Wp/isv/Belgija

Država
Wp/isv/Belgija
nid.: België; fr.: Belgique; něm.: Belgien
	Horugva
	Gerb
Obča informacija
Polna nazva	Kraljevstvo Belgija ; nid.: Koninkrijk België; fr.: Royaume de Belgique; něm.: Königreich Belgien
Himn	Brabantska
Glavny i najbolši grad	Bruselj
Služebne jezyky	niderlandsky; francuzsky; němečsky;
Državna forma	federalna parlamentska konstitucijna monarhija
Statistika
Plošča	30 689 km² (136.)
Naseljeńje	Ocenka (2020): 11 492 641 ljudij (82.);
Valuta	evro (EUR)
Časova zona	UTC+1 (CET); lětom: UTC+2 (CEST);
Kod ISO 3166	BE
	mapframe problems: Attribute "latitude" has an invalid value; Attribute "longitude" has an invalid value;
	Koordinaty: Template:Wp/isv/Coord

Belgija, služebno Kraljevstvo Belgija, jest država v zapadnoj Evropě. Graniči s Niderlandami na sěveru, Němcijeju na iztoku, Ljuksemburgom na jugoiztoku, Francijeju na jugozapadu i imaje izhod k Sěvernomu morju na sěverozapadu. Imaje plošču 30.689 km² i naseljenje bolje 11.5 milionov ljudij (2022).^[3] Naseljenje Belgije sostoji medžu drugymi iz Flamandcev (55,09%), Valoncev (31,50%), Italijanov (1,95%), Arabov (1,85%), Francuzov (1,10%), Niderlandcev (0,97%), Němcev (0,92%) i Portugalcev (0,60%). Gustota naseljenja jest okolo 379,6/km². Belgija imaje tri služebne jezyky: niderlandsky (ok. 60% naseljenja), francuzsky (ok. 40%) i němečsky (ok. 0,7% v vozhodnoj česti kraja). Glavny i največši grad jest Bruselj, ine velike grady sut Antverp, Gent, Šarlerua, Liež, Bruž, Namur i Ljoven.

Belgija jest suverenna država i federalna konstitucijna monarhija s parlamentskym strojem. Federativny ustroj jest dost složeny. Politična sistema jest osnovana na tako nazyvajemym «dvupolusnym federalizmom». Po jednoj straně jest unitarna država, od ktoroj nizše plasty sut zavisne v oblastah podankov, pensij, zdravotničskyh strahovok, spravědlivosti, odnošenij s čudžinoju i tako dalje, po drugoj straně Belgiju sostavjajut tri federalne regiony: Flamandsky region, Valonsky region i Region stoličnogo grada Bruselj. Kromě togo, Belgija takože sostoji iz treh spoločnostij: niderlandskogojezyčnoj, francuzskojezyčnoj i němečskojezyčnoj. Regiony sut odgovorne za děla svezane s vlastnoju zemjeju, napriklad za občiny (munipipalitety), upravjanje prostoru, zemjedělstvo, lěsničstvo, obsrědinu, transport, energiju, budovanje, trgovanje i trud. Spoločnosti zajmajut se kulturnymi, jezyčnymi i ličnymi dělami, sportom, obrazenjem, naukoju i zdravoohranjenjem. Vse federalne regiony i spoločnosti imajut vlastny parlament i vlastu vladu. Flamandske region i spoločnosti imajut obču parlament, ale deputati iz Bruselja ne imajut prava glasovati o dělah svezanyh s regionom. Vslěd povyšego Belgija imajut šest parlamentov (raněje: sedm) i šest sovětov ministrov.

Administrativno děljenje Belgije

Belgija imaje složeny ustroj, osnovjeny na tako nazyvajemym «dvupolusnym federalizom». To znači, že mimo unitarnoj državy sut takože tri federalne regiony i tri spoločnosti.

Regiony (nid.: gewesten) sut:

Spoločnosti (nid.: gemeenschappen) sut:

niderlandskogojezyčna spoločnost,
francuzskojezyčna spoločnost,
němečskojezyčna spoločnost.

Bruselj jest jednočasno glavny glad Belgije, flamandskogo regiona i francuzskojezyčnoj spoločnosti. Glavny grad Valonije jest Namur, a glavny grad němečskoj spoločnosti jest Eupen.

Tri regiony Belgije: Flandrija (žolty), Valonija (črveny), Bruselj (modry)
Tri spoločnosti Belgije: niderlandskogojezyčna (žolta), francuzskojezyčna (črvena), němečskojezyčna (modra)

Na uravnju medžu federalnymi regionami i občinami sut provincije. Belgija sostoji iz deseti provincij: pet v Flandriji, pet v Valoniji. Vsaka provincija imaje vladu i izbu provincialnyh deputatov. Tretji region, region stoličnogo grada Bruselj ne prinaleži nijednoj provinciji i ne sodrživaje provincije.

Provincije Belgije

Regiony i provincije Belgije (dane iz 1-ogo januara 2022 g.)
Region			Provincija			Naseljenje	Povrhnja (km²)	Gustota (ljudi/km²)
Herb	Ime	Glavny grad	Herb	Ime	Glavny grad	Naseljenje	Povrhnja (km²)	Gustota (ljudi/km²)
	Flandrija Vlaanderen	Bruselj Brussel		Antverp Antwerpen	Antverp Antwerpen	1.886.609	2.867	658,04
				Flamandsky Brabant Vlaams-Brabant	Ljoven Leuven	1.173.440	2.106	557,19
				Limburg Limburg	Hasselt Hasselt	885.951	2.422	365,79
				Vozhodna Flandrija Oost-Vlaanderen	Gent Gent	1.543.865	2.982	517,72
				Zapadna Flandrija West-Vlaanderen	Bruž Brugge	1.209.011	3.144	384,54
	Valonija Wallonie	Namur Namur		Valonsky Brabant Brabant Wallon	Vavr Wavre	409.782	1.091	375,60
				Eno Hainaut	Mons Mons	1.351.127	3.786	356,87
				Liež Liège, Lüttich	Liež Liège	1.110.989	3.862	287,67
				Luksemburg Luxembourg	Arlon Arlon	291.143	4.505	64,63
				Namur Namur	Namur Namur	499.454	3.600	138,74
	Region stoličnogo grada Bruselj Brussels Hoofdstedelijk Gewest Région de Bruxelles-Capitale	Bruselj Brussel Bruxelles				1.222.637	161	7527,63

Političny ustroj

Belgija jest tako nazyvajema «narodna monarhija», čto znači, že kralj ne vladaje državoju, ale narodom, i jegovo dostojenstvo ne zvuči «Kralj Belgije», ale «Kralj Belgov». Mimohodom, belgijsky kralj odigryvaje čisto formalnu rolju i ne imaje političnu vlast. Od 2013-ogo goda Belgijeju vladaje kralj Filip.

Belgija imaje šest parlamentov, ktore zajedno imajut 537 členov:

Federalny parlament Belgije (dvě izby: dolna izba s 150 členami i senat s 60 členami)
Parlament Flandrije (za Flamandsky region i flamandsku spoločnost: 124 členi)
Parlament Valonije (75 členov)
Parlement Regiona stoličnogo grada Bruselj (89 členov: 72 francuzskojezyčni, 17 niderlandskojezyčnyh)
Parlament francuzskojezyčnoj spoločnosti (94 členi: 75 členov valonskogo parlamenta plus 19 iz 72 francuzskojezyčnyh členov Bruseljskogo parlamenta)
Parlament němečskojezyčnoj spoločnosti (25 členov)

Dalje Belgija imaje šest vlad:

Federalna vlada (15 ministrov i 5 državnyh sekretarev)
Flamandska vlada (9 ministrov)
Valonska vlada (8 ministrov)
Vlada Regiona stoličnogo grada Bruselj (5 ministrov i 3 državni sekretari)
Vlada francuzskojezyčnoj spoločnosti (7 ministrov)
Vlada němečskojezyčnoj spoločnosti (4 ministri)

Belgija jest parlamentarna demokracija. Skoro vse politične partije sut podrazděljene po jezyku: sut partije za niderlanskogogovorečih, za francuzskogovorečih i za němečskogovorečih. Najvažnějše partije, ktore imajut prědstaviteljstvo v izbah federalnogo parlamenta sut slědujuče:

Najvažnějše politične partije v Belgiji^[4]
Skračenje		Polna nazva	Ideologija	Jezyk	Čislo deputatov
Skračenje		Polna nazva	Ideologija	Jezyk	dolna izba	senat
	N-VA	Novo-flamandsky alians Nieuw-Vlaamse Alliantie	flamandsky nacionalizm	nid.	24	10
	Vlaams Belang	Flamandsky interes Vlaams Belang	krajna pravica, flamandsky nacionalizm	nid.	20	8
	MR	Reformatorsko dviženje Mouvement Réformateur	liberalizm	fr.	19	9
	PS	Socialistična partija Parti Socialiste	socialdemokracija	fr.	16	6
	PVDA/PTB	Partija truda Belgije Partij van de Arbeid / Parti du Travail de Belgique	marksizm	nid./fr.	15	6
	Les Engagés	Oddani Les Engagés	hristijanska demokracija	fr.	14	5
	Vooruit	Vprěd Vooruit	socialdemokracija	nid.	13	4
	CD&V	Hristijansko-demokratični i flamandski Christen-Democratisch en Vlaams	hristijanska demokracija	nid.	11	5
	Ecolo-Groen	Skonfederovani ekologisti za organizaciju originalnyh borb – Zelenj Écologistes Confédérés pour l'Organisation de Luttes Originales – Groen	ekologizm	fr./nid.	9	3
	Open Vld	Otvorjeni flamandski liberali i demokrati Open Vlaamse Liberalen en Democraten	liberalizm	nid.	8	3
	DéFI	Nezavisny federalističny demokrat Démocrate Fédéraliste Indépendant	socialliberalizm	fr.	1	—

Iztočniky

↑ "be.STAT". Bestat.statbel.fgov.be. 26 novembra 2019.
↑ "Structuur van de bevolking" (na niderlandskom). Statbel. Data dostupa: 29 februara 2020.
↑ STATBEL: Struktura naseljenja.
↑ poslě parlamentarnyh izborov 9-ogo junija 2024-ogo goda.

Vněšnje linky

Tutoj članok imaje prěvod iz članka "Belgium" v Vikipediji na anglijskom (spis avtorov; dozvoljeńje CC BY-SA 4.0).

**Državy v Evropě** Collapse[pogled | besěda | izměniti]
Suverenne državy	Albanija Andora Armenija Avstrija Azerbajdžan Bělorus Belgija Bosnija i Hercegovina Bulgarija Čehija Črna Gora Danija Estonija Finlandija Francija Gruzija Grecija Hrvatija Irlandija Islandija Italija Kazahstan Kipr Latvija Lihtenštejn Litva Luksemburg Malta Moldova Monako Němcija Niderlandy Norvegija Objedinjeno Kraljevstvo Poljska Portugalija Rosija Rumunija San-Marino Sěverna Makedonija Srbija Slovakija Slovenija Španija Švecija Švejcarija Turcija Ukrajina Vatikan Vugrija
Državy s ograničenym poznańjem	Abhazija Arcah Kosovo Sěverny Kipr Južna Osetija Pridněstrovje

[autogenerated1-1] "be.STAT". Bestat.statbel.fgov.be. 26 novembra 2019.

[Population-2] "Structuur van de bevolking" (na niderlandskom). Statbel. Data dostupa: 29 februara 2020.

[3] STATBEL: Struktura naseljenja.

[4] slě parlamentarnyh izborov 9-ogo junija 2024-ogo goda.

[1]

[2]

[3]

[4]