Wb/nia/Fama'ele'ö/7
Tefotandro genoni Lowalangi[edit | edit source]
I. 1 Ba aefa da'ö, ba öfa u'ila mala'ika, si so ba watalinga danö andrö si öfa, sanaha angi ba danö andrö, si öfa, fa lö itörö angi danö ba asi ba hogu geu fefu.[1] 2 Ba u'ila mala'ika bö'ö, si möi miyaŵa, moroi ba gatumbukha luo, si so tandro khö Lowalangi sauri, ba mu'ao ia, ebua linia, ba mala'ika andrö, si öfa, ba nitehe famakiko uli danö ba asi,[2] 3 imane: Böi mifakiko guli danö, ba he asi, ba he eu andrö, irege no mafotandro genoni Lowalangida andrö, ba gangangora![3] 4 Ba urongo wa'ato nifotandro andrö, otu a öfa wulu a öfa ngahönö nifotandro, tedozigö mado Ndraono Gizeraeli andrö:[4]
5 Mado Yuda, ba felendrua ngahönö nifotandro, ba mado Rubeno, ba felendrua ngahönö, ba mado Gado, ba felendrua ngahönö,[5] 6 ba mado Gaseri, ba felendrua ngahönö, ba mado Nafetali, ba felendrua ngahönö ba mado Manase, ba felendrua ngahönö, 7 ba mado Zimeoni, ba felendrua ngahönö, ba mado Lewi, ba felendrua ngahönö, ba mado Isasari, 8 ba felendrua ngahönö, ba mado Zebuloni, ba felendrua ngahönö, ba mado Yosefo, ba felendrua ngahönö, ba mado Mbeniyami, ba felendrua ngahönö nifotandro.[6]
Niha si no mogamö fa'auri mbanua furi[edit | edit source]
II. 9 Ba aefa da'ö, ba u'ila, ba hiza zato sibai, si tebai i'erai niha, moroi ba ngawalö soi fefu, ba moroi ba ngawalö niwa fefu, ba moroi ba ngawalö mado fefu, ba moroi ba ngawalö li fefu, si so föna dadaoma andrö ba föna Nono mbiri-biri; nukha safusi nukhara, ba bulu nohi ba dangara.[7] 10 Ba mu'ao ira, ebua lira, lamane: Fangorifi khö Lowalangida, sidadao ba dadaoma andrö, ba khö Nono mbiri-biri andrö![8] 11 Ba no lafasui dadaoma andrö mala'ika andrö fefu, ba satua andrö, ba saliŵa-liŵa ba danö andrö, si öfa nga'eu, ba latuhi danö föna dadaoma andrö, lafalögu tou ira, mangalulu ira khö Lowalangi,[9] 12 lamane: Yaduhu, howu-howu, ba lakhömi, ba fa'atua-tua, ba fangandrö saohagölö, ba sumange, ba fa'abölö, ba fa'abe'e, khö Lowalangida, irugi zi lö aetu! Yaduhu.[10]
Fa'ohahau dödöra[edit | edit source]
III. 13 Ba humede zatua andrö, samösa, imane khögu: Da'ö, si so baru safusi andrö, ha niha ira, ba heza la'otarai?
14 Ba umane khönia: Ya'ugö zangila, Tuha. Ba imane khögu: Ya'ira da'ö, si otarai wamakao sabölö-bölö andrö; ba no lababago mbarura, ba no la'afusi'ö, ba ndro Nono mbiri-biri andrö.[11] 15 Da'ö mbörö, wa no so ira föna dadaoma Lowalangi andrö, awö wa no enoninia ira, bongi ma'ökhö, ba gosalinia; ba i'iagö yaŵara sidadao ba dadaoma andrö.[12] 16 Lö'ö sa'ae olofo ira, ba lö'ö sa'ae owökhi dödöra, ba lö göna ira sino, ba he fa'aukhu, hadia ia,[13] 17 me ikubaloi sa'ae ira Ono mbiri-biri andrö, si so ba dalu dadaoma andrö, ba ifasao ira ba gumbu nidanö fangorifi, ba Lowalangi zolosi dania fefu daŵa hörö ba höröra andrö.[14]
Famotokhi ba gahe[edit | edit source]
Fabaliŵa lala[edit source]
Olayama Zura Fama'ele'ö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö