Wb/nia/Fama'ele'ö/12
Ira alawe sadono ba naga[edit | edit source]
I. 1 Ba oroma dandra sebua ba zorugo, ira alawe sonukha luo, ba baŵa barö gahenia, ba ba högönia, ba no felendrua ndröfi, bala högönia. 2 Ba no manabina, ba mangarö-ngarö ia, ba wa'afökhö hulu ba ba wa'afökhö wadono.
3 Ba oroma dandra bö'ö ba zorugo, hiza naga sebua so'alitö fitu högö ba fulu rozi dandru, ba ba högönia ba fitu naya.[1] 4 Ba i'onia, ba ibözini zi saraö ndröfi ba mbanua si yaŵa, itibo'ö tou ba danö. Ba i'agö föna ndra alawe no mege, sadono, naga andrö ba wemanga ono andrö na tumbu. 5 Ba madono ia ono matua, sokubaloi dania fefu soi si'o si'öli. Ba te'ohe khö Lowalangi nononia andrö, föna dadaomania.[2]
6 Ba moloi ndra alawe andrö, isaŵa danö si mate ba zi so naha khönia ni'asiwai Lowalangi, ena'ö labe'e gönia ba da'ö hönö a dua ngaotu a önö ngafulu wongi.[3]
Fanibo ba danö naga[edit | edit source]
II. 7 Ba tesao wanuwö ba mbanua si yaŵa: Mikha'eli andrö ba mala'ikania, ba fasuwö ba naga andrö. Ba fasuwö naga andrö awö mala'ikania.[4] 8 Ba tebai ira, ba lö nahara sa'ae ba mbanua si yaŵa. 9 Ba tetibo'ö naga sebua andrö, ulö satua andrö, sotöi Afökha ba Satana, samaelungu niha ba guli danö fefu; tetibo'ö si tou ia ba danö ba tetibo'ö göi mala'ikania andrö awönia.[5]
10 Ba urongo li sebua, ba zorugo, imane: "Awena to'ele wangorifi andrö khö Lowalangida, ba fa'abölö andrö ba famatörö andrö; ba fa'atola andrö, khö nibayoini andrö khönia; me no tetibo'ö zangadugö talifusöda, si no mangadu-ngadugö ya'ira khö Lowalangida andrö, bongi ma'ökhö."[6] 11 Ba no lalaŵa ia, börö ndro Nono mbiri-biri andrö ba taroma li famaduhu'öra, ba lö ni'omasi'öra nosora irugi wa'amate.[7]
12 Andrö mi'omusoi'ö dödömi, ya'ami banua si yaŵa, awö zi so nahia ba da'ö. Ba alai guli danö, awö nasi, me no möi mitou Gafökha andrö khömi, ba me no ebua wönunia, ba me no i'ila, lö ara nitehe khönia".[8]
Igohi ndra alawe no mege naga[edit | edit source]
III. 13 Ba me i'ila naga andrö, tetibo'ö ba danö ia, ba igohi ndra alawe andrö, si no madono ono matua andrö.
14 Ba tebe'e ba ndra alawe andrö gafi, dombua, afi moyo sebua, ena'ö muhombo ia, ena'ö isaŵa danö si mate, nahania andrö ba nibe'e gönia, sagötö, ba dua götö, ba matonga nga'ötö wa'ara, nibini'ö ba gulö andrö.[9]
15 Ba i'uta'ö ulö andrö nidanö furi ndra alawe andrö, hulö nidanö ba nungo nidanö wa'abölö-bölö ba wangahanigö yaia.
16 Ba itolo ndra alawe tanö, ibokai mbawania tanö ibadu nidanö andrö ni'uta'ö naga.
17 Ba mofönu naga ba ndra alawe, ba mofanö ia manuwö si tosai ma'uwunia solo'ö oroisa Lowalangi andrö, ba si so famaduhu'ö andrö khö Yesu Keriso.[10]
18 Ba möi baene ndra'o ba mbewe nasi.
Famotokhi ba gahe[edit | edit source]
- ↑ Faigi 13:1 b.t.; Faigi 17:9 b.t.; Dan 7:7
- ↑ Faigi 2:27; Sin 2:8-9
- ↑ Faigi 11:3
- ↑ Dan 10:13,21; 12:1; Yud 9
- ↑ Faigi 20:2; Luk 10:18; Yoh 12:31; KorII 11:3
- ↑ Faigi 11:15; Sakh 3:1 b.t.; Yob 1:9 b.t.
- ↑ Faigi 7:14; 2:10; Rom 8:33,34,37; Yoh 12:25
- ↑ Yes 49:13; FetI 5:8
- ↑ Dan 12:7; Faigi 8:13
- ↑ Faigi 14:12; 6:9
Fabaliŵa lala[edit source]
Olayama Zura Fama'ele'ö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö