Wp/sli/Schläsche Sproache

Schläsch-deutsches Werterbichla: Grammatik und Rechtschreibung.

Schläsche Sproache / Sprooche
Gesprucha	ei der Schläsing, Deutschland, Tschechien und Pullakei
Linguistische Klassifikation	Indogermanische Sproacha Germanische Sproacha Deitsch Ustmitteldeitsche Dialekte Schläsch
Sproachcodes
ISO 639-3:	sli

Koarte des schläscha Sproachgebietes.

De schläsche Dialektzeitung „Heemtestimme“

Schläsch oder Schläs'sch ies anne ei der Schläsing gesprochene deitsche Sproache. Zusomma mit'm Lausitzisch, Thüringisch-Obersächsisch, Iglauisch und Huchpreusch bilda se de ustmitteldeitscha Sproacha. Ols germanische Sproache gehiert Schläsch zu dan indogermanischa Sproacha

Noach der Westverschiebung Pullakeis nur noo ei der Schläscha Aeberlausitz und ei Gerltz suwie vereinzelt ei der Diaspora gesprocha werd. Seit 1992 werda wieder offiziell einige Mundoarta ei der heutiga Aeberschläsing gesprocha.

Schläsch ies de Kurzform voo schläsisch bzw. schläs'sch.

Dialekte

Schläsche Sproacha wurda bis 1945 vo rund sieba Milliona Menscha gesprocha. De ehemalige preusche Provinz Schläsing bildete hierbei doas Zentrum anner grißera Sproachlandschoft.

Doas Schläsche teilt sich uff ei:

• Aeberlausitzer Mundoart
• Aeberschläsch
• Breslauisch
• Gebergsschläsch (Schläsche Gebergsmundoart / Schläsche Gebergsdialekt)
• Gleetzisch (oder Pauersch)
• Kräutermundart
• Mundoart des Brigg-Gruttker Landes
• Neiderländisch
• Nordbimsch
• Sudetendeitsche Mundoart

Deutsche Dramatiker, de da schläscha Dialekt ei ihra Sticka verwendeta, woarn Andreas Gryphius und Gerhart Hauptmann.

Textbeispiele

Boabrhäusern:
Wenn ma von heim dotthie de neue Schossee arindar gieht, da kimmt ma bis zur dumfa? Hitte, an wenn ma wetter nuff gieht kimmt ma zuntn Hause, doas ies Hulzblockbau mit Schindeln gedackt, de Haustiere die is gaus? anders... altertiemlich un das Haus is noch gebaut wie Schlesien noch zu Eesterreich gehurrte. Kimmt ma vunne zer Haustiere nei da hoots an huche Schwelle, do mußte ma sicha? uufpoassa, doß ma nät? zur Haustiere neifliecht, die Briefträger die sein zum Beispiel schon neigefolln. Rechts is de... im Hausflure, is de... der Hulzstoal mitte da missa ma Hulz spalda und saacha und olls mitte macha? eim Winter wenns kaald ies, rechts is de Stuube, da missa ma ooch Hulz spaln, wenns ganz kaald ies, Gebindlan macha und ollis vu'nd und ollis drinne macha schloofa. Voo dar Stuube nei ies a Stiebla an von Stiebla nei ies de Kiche, de Kiche die ies massiv, do bewahrn mer de Osche uuf, an drieber ies dr Schurnsteen, ma koan direekt aus dr Kiche direkt oa dr Feuresse nuffsahn, uff dr Feuresse uuba ies a gruuße Hulzdiete? neigemäuert, die sullt ich schun rausmacha, weil die net traun die Beherden, es kennt a Brand ausbrecha, ober doß daos Haus asuu lange schun stieht da(nn) ies no ken Feuer ausgebrocha, da wird wuhl oo keens ausbrecha, denn iech mißt a Schurnsteen neireißa, wen ich die Hulzdiete? sull rausmacha, das gieht eifach nä. An nu ies ä... rechts vom ä links vom Hausflure ies dr Stoal, un dann drnaaba is dr Hauskommer an nu ganz hinda naus ies dr Kaller, dar ies ä ei dr Arde eigebaut, an nu kimmd'is Daach, dr Kaller dar ies... das Daach gieht bies uf de Aarde und ies verbunda mietn andann Hausdache, da koan ma alsu vom Balka? aus koan ma hie direkt - weil das Daach uuf de Aarde uufgieht - direkt iber... ibers Hausdaach nuufklattern.

Weblinks

• Wie der Schlesier spricht
• Die Sprache von Breslauern
• Schlesische Mundarten um Breslau
• Schlesische Mundarten um Liegnitz
• Ausbreitung der schlesischen Mundarten
• Ueber deutsche Dialectforschung: Die Laut-und Wortbildung und die Formen der Schlesischen Mundart
• Schlesische Gedichte
• Schlesische Mundart zum Anhören
• Schlesische Mundart zum Anhören
• Gedichte in schlesischer Gebirgs-Mundart mit 22 Abbildungen
• Wiesenblumen: Gedichte humoristischen Inhalts in schlesischem Land-Dialekt

Schläsche Dialektliteratur