Wp/isv/Niderlandsky jezyk

Niderlandsky jezyk (nid. Nederlands [neːdərlɑnts]) jest zapadnogermansky jezyk, govorjeny prěvažno v Niderlandah, Belgiji i Surinamu. On jest rodny jezyk okolo 24 milionov i vtory jezyk okolo 8 milionov ljudij v Evropejskoj Uniji, čto čini jego tretjim germanskym jezykom poslě anglijskogo i němečskogo, i osmym jezykom Evropejskoj unije.

Niderlandsky jest služebny jezyk v Niderlandah, Belgiji i Surinamu, a takože na ostrovah Aruba, Curaçao i Sint-Maarten. Kromě togo jestvujut niderlandske narěčja govorjene malo menšinstom v sěvernoj Franciji i v Němciji (okolice grada Kleve). Takože v byvšej niderlandskoj koloniji Indonezija ješče nahodet se ljudi starějšego pokoljenja, ktori znajut niderlandsky, a indonezijsky jezyk sodrživaje mnogo slov pozajetyh iz niderlandskogo. Pravdopodobno v Sjedinjenyh Štatah Ameriky, Kanadě i Avstraliji nahodet se ok. polmiliona rodnyh govoriteljev niderlandskogo jezyka.

Jezyk Afrikaans, jedin iz služebnyh jezykov Republiky Južnoj Afriky i takože govorjeny v Namibiji, jest dočersky jezyk niderlandskogo i oba jezyky sut vzajemno razumlive.