-ba'a andrö, ya'ia nösinia andrö,[14] 21 ba me no so khöda gere sebua, ba nomo Lowalangi andrö,[15] 22 ba data'ondrasi, ya si ndruhu dödöda, ya'alösu lö mangiwa wamatida, ya'aefa dödö sanegu ya'ita, me no mutefe dödöda,[16] 23 ba ena'ö nisasai nösida idanö sohahau; böi taböhöli wamaduhu'ö tötönafö andrö, böi mangiwa; lö'ö sa faröi zamabu'u andrö.[17]

24 Ba datafaoma tafaigi nawöda, ba wamarou tödö ba wa'omasi andrö, ba ba mbua-bua si sökhi.[18] 25 Ba böi taböhöli we'amöi ba migu khöda, si mane nifolau-lau danö bö'ö ösa, tafarou dödö nawöda, ba mendrua manö, me itugu mi'ila, ahatö mbaŵa andrö.[19] 26 Na ta'odödögö wamazökhi horö sa, na no tasöndra wa'aboto ba dödö zi duhu andrö, ba lö'ö sa'ae si tosai sumange, fameta horö,[20] 27 ha fombalo-mbaloi huku, sata'u ita, awö hola-hola galitö andrö, si manga dania zi fa'udu andrö.[21]

28 Na so zangositengagö oroisa andrö khö Moze, ba lö fa'ahakhö dödö, mate ia, ba zi darua, ba ma si datölu, si so ba mbörö;[22] 29 ba he wisa ba dödömi, tenga mendrua manö wotu, si göna zi hundragö Ono Lowalangi andrö, ba na ba dödönia si lö guna ndro andrö, ba wawu'usa li andrö, ba ni'amoni'ö ya'ami, ba na no i'osiwawöi Geheha fa'ebua dödö andrö?[23]

30 Noa sa ta'ila zi no manguma'ö: "Khögu wolau balö, ya'o zanulöni", ba so zui, ba: "Ihuku dania mbanuania So'aya."[24] 31 Sata'u ita na ba danga Lowalangi sauri aekhu ita.[25]

Famarou ba wanaha tödö[edit | edit source]

III. 32 Ba mitörö-törö tödömi mbaŵa föna andrö, me oya mitaögö fasöndrata famakao andrö, me no muhagaini ami;[26] 33 so, ba tebe'e mai-mai mifaigi ami, wango'aya ya'ami, ba famakao ya'ami, ba so, ba tobali awö zi göna si manö ami,[27] 34 Noa sa göi mihakhösi tödö nikuru, ba no mitaha, na terabu zi so khömi, lö sabu dödömi, me no aboto ba dödömi, so khömi zi sökhi moroi andrö, si lö tebulö.[28]

35 Ba böi miböhöli wa'abe'e dödö andrö khömi, nifoluo sebua dania.[29] 36 Fa'ebolo dödö sa zoguna khömi, ena'ö mi'o'ö zomasi Lowalangi, ba ena'ö misöndra gamabu'ula li andrö.[30] 37"Hatö sa ma'ifu sibai tö, ba so zi möi andrö, lö i'aragö ia.[31] 38 Ba satulö tödö andrö khögu, ba moroi ba wamati auri ia dania, ba na awuwu ia, ba lö omasi dödögu ia."[32] 39 Ba ya'ita, ba tenga sawuwu, ba wa'atekiko, no samati ita, ba wangorifi noso.[33]

Famotokhi ba gahe[edit | edit source]

  1. Faigi 8:5; 9:9; Kol 2:16,17
  2. Sin 50:13
  3. Sin 40:7-9
  4. Mikh 6:7
  5. Yoh 4:34
  6. Faigi 7:18
  7. Faigi 9:12,28; 13:12
  8. Faigi 10:1
  9. Faigi 1:3
  10. KorI 15:25
  11. Faigi 9:26 b.t.
  12. Yer 31:31 b.t.
  13. Rom 5:2
  14. Faigi 6:19-20; Yoh 14:6
  15. Faigi 3:6
  16. Faigi 4:16; 9:13,14; YohI 1:7
  17. Hes 36:25
  18. Faigi 13:1,21
  19. Kol 3:16; Yak 5:8-9
  20. Faigi 6:4 b.t.
  21. MozV 32:22; Sef 1:18
  22. MozIV 15:30 b.t.; MozV 17:7
  23. Faigi 12:25; KorI 11:25,29; Mat 12:31
  24. MozV 32:35,36
  25. Faigi 12:29
  26. TesI 2:14
  27. KorI 4:9
  28. Faigi 13:2; Mat 5:12
  29. Faigi 12:2-3
  30. Faigi 12:1; Luk 21:19
  31. Hab 2:3-4; Fam 22:12
  32. Rom 1:17
  33. TesI 3:3; FetI 1:9

Fabaliŵa lala[edit source]

Olayama Zura Heberaio: 12345678910111213

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö