Wp/isv/Niderlandy

Država

Wp/isv/Niderlandy

nid.: Nederland
Flag
Gerb
Obča informacija
Polna nazva	Kraljevstvo Niderlandov (nid.: Koninkrijk der Nederlanden)
Himn	"Vilhelmus" (nid.: Wilhelmus)
Glavny i najbolši grad	Amsterdam
Služebne jezyky	niderlandsky jezyk
Državna forma	unitarna parlamentska konstitucijna monarhija
Statistika
Plošča	41 865 km² (131.)
Naseljeńje	Spis (2011): 16 655 799 ljudij
Valuta	evro, dolar SŠA (v Karaibskom morju)
Časova zona	UTC+1, -4 lětom: UTC+2, -4
Kod ISO 3166	NL
<mapframe> problems: Attribute "latitude" has an invalid value Attribute "longitude" has an invalid value
Koordinaty: Template:Wp/isv/Coord

Niderlandy, služebno Kraljevstvo Niderlandov (nid.: Koninkrijk der Nederlanden), sut država, ktora glavno nahodi se v Zapadnoj Evropě, ale takože imaje red ozemij v Karaibskom morju. Graniči s Němcijeju na iztoku i Belgijeju na jugu, a na zapadu imaje izhod k Sěvernomu morju. Niderlandy imajut obču površinu v 41865 km², na ktoroj živut veče 18 milionov ljudij. Glavny i najljudnějši grad Niderlandov jest Amsterdam.

Ime državy, Niderlandy, jest pozajeto od niderlandskogo jezyka. To ime doslovno znači «nizke kraje», tomu že značna čest Niderlandov nahodi se pod uravnjem morja. V drugyh krajah Niderlandy često nazyvajut se Holandija, čto v principu jest pogrěšno, zatože Holandija v istinnosti jest jedna iz historičnyh niderlandskyh provincij, ktora nyně jest poděljena na dvě sučasne provincije v zapadnoj česti kraja: Sěverna i Južna Holandija.

Niderlandy sut unitarna parlamentska konstitucijna monarhija. Niderlandy sut člen Evropejskogo sojuza, evrozony, G-10, NATO, OECD i Vsesvětnoj trgovoj organizacije, a takože sut člen Beneluksa i Šengenskogo prostora. V Niderlandah nahodet se m.dr. Organizacija dlja zabranjańja hemičnyh oruž i 5 medžunarodnyh sudov: Postojanny sud arbitraža, Medžunarodny sud, Medžunarodny prěstupny tribunal dlja byloj Jugoslavije, Medžunarodny prěstupny sud i specialny tribunal dlja Libana.

Služebny jezyk Niderlandov jest niderlandsky. Někoje jezyky takože imajut oficialny status v pojedinočnyh čestah kraja: zapadnofrizijsky v Friziji, anglijsky na ostrovah Saba i Sint-Eustacijus, a papiamentu na ostrovu Bonere. Kromě togo, slědujuče jezyky sut oficialno poznane v Niderlandah: dolnosaksonsky, limburgsky, romani, jidiš i niderlandsky jezyk gestov.

Administrativno děljenje

Kraljevstvo Niderlandy děli se na 4 kraja:

• Niderlandy (evropejske ozemje, ostrova Bonere, Sint-Eustacijus, Saba)
• Aruba (nid.: Aruba)
• Kjurasau (nid.: Curaçao)
• Sint-Maarten (nid.: Sint Maarten)

Evropejske ozemje Niderlandov dělet se na 12 provincij. Najnovějša provincija jest Flevoland, založena v 1986-om godu na zemjah, kde raněje bylo morje, Zuiderzee. V 2022 g. Niderlandy imajut 345 občin.

Provincije Niderlandov

Horugva	Provincija	Naseljenje (2020)	Povrhnja (km²) (zemja+voda)	Povrhnja (km²) (zemja)	Gustota (žitelji/km²)	Glavny grad	Največši grad
	Groningen	585.866	2.959,68	2.323,94	252	Groningen	Groningen
	Frizija (Friesland, Fryslân)	649.957	5.748,77	3.335,62	195	Leeuwarden	Leeuwarden
	Drente	493.682	2.680,39	2.632,65	188	Assen	Emmen
	Overejsel (Overijssel)	1.162.406	3.420,74	3.319,00	350	Zwolle	Enschede
	Flevoland	423.021	2.412,31	1.411,63	300	Lelystad	Almere
	Gelderland	2.085.952	5.136,31	4.963,71	420	Arnhem	Nijmegen
	Utrecht	1.354.834	1.560,05	1.485,46	912	Utrecht	Utrecht
	Sěverna Holandija (Noord-Holland)	2.879.527	4.091,93	2.664,82	1.081	Haarlem	Amsterdam
	Južna Holandija (Zuid-Holland)	3.708.696	3.307,86	2.700,07	1.374	Haga (Den Haag)	Rotterdam
	Zelandija (Zeeland)	383.488	2.933,44	1.782,12	215	Middelburg	Terneuzen
	Sěverny Brabant (Noord-Brabant)	2.562.955	5.082,06	4.905,46	522	's-Hertogenbosch	Eindhoven
	Limburg	1.117.201	2.209,85	2.146,61	520	Maastricht	Maastricht