Wb/nia/Heberaio/13

Add links
From Wikimedia Incubator
< Wb‎ | nia‎ | Heberaio
Wb > nia > Heberaio > 13

Famarou ba mbua-bua si sökhi[edit | edit source]

I. 1 Fangomasi'ö talifusö andrö, andrö, ba böi yatebulö.[1] 2 Böi mi'olifugö ami, fa böi abua gölömi ba dome; so sa ösa zi no mame'e gö mala'ika, si lö la'ila, ba zi manö.[2] 3 Mitörö-törö tödömi nikuru andrö, me no awöra nikuru ami, awö nifakao andrö, me si so ba mboto göi ami.[3]

4 Dozi sa, ba ndramu'onangegö warongasa, ba ba wa'orudu andrö, ba böi yafabaya hadia ia; ihuku sa Lowalangi zohorö andrö, awö zohoröni donga zodonga.[4]

5 Böi fatewu ba gera-erami wa'omasi gana'a, ya'abönö khömi zi ho so. Noa sa ya'ia zanguma'ö: "Lö'ö manö faröido khöu, balö'ö manö u'ositengagö ndra'ugö."[5] 6 Tobali tola abe'e dödöda, wanguma'ö: "So'aya zanolo ya'o, lö ata'u ndra'o. Hadia nilau niha khögu?"[6]

Famarou ba wamondrondrongo li zamahaö[edit | edit source]

II. 7 Mitörö-törö tödömi zolohe ya'ami andrö, si no mangombakha khömi taroma li Lowalangi; aekhula lalara mitöngöni, ba mi'ohia'ö wamatira andrö.[7] 8 Yesu Keriso andrö, ba ya'i-ya'ia manö, he menewi, ba he ma'ökhö, ba he irugi zi lö aetu.[8]

9 Böi mibe'e nidönisi ami, ba wamahaö si no oya ngawalö, si no fabö'ö; si sökhi sa na moroi ba wa'ahakhö dödö te'abe'e'ö dödö, böi ba gö, ba zi lö hare zanörö da'ö.[9]

10 No so khöda naha wame'e sumange, ba zi lö tola manga zangai halöŵö andrö, ba nose andrö. 11 Baero golombaseŵa sa tetunu nösi zaliŵa-liŵa ba danö andrö, ni'ohe gere sebua do ba ni'amoni'ö andrö fameta horö.[10] 12 Andrö göi baero mbawa göli itaha wamakao Yesu, ena'ö i'amoni'ö mbanua, donia andrö.[11]

14 Ba me si manö, ba damöi ita khönia, baero golombaseŵa, ba datalu'i wango'aya ya'ia andrö.[12] 14 Lö'ö sa khöda ba da'e banua si lö tebulö, ba si so dania ni'aluida.[13]

15 Ba datafafa'ema'ö khönia zumange fanuno, khö Lowalangi, böi mamalö-malö; ya'ia mbua-bua mbewe, sangombakha töinia.[14]

16 Böi mi'olifugö ami, ba wanolo si numana, ba ba dolo-tolo andrö; somasi Lowalangi sa zumange si manö.[15] 17 Mifondrondrongo li zolohe ya'ami andrö, ba mi'o'ö, ya'ira sa zanaro tödömi andrö, khöra tezofu-zofu li dania, ena'ö omuso dödöra wangombakha, ba ena'ö böi mangarö-ngarö ira; tenga sa sohare ami da'ö.[16]

18 Mi'angandrö salahima, noa sa faduhu dödöma, wa lö iteguga tödöma, me si sökhi manö zedöna matörö, fefu, hadia ia.[17] 19 Andrö mendrua manö ufarou dödömi, ba wolau da'ö, ena'ö alio tefuli ndra'o khömi.

Famahowu'ö ba fango'ozui sura[edit | edit source]

III. 20 Ba Lowalangi wa'ohahau dödö andrö, si no molohe yaŵa, moroi ba ngai zi mate, kubalo mbiri-biri andrö, sebua, balazi ndro wawu'usa li andrö, si lö aetu, Yesu andrö, So'aya ya'ita,[18] 21 ya'ia yamuhaogö ami, ba zi sökhi andrö fefu, ba wolo'ö somasi ia, yamu'a'asogö ba dödöda zomasi ia famaigi, moroi khö Yesu Keriso, ya khönia zumange, irugi zi lö aetu. Yaduhu.[19]

22 Ba u'andrö khömi, ya'ami ira talifusö, böi mitimba daroma li wamarou tödö andrö, lö'ö sa oya-oya nisuragu khömi. 23 Böi zi lö mirongo, wa no aefa dalifusöda Timoteo andrö, awönia dania ndra'o, wamaigi ya'ami, na alio möi ia.[20] 24 Mi'owai zolohe ya'ami andrö, fefu, awö ni'amoni'ö, fefu. La'owai ami si so ba Gitalia. 25 Yafalukha ami fefu wa'ebua dödö.[21]

Famotokhi ba gahe[edit | edit source]

  1. ↑ Rom 12:10
  2. ↑ Rom 12:13; MozI 18:2 b.t.; 19:1 b.t.
  3. ↑ Faigi 10:34; Mat 25:36; KorI 12:26; Rom 12:15
  4. ↑ Efes 5:5; TesI 4:3-6
  5. ↑ TimI 6:6-10; Yos 1:5; MozV 31:8
  6. ↑ Sin 118:6
  7. ↑ Faigi 6:12; TesI 2:13; Fil 3:17
  8. ↑ Fam 1:8; 17:18
  9. ↑ Efes 4:14; Kol 2:20 b.t.; Rom 14:17
  10. ↑ MozIII 16:27
  11. ↑ Faigi 10:10; Mat 21:39; Yoh 19:17
  12. ↑ FetI 4:14
  13. ↑ Faigi 11:10.13-16; Fil 3:20
  14. ↑ Sin 50:14; Efes 5:20
  15. ↑ KorII 9:12-13
  16. ↑ TesI 5:12 b.t.; Hes 33:7 b.t.
  17. ↑ KorII 1:11-12
  18. ↑ Rom 16:20; Hes 34:23
  19. ↑ Fil 2:13; TesI 5:23; Gal 1:5
  20. ↑ TesI 3:2
  21. ↑ Fam 22:21

Fabaliŵa lala[edit source]

Olayama Zura Heberaio: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Heberaio/13&oldid=6229862"