Jump to content

Wb/nia/Heberaio/9

Add links
From Wikimedia Incubator
< Wb | nia | Heberaio
Wb > nia > Heberaio > 9

Famosumange ba gamabu'ula li si föföna ha famaedo

[edit | edit source]

I. 1 Ba ba zi föföna sa göi, ba so gamakhoita, nitörö, awö ni'amoni'ö andrö, dali ba guli danö. 2 Tefazökhi sa nose tanö föna andrö, ba da'ö so naha wandru andrö, awö meza andrö, awö roti nifaigi-faigi andrö, ba töinia, ba ni'amoni'ö;[1] 3 ba ba gero mba'a-ba'a si sagörö andrö, ba ose andrö, nifötöi fondrege ni'amoni'ö.[2]

4 Ba da'ö so naha wanunu kumöyö andrö, balaki, ba tawöla gamabu'ula li, nifo'uli balaki, ma'afefu, ba bakha ba da'ö, ba migö balaki, nifo'ösi "mana" andrö, ba si'o Ga'aroni andrö, solewiö, ba kara wanura andrö, sura wawu'usa li.[3]

5 Ba yaŵa da'ö, ba kerubi lakhömi, si lumö'ö lagö-lagö andrö, fameta horö andrö, ba tenga nizara-zara iada'e, wamatunö da'ö.[4]

6 Da'ö wakakenia; ba ba nose tanö föna andrö, ba möi-möi gere, si lö mamalö-malö, na lahalö-halö halöŵöra,[5] 7 ba ba zi sambua, ba ha samuza zi döfi möi gere sebua, ha ya'ia, ba lö'ö sa, na lö do, ni'ohenia, ba khönia, ba ba lalö zato andrö, ba wa lö mangila watahögö.[6]

8 Da'ö nifa'ele'ö Geheha ni'amoni'ö ba da'ö: lö'ö na mu'oroma'ö lala ba ni'amoni'ö andrö, fatua lö tebulö nose tanö föna andrö,[7] 9 si no mube'e amaedola ba götö da'e, dali wame'e ame'ela ba sumange, si tebai mamo'ahonoa sangai halöŵö andrö, ba dödö andrö;[8] 10 ha ba gö, ba ba nibadu, ba ba ngawalö wanasa aekhu, amakhoita ba nösi niha, nifakhoi, irugi ginötö wangatulö andrö.[9]

Keriso no ere sebua

[edit | edit source]

II. 11 Ba me so Keriso, ere sebua ba zi sökhi andrö, si so dania, ba no itörö nose si sökhi ba so'ahonoa moroi andrö, si tenga nifazökhi tanga, ya'ia wa tenga moroi ba guli danö andre,[10] 12 ba tenga göi balazi ndro mbiri-biri si matua, ba tenga balazi ndro nono zaŵi, no balazi ndronia, me möi ia ba ni'amoni'ö andrö, no i'osamuzaigö, ba no isöndra wangöhöli si lö aetu.[11]

13 No ihaogö sa'ae nösi do mbiri-biri si matua andrö, ba do zaŵi si matua, ba awu zigelo zaŵi andrö, fanefe zi ra'i-ra'iö andrö,[12] 14 ba tenga mendrua manö ndro Keriso andrö, si no mame'e sumange, si lö sinegu, ya'ia, khö Lowalangi, balazi Geheha si lö aetu andrö, iheta ba dödömi mbua-bua si mate, ena'ö möi ami enoni Lowalangi sauri![13]

15 Ba andrö sama'ema ba wawu'usa li si bohou ia, ena'ö latema nikaoni andrö gamabu'ula li andrö, ondröita si lö aetu, na no mutörö wa'amate, ba wangöhöli ba lalö andrö, ba wawu'usa li si föföna.[14]

16 Ba zi so oroisa zi mate sa, ba lö tola lö alua ua wa'amate zangoroi'ö andrö. 17 Oroisa si manö sa, ba ba wa'amate aro, me no lö gunania fatua auri zangoroi'ö. 18 Andrö tenga göi si lö do föna, me te'amoni'ö zi föföna andrö.

19 Me no i'ombakha'ö Moze fefu ngawalö gamakhoita, ba niha sato, fefu, dali goroisa, ba ihalö ndro nono zaŵi andrö, awö ndro mbiri-biri si matua, awö nidanö, ba bu mbiri-biri soyo, ba sufo, ba itefe zura andrö, awö niha sato fefu,[15] 20 ba imane: "Do andre, ba no do ba wawu'usa li andrö, ni'oroi'ö Lowalangi khömi".[16]

21 Ba ose göi, ba fakake ba halöŵö, fefu, ba itefe göi do andrö, si manö göi.[17] 22 Ba arakha fefu, hadia ia, ba do wangehao ya'ia, dali goroisa, ba lö fangefa, na lö aduwa ndro.[18]

23 Ba tobali lö tola na tenga da'ö wangehao wamaedo zi so ba zorugo andrö, ba ba khönia, si so ba zorugo, ba lö tola lö falukha zumange si sökhi moroi andrö, wangehao ya'ia. 24 Tenga sa ba ni'amoni'ö nifazökhi tanga möi Keriso, tenga ba wamaedo zi duhu, no ba zorugo möi ia, ba wama'ele'ö ya'ia iada'e khö Lowalangi, salahida.[19]

25 Ba tenga sa göi ena'ö i'asese'ö wame'e sumange ya'ia, si mane ere sebua andrö, si no ero röfi möi ba ni'amoni'ö andrö molohe do tanö bö'ö. 26 Na si manö ena'ö, ba lö tola lö asese itaögö wamakao andrö, i'otarai mböröta danö andre; ba iada'e, ba no ha samuza to'ele ia, ba gamozua götö danö andre, ba wameta horö, wame'e sumange ya'ia.[20]

27 Ba si mane ba niha, me no muhonogöi khönia, wa samuza mate ia, ba aefa da'ö, ba fanguhuku,[21] 28 si manö göi Keriso, me no samuza tebe'e sumange ia, ba wameta horö zato, ba ba zi samuza dania, ba lö horö, na to'ele ia, ba zombalo-mbaloi ya'ia, ba wangorifi.[22]

Famotokhi ba gahe

[edit | edit source]
  1. ↑ MozII 25
  2. ↑ MozII 26:33
  3. ↑ MozII 30:34 b.t.; 25:10; 16:33; MozIV 17:10; RazI 8:9
  4. ↑ MozII 25:17 b.t.
  5. ↑ MozIV 18:7
  6. ↑ MozII 30:10; MozIII 16
  7. ↑ Faigi 9:24,25; 10:19
  8. ↑ Faigi 10:1-2
  9. ↑ MozIII 11; MozIV 8:7; 19:7
  10. ↑ Faigi 4:14; Yes 33:20
  11. ↑ Faigi 10:10; Yes 45:17; Fam 1:5
  12. ↑ MozIII 16:14-15; MozIV 19
  13. ↑ Faigi 10:22; Kol 1:14; YohI 1:7
  14. ↑ Faigi 7:22; 8:8; TimI 2:5; Rom 3:25
  15. ↑ MozII 24:3-8
  16. ↑ Mat 26:28
  17. ↑ MozIII 8:15,19
  18. ↑ MozIII 17:11
  19. ↑ Faigi 9:11; 7:25
  20. ↑ Faigi 9:12
  21. ↑ Yob 30:23; KorII 5:10
  22. ↑ Faigi 10:12 b.t.; Rom 6:10; Mat 26:28

Fabaliŵa lala

[edit source]

Olayama Zura Heberaio: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Heberaio/9&oldid=6229858"