Wp/isv/Evro
Evro (kod EUR, znak €) jest služebna valuta Evropejskoj unije. V 2024 roka 20 iz 27 držav Evropejskoj unije koristujut evro: tuta grupa držav jest znajema ako evrozona. Evro jest 2. najtrgovejša valuta na inozemnom trgu razměny poslě dolara SŠA.[1] Evro podrazděljaje se na 100 centov.
Valutu takože koristuje se zavedenjami Evropejskoj unije i 4 inymi evropejskymi državami, a takože 2 jednostranno, i slědovateljno je koristujut 337 milionov evropejcev (na 2015 rok).[2] Vně Evropy, několiko zamorjskih ozemj takože koristujut evro ako jih valutu. Dodatočno, 210 milionov ljudij vsesvětno (na 2013 rok) koristujut valuty, ktore sut privezane k evru.
Ime evro bylo služebno adoptovano 16 decembra 1995 roka v Madridu.[3] 1 januara 1999 roka evro zaměnilo European Currency Unit (ECU) kako valuta na medžunarodnyh trgah. Fizične evrobanknoty i -monety byli vvedene v obrat 1 januara 2002 kako vesdenno platno srědstvo.
Evrozona
[edit | edit source]V evrozonu vhodet 20 držav:
- Avstrija
- Belgija
- Estonija
- Finlandija
- Francija
- Grecija
- Hrvatija
- Irlandija
- Išpanija
- Italija
- Kipr
- Latvija
- Litva
- Luksemburg
- Malta
- Němcija
- Niderlandy
- Portugalija
- Slovakija
- Slovenija
Iztočniky
[edit | edit source]- ↑ "Foreign exchange turnover in April 2013: preliminary global results" (PDF) (na anglijskom). Bank for International Settlements. Data dostupa: 7 februara 2015.
- ↑ "Euro area". European Commission (na anglijskom). Data dostupa: 19 aprilja 2021.
- ↑ "Madrid European Council (12/95): Conclusions". European Parliament. Data dostupa: 14 februara 2009.
Vněšnje linky
[edit | edit source]- Tutoj članok imaje prěvod iz članka "Euro" v Vikipediji na anglijskom (spis avtorov; dozvoljeńje CC BY-SA 4.0).