Jump to content

Wb/nia/Fama'ele'ö/8

From Wikimedia Incubator
< Wb‎ | nia‎ | Fama'ele'ö
Wb > nia > Fama'ele'ö > 8

Oroma dafitu mala'ika si so torofe[edit | edit source]

I. 1 Ba me ibokai dandro fanete zi önö, ba tobali ahono ba zorugo, so tanga za wa'ara.[1]

2 Ba u'ila mala'ika andrö si dafitu si so föna Lowalangi ba tebe'e khöra dorofe, fitu.[2] 3 Ba so moroi sa mala'ika bö'ö, ba i'agö zinga naha wame'e sumange, ba so khönia, mako ba wanunu kumöyö, ana'a, ba labe'e khönia gumöyö, la'oya'ö, ena'ö ibe'e fonönö wangandrö niha ni'amoni'ö andrö, ena'ö idozigö, ba naha wame'e sumange, ana'a andrö, föna dadaoma andrö.[3] 4 Ba möi miyaŵa zimbo gumöyö andrö, fonönö wangandrö niha ni'amoni'ö, moroi ba danga mala'ika andrö, föna Lowalangi.[4] 5 Ba ihalö mako andrö, ba wanunu kumöyö, mala'ika andrö, ifo'ösi alitö, moroi ba naha wame'e sumange no mege, ba itibo'ö tou ba danö, ba so we'ugu-ugu mbanua, ba li niha, ba gari mbanua, ba duru danö.[5]

6 Ba lafa'anö ira, ba wolau torofe, mala'ika andrö, si dafitu, si so torofe andrö, si fitu.

Daöfa zolau torofera[edit | edit source]

II. 7 Ba ilau dorofe si föföna andrö, ba ilabu teu kara ba alitö, si faruka do, ba aekhu ba danö. Ba saraö akhozi tanö, ba saraö döla geu akhozi ba du'u sauri, fefu, ba akhozi.[6] 8 Ba ilau dorofe mala'ika si samösa, fanete zi föföna, ba tetibo'ö ba nasi zi hulö hili sebua, si hola-hola, ba tobali do zi saraö nasi, 9 ba saliŵa-liŵa ba nasi andrö, si so noso, ba saraö zi mate, ba owo andrö, ba saraö zaboto. 10 Ba ilau dorofe mala'ika fanete zi darua andrö, ba so zatoru moroi ba mbanua si yaŵa döfi sebua, sihola-hola, hulö zulu, ba göna ba zi saraö nungo nidanö, ba ba nulu nidanö andrö,[7] 11 Ba töi ndröfi andrö, ba Abesindro, ba tobali Abesindro zi saraö nidanö andrö, ba ato zi mate niha, ba nidanö andrö, me no afeto. 12 Ba ilau dorofe mala'ika fanete zi datölu andrö, ba tebözi zi saraö luo, ba si saraö mbaŵa, ba si saraö ndröfi, ena'ö aitö zi saraö ba ena'ö lö moluo zi saraö zi ma'ökhö, ba si manö göi ba zi bongi.

13 Ba u'ila, ba urongo moyo sambua, sihombo ba dalu mbanua, mu'ao ia, ebua linia, imane: Alai, alai, alai zowanua ba guli danö, ba li dorofe si tosai andrö, ba mala'ika si datölu andrö, solau dania![8]

Famotokhi ba gahe[edit | edit source]

  1. Faigi 6:1
  2. Luk 1:19; Mat 24:31
  3. Faigi 5:8
  4. Sin 141:2
  5. Faigi 11:19
  6. MozII 9:23 b.t
  7. Faigi 9:1
  8. Faigi 9:12; 11:14; 12:14

Fabaliŵa lala[edit source]

Olayama Zura Fama'ele'ö: 12345678910111213141516171819202122

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö