Wb/nia/Fama'ele'ö/1

Add links
From Wikimedia Incubator
< Wb‎ | nia‎ | Fama'ele'ö
Wb > nia > Fama'ele'ö > 1

Famobörö[edit | edit source]

I. 1 Fama'ele'ö Yesu Keriso da'e, nibe'e Lowalangi khönia, ba wangoroma'ö ba genoninia andrö, he wisa dania, si lö ara tö; ba no ifa'ila'ö, no ifa'ohe'ö ba mala'ikania, khö genoninia Yohane andrö.[1] 2 Si no mamaduhu'ö taroma li Lowalangi, awö wamaduhu'ö Yesu Keriso andrö, ha wa'oya ni'ilania.[2]

3 Ya'ahowu zombaso taroma li fama'ele'ö andrö, ba samondrongo ya'ia, ba solo'ö nisura andrö ba da'ö; noa sa ahatö ginötönia andrö.[3]

Fangowai Yohane banua niha Keriso ba Asia[edit | edit source]

II. 4 Yohane zanura da'e, ba mbanua niha Keriso andrö, si fitu, ba Azia, Yafalukha ami wa'ebua dödö, ba fa'ohahau dödö, khö zi so andrö, si no so föna, ba si möi dania, ba ba Geheha andrö, si fitu, si so föna dadaomania andrö,[4] 5 ba khö Yesu Keriso, samaduhu'ö andrö, si lö faröi, si a'a zi oroi ba ngai zi mate, ba samatörö razo andrö, ba guli danö, khö zangomasi'ö ya'ita andrö, si no mangefa'ö ya'ita ba horöda andrö, donia,[5] 6 ba si no mame'e banua ya'ita ba ere Namania Lowalangi, ya khönia lakhömi ba fa'abölö, irugi zi lö aetu! Yaduhu.[6]

7 Hiza, so ia ba lawuo, ba la'ila dania ia dozi hörö, ba samahö ya'ia andrö, ba mege-ege dania ba khönia fefu soi niha ba guli danö. Ya'ia, Yaduhu.[7] 8 Alafa ndra'o ba omega ndra'o, iŵa'ö So'aya Lowalangi, si so, ba si no so föna, ba si möi dania, samatörö fefu, hadia ia.[8]

Fama'ele'ö Yesu khö Yohane[edit | edit source]

III. 9 Ya'o, Yohane, talifusömi ba wamakao andrö, ba ba mbanua andrö, ba ba wanaha tödö andrö, ba khö Yesu, no sodo ba hulo andrö, Fatemo döi, börö daromali Lowalangi ba famaduhu'ö Yesu andrö.[9]

10 Ba aheta nosogu, me luo Zo'aya, ba urongo furigu li sebua, hulö li dorofe,[10] 11 imane: Hadia ni'ilau, ba tanö ba zura, ba fa'ohe'ö ba mbanua niha Keriso, si fitu andrö, ba Nefeso, ba ba Zimina, ba ba Weregamo, ba ba Diatira, ba ba Zade, ba ba Wiladefia, ba ba La'odikia.[11]

12 Ba ubali'ö ndra'odo, ba wamaigi li andrö, sihede khögu; ba me ubali'ö ndra'o, ba u'ila naha wandru ana'a, fitu,[12] 13 ba ba gotalua naha wandru andrö, ba si hulö Nono Niha, no mobaru sanau, ba no mamöbö talu ana'a, ba dölö'ania.[13]

14 Ba högönia ba bunia, ba no afusi, hulö mbu mbiri-biri safusi, hulö mbetua, ba hörönia, ba no hulö hola-hola galitö,[14] 15 ba ahenia, ba hulö garamba nifahele, ba galitö, ba linia, ba no hulö wegoso-goso nidanö sebua.[15] 16 Ba so ba dangania kambölö ndröfi, fitu, ba i'otarai mbawania gari satarö, si faoma bawa, ba bawania, ba no hulö wehaga luo, ni fondrege wa'abölönia.[16]

17 Ba me u'ila ia, ba alaudo tou, fönania, hulö zi mate. Ba itufa ndra'o tangania kambölö, imane: "Böi ata'ufi, si föföna ndra'o, ba safuria,[17] 18 ba sauri andrö; ba no mate ndra'o, ba hiza, no auri ndra'o, irugi zi lö aetu ba so khögu wogoe ba wa'amate ba ba mbanua tou.[18]

19 Ba tanö ba zura hadia ni'ilau, ba hadia iada'e, ba hadia dania, na aefa da'e.[19] 20 Si no tobini khöu andrö, döfi andrö, si fitu, ni'ilau ba dangagu kambölö, awö naha wandru ana'a, andrö, si fitu: Döfi andrö, si fitu, ba no mala'ika mbanua si fitu andrö, ba naha wandru andrö, si fitu, ba no fitu banua."[20]

Famotokhi ba gahe[edit | edit source]

  1. ↑ Faigi 22:6-7
  2. ↑ Yoh 21:24; Faigi 19:10; YohI 1:1 b.t.
  3. ↑ Faigi 22:7,10; Luk 11:28; FetI 4:7
  4. ↑ Faigi 4:8; 3:1; Yes 11:2
  5. ↑ Faigi 3:14; Yes 55:4; Yoh 18:37; Kol 1:18; Efes 5:25; 1:7
  6. ↑ Faigi 5:10; FetI 2:5,9
  7. ↑ Mat 24:30; Dan 7:13; Sakh 12:10
  8. ↑ Faigi 22:13; Yes 41:4
  9. ↑ FetI 5:1; TimII 2:12; Faigi 20:4
  10. ↑ Faigi 4:1,2
  11. ↑ Yes 48:12
  12. ↑ Sakh 4:2
  13. ↑ Faigi 2:1; 14:14; Dan 7:13; 10:5
  14. ↑ Dan 7:9; Faigi 2:18
  15. ↑ Faigi 10:1; 14:2; Dan 10:6
  16. ↑ Faigi 1:20; 2:12; 19:15; Heb 4:12
  17. ↑ Faigi 2:8
  18. ↑ Rom 6:9,10; Faigi 3:7
  19. ↑ Faigi 4:1
  20. ↑ Faigi 2:1

Fabaliŵa lala[edit source]

Olayama Zura Fama'ele'ö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Fama%27ele%27ö/1&oldid=6229884"