Wb/nia/Fama'ele'ö/15
Dafitu mala'ika si so ngawalö wamakao[edit | edit source]
I. 1 Ba u'ila dandra bö'ö ba zorugo, sebua ba sahöli-höli dödö: dafitu mala'ika, si so famakao andrö, si fitu balö, safuria, me ba da'ö te'o'ozui wönu Lowalangi andrö.[1]
Fanunö zolaŵa saliŵa-liŵa ba danö[edit | edit source]
II. 2 Ba u'ila, ba hulö mbaŵa nidanö sörömi, si faruka alitö, ba ba zinga mbaŵa sörömi andrö so zi no molaŵa saliŵa-liŵa ba danö andrö ba famaedonia ba fangerai töinia andrö, so khöra mbiola Lowalangi.[2] 3 Ba manunö ira, sinunö genoni Lowalangi andrö, Moze, ba sinunö Nono mbiri-biri andrö, lamane: "No ebua wolaumö andrö ba sahöli-höli dödö, ya'ugö So'aya, Lowalangi, samatörö fefu, hadia ia; satulö ba si ndruhu lalamö andrö, ya'ugö, razo soi niha andrö.[3] 4 Ha niha zi lö ata'u, ya'ugö So'aya, ba ha niha zi lö manuno töimö andrö? Me ha ya'ugö ni'amoni'ö, me möi dania soi niha fefu, ba wangalulu khöu, me no mufa'ele'ö huku andrö khöu."[4]
Tebe'e mako wönu ba mala'ika andrö[edit | edit source]
III. 5 Ba me aefa da'ö, ba u'ila, ba tebokai gosali, ose wamaduhu'ö andrö, ba zorugo,[5] 6 ba möi baero mala'ika andrö si dafitu, si so famakao andrö, si fitu balö, la'otarai gosali andrö, muko si sökhi, si takile, mbarura, ba balaki mböbö dötö'ara.[6]
7 Ba si sageu saliŵa-liŵa ba danö andrö, ba zi öfa nga'eu, ba ibe'e ba mala'ika andrö, si dafitu, mako balaki, fitu, nifönui fönu Lowalangi andrö, sauri irugi zi lö aetu.[7]
8 Ba tobali afönu simbo gosali andrö, ibe'e lakhömi Lowalangi andrö, ba fa'abölönia, ba lö sangila möi ba gosali bakha, irege no mufalua wamakao andrö, si fitu balö, ba mala'ika andrö, si dafitu.[8]
Famotokhi ba gahe[edit | edit source]
Fabaliŵa lala[edit source]
Olayama Zura Fama'ele'ö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö