Wb/nia/Fama'ele'ö/13
Saliŵa-liŵa ba danö si fitu högö ba felendrua tandru
[edit | edit source]I. 1 Ba u'ila zi möi yaŵa moroi ba nasi saliŵa-liŵa ba danö sageu, si fulu rozi tandru ba si fitu högö, ba ba dandrunia andrö ba fulu naya, ba ba högönia andrö ba töi fanandraŵaisi.[1] 2 Ba saliŵa-liŵa ba danö andrö, ni'ilagu, ba no hulö harimo, ba ahenia ba hulö gahe mberua, ba bawania ba hulö mbawa zingo: ba ibe'e khönia wa'abe'enia naga andrö awö dadaomania, awö wa'abölönia si no ebua.[2] 3 Ba si sambua högönia, ba hulö nifesokho ba wamunu; ba tobali döhö zokhonia ba wamunu andrö. Ba ahöli-höli dödö niha ba guli danö fefu, moroi furi zaliŵa-liŵa ba danö andrö.
4 Ba mangalulu ira ba naga andrö, me no ibe'e ba zaliŵa-liŵa ba danö andrö wa'abölö ba mangalulu ira ba zaliŵa-liŵa ba danö andrö, lamane: Ha niha zi mane saliŵa-liŵa ba danö andrö ba ha niha zangila fasuwö khönia?
5 Ba tebe'e khönia mbawa, ba wanguma'ö fayaŵasa ba ba wanandraŵaisi, ba tetehe khönia wolau da'ö, öfa wulu a rua waŵa wa'ara.[3] 6 Ba humede ia, ba wanandraŵaisi Lowalangi ba wanandraŵaisi töinia, awö nahania, awö zowanua ba mbanua si yaŵa.[4]
7 Ba tetehe khönia wanuwö ni'amoni'ö andrö, ba folaŵa ya'ira, ba tebe'e ba dangania fefu hadia ngawalö niwa, ba hadia ngawalö mado, ba hadia ngawalö li, hadia ngawalö soi.[5]
8 Ba mangalulu dania khönia fefu zowanua ba guli danö, si lö musura töi ba zura wa'auri andrö khö Nono mbiri-biri andrö, nitaba, i'otarai wamobörö danö'a.[6]
9 Si so tögi dalinga, ba yamufondrondrongo![7] 10 Sokuru niha, ba ni'ohe ba gurungu dania; samunu niha si'öli ba nibunu si'öli dania. Ba da'e so wa'anau gölö ni'amoni'ö andrö ba famatira.[8]
Saliŵa-liŵa ba danö si dua tandru
[edit | edit source]II. 11 Ba u'ila zaliŵa-liŵa ba danö tanö bö'ö, si otarai moroi tou danö, ba dua rozi dandru, hulö ba nono mbiri-biri, ba fehedenia, ba no hulö wehede naga.[9] 12 Ba ifalua fefu goroisa zaliŵa-liŵa ba danö andrö si föföna, fönania, ba mangalulu ba zaliŵa-liŵa ba danö si föföna andrö si no döhö sokho ba wamunu andrö, guli danö, awö zowanua ba guli danö, ibe'e.[10] 13 Ba ifazökhi dandra sebua, ena'ö göi ibe'e aekhu tou galitö ba danö, moroi ba mbanua si yaŵa, ba zanehe niha.[11]
14 Ba ifaelungu zowanua ba guli danö, ba dandra andrö, nitehe khönia famazökhi, föna zaliŵa-liŵa ba danö andrö, wanguma'ö ba niha sowanua ba guli danö, ena'ö lafazökhi wamaedo zaliŵa-liŵa ba danö andrö, si so sokho andrö, ba wöda, ba sauri. 15 Ba tetehe khönia wamonoso famaedo zaliŵa-liŵa ba danö andrö, ena'ö muhede göi wamaedo zaliŵa-liŵa ba danö andrö, ba ena'ö ibe'e nibunu fefu ha wa'ato zi lö mangalulu ba wamaedo zaliŵa-liŵa ba danö andrö.
16 Ba ibe'e lafazökhi khöra dandra ba dangara kambölö ba ma ba gangangora, dozi he iraono, ba he satua, he so'ana'a, ba he si numana, he si tenga sawuyu, ba he sawuyu,[12] 17 ena'ö lö tola mowöli niha, ha niha ia, ba lö tola mamawa hadia ia, ha si so tandra andrö, töi zaliŵa-liŵa ba danö andrö, ba ma numero töinia andrö.[13]
18 Ba da'e so wa'atua-tua! Ha niha zi si so fa'aboto ba dödö, ba yamu'erai wangerai saliŵa-liŵa ba danö andrö. Fangerai niha sa wangerai ya'ia. Ba numeronia andrö, ba 666.[14]
Famotokhi ba gahe
[edit | edit source]Fabaliŵa lala
[edit source]Olayama Zura Fama'ele'ö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö