Wp/grc/Εὐρώπη

Εὐρώπη

Ἐμβαδόν	10.180.000 χ2
Πλῆθος	746.419.440
Πυκνότης Πλήθους	72,9/χ2
ΟΕΑ (GDP)	$21,79 τρισ.
ΟΕΑ κατὰ κεφαλήν	$29.410
ΣΑΠ (HDI)	0,845
Ζῶναι Ὥρας	UTC-1 – UTC+5
Γλῶσσαι	Ἰνδοευρωπαϊκαὶ γλῶσσαι, Φιννουγγρικαὶ γλῶσσαι, Τουρκικαὶ γλῶσσαι, Οὐασκωνικαὶ γλῶσσαι
Μέγισται Πόλεις	Βυζάντιον Μόσχα Λονδίνιον Ἁγία Πετρούπολις Βερολῖνον

Ἡ Εὐρώπη (ἣ πολλάκις καὶ Παλαιὰ Ἤπειρος καλεῖται) μία ἐστὶ τῶν ἓξ ἠπείρων, κεῖται δὲ πρὸς δυσμὰς τῆς Εὐρασίας. Ἐτεὸν μὲν ὅρον οὐδένα φύσει εἶναι μεταξὺ τῆς Ἀσίας καὶ τῆς Εὐρώπης, ἀλλὰ νόμῳ μόνον· ταύτην δὲ τὴν διαίρεσιν οἱ ἀρχαῖοι Ἕλληνες πρῶτοι ἐποιήσαντο. Ὁρίζεται δὲ πρὸς ἑσπέραν μὲν ὑπὸ τοῦ Ἀτλαντικοῦ ὠκεανοῦ, πρὸς ἄρκτον δ' ὑπὸ τοῦ Ἀρκτικοῦ, πρὸς νότον δ' ὑπὸ τῆς Μεσογείου Θαλάσσης, καὶ πρὸς ἀνατολὰς ὑπὸ τῆς Ἀσίας.

Ἕκτη τὸ μέγεθός ἐστὶ τῶν ἐν τῇ Γῇ ἠπείρων, κατέχουσα τὸ 6,8% τῆς ἁπάσης χέρσου. Ἐν ταύτῃ πεντήκοντα πολιτεῖαι ὑπὸ πάντων ὁμολογουμένως αὐτόνομοι εἰσί, ὧν ἡ Ῥωσσία ἡ μεγίστη. Ἐνοικοῦσι ἐν αὐτῇ ὡς ἑπτακόσια καὶ πεντήκοντα ἑκατομμύρια ἀνθρώπων (ὅπερ ἐστὶν 11% ἁπάντων τῶν ἐπὶ γῆς).

Οἱ δὲ Εὐρωπαῖοι, ἰσχύσαντες πολλῷ μάλιστα τῶν ἄλλων διὰ τὴν ἔξοχον θέσιν καὶ διὰ τῶν ὅπλων καὶ ἄλλως πως, πλεῖστον ἐπεκράτησαν τῶν πραγμάτων, ὥστε τὴν νεωτέραν ἱστορίαν καὶ τὸ τῆς οἰκουμένης οἰκονομικὸν σύστημα πρὸς τὰ ἑαυτῶν ἤθη ἀναγκάσαι τρέπεσθαι (ὃπερ Εὐρωκεντρισμὸς καλεῖται). Ὁ γὰρ πολιτισμὸς τῶν Εὐρωπαίων, ἐκ τοῦ τῶν Ἑλλήνων καὶ τῶν Ῥωμαίων ὁρμᾶται, καὶ ῥίζα γέγονε τοῦ Δυτικοῦ καλουμένου πολιτισμοῦ. Καταλυθείσης δὲ τῆς Δυτικῆς τῶν Ῥωμαίων Ἀρχῆς, τελευτᾶν μὲν νομίζεται τὴν ἀρχαίαν ἱστορίαν, ἄρχεσθαι δὲ τὸν Μεσαίωνα. Ἐν δὲ τῷ Αἰῶνι τῶν Ἀνακαλύψεων (ὃς ἅμα τῇ Ἀναγεννήσει συμβαίνει), οἱ Εὐρωπαῖοι μέγα ἠδύναντο ἐν πᾶσι τοῖς τοῦ κόσμου πράγμασιν, ἀποικίας οἰκίσαντες ἐν τῇ Ἀμερικῇ, τῇ Λιβύῃ, τῇ Ὠκεανίᾳ καὶ τῇ Ἀσίᾳ.

Ὁ Διαφωτισμός, ἡ Γαλλικὴ Ἐπανάστασις καὶ οἱ Ναπολεόντιοι Πόλεμοι, πολλὰ μετέβαλον ἐν τῇ ἠπείρῳ περί τε τὰ τῆς πολιτικῆς και τῆς οἰκονομίας ἀπὸ τοῦ ἑπτακαιδεκάτου αἰῶνος μέχρι τοῦ μέσου ἐννεακαιδεκάτου. Ἡ δὲ Βιομηχανικὴ Ἐπανάστασις, ἀρξαμένη ἐν Ἀλβιῶνι περὶ τελευτῶντα τὸν ὀκτωκαιδέκατον αἰῶνα, παμμεγάλας μεταβολὰς εἰργάσατο πάντων τῇ τῶν ἀνθρώπων διαίτῃ οὐ μόνον ἐν τῇ Εὐρώπῃ, ἀλλὰ καὶ κατὰ πᾶσαν τὴν οἰκουμένην. Διὰ δὲ τοὺς Παγκοσμίους Πολέμους κατελύθη μὲν ἡ τῶν Εὐρωπαίων ἡγεμονία, ἤρξαντο δὲ μέγιστον δύνασθαι αἵ τε Ἡνώμεναι Πολιτεῖαι τῆς Ἀμερικῆς καὶ ἡ τῶν Σοβιετικῶν Ἕνωσις. Ἐν δὲ τῷ καλουμένῳ Ψυχρῷ Πολέμῳ ἡ Εὐρώπη διῃρέθη εἰς δύο μέρη διὰ τοῦ Σιδηροῦ Παραπετάσματος, τοῦ μὲν ὄντος ἐν τῇ Βορειοατλαντικῇ Συμμαχίᾳ (ΝΑΤΟ), τοῦ δ' ἑτέρου ἐν τῇ τῆς Οὐαρσουίας Συνθήκῃ.

Τῷ δὲ 1958 ἔτει, γενομένων τῶν ἐν Ῥώμῃ Σπονδῶν, καθίστατο ἡ Εὐρωπαϊκὴ Οἰκονομικὴ Κοινωνία (ἐξ ἧς ὕστερον ἡ Εὐρωπαϊκὴ Ἕνωσις) ὑπὸ ἓξ ἐθνῶν. Ἐκ δὲ τούτου κατὰ μικρὸν ἄλλα ἔθνη προσδεχομένη παρεκτείνει τὴν αὑτῆς δύναμιν ἀνὰ τὴν ἤπειρον.

Ἐτυμολογία

Ὁ πρῶτος παγκόσμιος πίναξ κατὰ τὸν Ἀναξίμανδρον (6ος ΠΚΕ αἰών)

Ἡ Ἑὐρώπη καὶ ὁ Ταῦρος - Ἐρυθρόμορφος Στάμνος, ~480 ΠΚΕ

Ἐν δὲ τῇ ἑλληνικῇ μυθολογίᾳ ἡ Εὐρώπη θυγάτηρ μὲν ἦν τοῦ τῆς Φοινίκης βασιλέως, ἀπαχθεῖσα δὲ ὑπὸ τοῦ Διός, εἰς τὴν Κρήτην ἐκομίσθη. Λέγουσι δὲ οἱ πλεῖστοι τὸ μὲν ἔτυμον τοῦ ὀνόματος ἐκ τῶν εὐρυς καὶ ὤψ (γεν. ὠπὸς) λέξεων γενέσθαι, δηλοῦν δὲ τοῦτο τὸ «ἀθροῦσα εὐρέως» ἢ τὸ «μετ' ὄψεως πλατείας εἶναι». Καὶ γὰρ ἡ «Εὐρεία» ἐπίθετον ἦν τῆς Γαίας αὐτῆς ἐν τῇ ἀναδεδμημένῃ ἰνδοευρωπαϊκῇ μυθολογίᾳ καὶ ἐν τῇ καθιεροῦσα πρὸς ταύτην ποιήσει. Ὁ μέντοι Ῥοβέρτος Σ. Π. Βήκης ἐτυμολογεῖ τοῦτο ἐκ προϊνδοευρωπαϊκῆς τινὸς ἀρχῆς.

Πειρῶνται δέ τινες συνδέειν τὴν Εὐρώπην τῇ σημιτικῇ λέξει, ἣ σημαίνει «δύσιν», ἤτοι τῇ Ἀκαδικῇ erebu (𒀭𒌓𒋙𒀀 = δύω) ἢ τῇ Φοινικικῇ 'ereb (𐤏𐤓𐤁 = ἑσπέρα, δύσις). Ὅ τε Μαρτῖνος Λισφεῖλδος Οὐεστ καὶ ὁ Βήκης ἀποδοκιμάζουσι τήνδε τὴν ὑπόθεσιν.

Αἱ δὲ πλεῖσται τῶν γλωσσῶν τὴν περὶ τῆς Εὐρώπης προσηγορίαν ἐκ τῆς Ἑλληνικῆς ἔλαβον. Παραδείγματος χάριν, ἡ τῶν Σηρῶν γλῶσσα χρᾶται τῇ τοῦ Ōuzhōu (歐洲/欧洲) προσηγορίᾳ, ἥτις ἐστὶν ἀποκοπὴ τοῦ Ōuluóbā zhōu (歐羅巴洲) (ἔνθα τὸ zhōu ἤπειρος σημαίνει).

Ὅροι τῆς Εὐρώπης

  Χῶραι ὅλως οὖσαι ἐν τῇ Εὐρώπῃ

  Μέρος χώρας ἐν δυοῖν ἠπείροιν ὃ ἐν τῇ Εὐρώπῃ

  Μέρος χώρας ἐν δυοῖν ἠπείροιν ὃ ἐν τῇ Ἀσίᾳ

  Χῶραι ὅλως οὖσαι ἐν τῇ Ἀσίᾳ (σὺν τῇ Ἀρμενία καὶ τῇ Κύπρῳ)

Οἱ τῆς Εὐρώπης ὅροι πολλάκις διήλλαξαν κατὰ τοὺς αἰώνας. Κατὰ τὸν κοινὸν καὶ καθεστῶτα γεωγραφικὸν ὅρον, ἡ μὲν Ἀσία ἀπὸ τῆς Εὐρώπης διορίζεται κατά τε τὰ Ῥιπαῖα ὄρη, τὸν Δάϊκα ποταμὸν καὶ τὴν Κασπίαν θάλασσαν πρὸς ἀνατολάς, ἔτι δὲ κατὰ τὸν Μέγαν Καύκασον, τὸν Εὔξεινον Πόντον, τὸν Βόσπορον καὶ τὸν Ἑλλήσποντον πρὸς νότον. Καίτοι τινὲς τῶν ὅρων ἐπὶ τῆς γῆς εἰσι τοιοῦτοι, ἡ μέντοι Εὐρώπη παρὰ πάντας ὁμολογεῖται ἤπειρος εἶναι διὰ τό τε μέγεθος καὶ τὴν τῆς ἱστορίας τε καὶ παραδόσεως ἐξοχήν. Κατὰ τοὺς προειρημένους ὅρους, ἡ Ἀτροπατηνή, ἡ Γεωργία, ἡ Κασαχία, ἡ Ῥωσσία καὶ ἡ Τουρκία ἔχουσι μέρος τι τῆς ἑαυτῶν χώρας ἐν τε τῇ Ἀσίᾳ καὶ τῇ Εὐρώπῆ. Ἡ νῆσος τῆς Κύπρου καὶ ἡ Ἀρμενία εὐρωπαϊκαὶ νομίζονται εἶναι, καθόσον ἱστοριῶς συγγενεῖς πως εἰσὶ πρὸς αὐτήν.

Καίτοι δὲ τὴν Μεσόγειον σαφὴς εἶναι δοκεῖ διαίρεσιν μεταξὺ Εὐρώπης καὶ Λιβύης, ὅμως τινὲς τῶν νήσων, οἷον Σικελία καὶ ἡ Μελίτη) τῇ Λιβυκῇ τεκτονικῇ πλακὶ ἐπικείμεναι λιβυκαὶ ἂν νομίζοιντο. Ὁμοίως δὲ καὶ ἡ Θούλη ἐπί τε τῇ Εὐρασιατικῇ καὶ τῇ Βορειοαμερικανικῇ πλακὶ κατοικεῖται.

Κατάλογος Χωρῶν

Χῶραι μετὰ πλήρους ἀναγνωρίσεως

Πεντήκοντα ἀρχικαὶ χῶραι εἰσὶ ἐντὸς (πλήρως ἢ μὴ) τῶν κοινῶν ὅρων τῆς Εὐρώπης καὶ αἱ πλεῖσται ταύτων μέλη συστάσεων παγκοσμίων καὶ πανεὐρωπαϊκῶν. Πᾶσαι δὴ εἰσὶ μέλη τῶν Ἡνωμένων Ἐθνῶν. Τέσσαρες καὶ τεσσαράκοντα χῶραι ἔχουσι τὴν σφετέραν μητρόπολιν ἐν τῇ Εὐρώπῃ καὶ κζ' εἰσὶ μέλη τῆς Εὐρωπαϊκῆς Ἑνώσεως.

Τοῖς ἑκάστοις κάτω οὖσι γεγραμμένοις δίδοται καὶ πίναξ ὃς εἰκάζει τὴν θέσιν τῶν χωρῶν τῇ Εὐρώπῃ. Γῆ ἐν τῇ Εὐρώπῃ δείκνυται ὡς χλωρά, γῆ γεωγραφικῶς ἐκτὸς Εὐρώπης δείκνυται ὡς πρασίνη καὶ γῆ ἐν τῇ Εὐρωπαϊκῇ Ἑνώσει δείκνυται ὡς ὠχροτέρα χλωρά.

Κυανέῳ χρώματι δηλοῦνται γὰρ αἱ χῶραι μέλη τῆς Εὐρωπαϊκῆς Ἑνώσεως οὖσαι.

Σημεῖον	Πίναξ	Κοινὸν καὶ δημόσιον ὄνομα ἑλληνιστί:	Κοινὸν καὶ δημόσιον ὄνομα τῇ σφετέρᾳ γλῶσσᾳ	Μητρόπολις	Ἐμβαδόν (χ2)	Πλῆθος
		Ἅγιος Μαρῖνος Πολιτεία τοῦ Ἁγίου Μαρίνου	Ἰταλιστί: San Marino – Repubblica di San Marino	Ἁγιομαρινούπολις Ἰταλιστί: San Marino	61	33.607
		Ἀλβανία Πολιτεία τῆς Ἀλβανίας	Ἀλβανιστί: Shqipëri / Shqipëria – Republika e Shqipërisë	Θεράνδη Ἀλβανιστί: Tiranë	28.748	2.845.955
		Ἀνδοσινία Πριγκιπᾶτον τῆς Ἀνδοσινίας	Καταλανιστί: Andorra – Principat d'Andorra	Ἀνδοσινόπολις Καταλανιστί: Andorra la Vella	468	77.543
		Ἀρμενία Πολιτεία τῆς Ἀρμενίας	Ἀρμενιστί: Հայաստան – Հայաստանի Հանրապետություն (Hayastan – Hayastani Hanrapetut'yun)	Ἐρευάν Ἀρμενιστί: Երևան (Yerevan)	29.800	2.963.000
		Ἀτροπατηνή Πολιτεία τῆς Ἀτροπατηνῆς	Ἀτροπατηνιστί: Azǝrbaycan – Azǝrbaycan Respublikası	Βακυΐα Ἀτροπατηνιστί: Bakı	86.600	10.095.894
		Αὐστρία Πολιτεία τῆς Αὐστρίας	Γερμανιστί: Österreich – Republik Österreich	Οὐινδόβονα Γερμανιστί: Wien	83.858	8.915.382
		Βαταυία Βασιλεία Βαταυίας	Βαταυιστί: Nederland – Koninkrijk der Nederlanden	Ἀμστελόδαμον Βαταυιστί: Amsterdam	41.543	17.427.806
		Βελγική Βασιλεία Βελγίου	Γαλλιστί: Belgique – Royaume de Belgique Γερμανιστί: Belgien – Königreich Belgien Βαταυιστί: België – Koninkrijk België	Βρυξέλλαι Γαλλιστί: Bruxelles Γερμανιστί: Brüssel Βαταυιστί: Brussel	30.528	11.530.853
		Βοημία Πολιτεία τῆς Βοημίας	Βοημιστί: Česko – Česká republika	Πράγα Βοημιστί: Praha	78.866	10.694.364
		Βοσώνα καὶ Ἑρσεγοΐνη	Βοσωνιστί, Χροατιστί: Bosna i Hercegovina Βοσωνιστί, Σερβιστί: Босна и Херцеговина	Σεράϊον Βοσωνιστί, Χροατιστί: Sarajevo Βοσωνιστί, Σερβιστί: Сарајево	51.129	3.281.000
		Βουλγαρία Πολιτεία τῆς Βουλγαρίας	Βουλγαριστί: България – Република България (Bǎlgarija – Republika Bǎlgarija)	Σερδική Βουλγαριστί: София (Sofia)	110.910	6.951.482
		Γαλλία Γαλλικὴ Πολιτεία	Γαλλιστί: France – République française	Λουκοτοκία Γαλλιστί: Paris	547.030	64.945.000
		Γερμανία Συμπολιτεία τῆς Γερμανίας	Γερμανιστί: Deutschland – Bundesrepublik Deutschland	Βερολῖνον Γερμανιστί: Berlin	357.021	83.157.201
		Γεωργία	Γεωργιανιστί: საქართველო (Sak'art'velo)	Τιφλίς Γεωργιανιστί: თბილისი (T'bilisi)	69.700	3.716.900
		Δακία	Δακορωμανιστί: România	Βουκαρέστιον Δακορωμανιστί: București	238.391	19.318.000
		Δανία Βασιλεία Δανίας	Δανιστί: Danmark – Kongeriget Danmark	Ἁφνία Δανιστί: København	43.094	5.825.337
		Ἑλλάς Ἑλληνικὴ Πολιτεία	Καινελληνιστί: Ελλάδα – Ελληνική Δημοκρατία	Ἀθῆναι Καινελληνιστί: Αθήνα	131.957	10.724.599
		Ἑλουητία Κοινὸν τῶν Ἑλουητίων	Γαλλιστί: Suisse – Confédération suisse Γερμανιστί: Schweiz – Schweizerische Eidgenossenschaft Ἰταλιστί: Svizzera – Confederazione Svizzera Ῥαιτορωμανιστί: Svizra – Confederaziun svizra	Βέρνη Γαλλιστί: Berne Γερμανιστί: Bern Ἰταλιστί: Berna Ῥαιτορωμανιστί: Berna	41.290	8.619.259
		Ἐσθονία Πολιτεία τῆς Ἐσθονίας	Ἐσθονιστί: Eesti – Eesti Vabariik	Ταλλίνη Ἐσθονιστί: Tallinn	45.226	1.328.976
		Ἡνωμένη Βασιλεία Ἡνωμένη Βασιλείας Ἀλβιῶνος καὶ Βορείου Ἰέρνης	Ἀγγλιστί: United Kingdom – United Kingdom of Great Britain and Northern Ireland Ἰερνιστί: Ríocht Aontaithe – Ríocht Aontaithe na Breataine Móire agus Thuaisceart Éireann Καληδονιστί: Unitit Kinrick – Unitit Kinrick o Great Breetain an Northren Ireland Καμβριστί: Deyrnas Unedig – Teyrnas Unedig Prydain Fawr a Gogledd Iwerddon	Λονδίνιον Ἀγγλιστί: London Ἰερνιστί: Londain Καληδονιστί: Lunnon Καμβριστί: Llundain	244.820	66.796.807
		Ἰέρνη	Ἰερνιστί: Éire	Ἔβλανα Ἰερνιστί: Baile Átha Cliath	70.280	4.977.400
		Θούλη	Θουλιστί: Ísland	Ῥεικιάβεικον Θουλιστί: Reykjavík	103.000	366.700
		Ἱσπανία Βασιλείας Ἱσπανίας	Ἱσπανιστί: España – Reino de España	Μαδρίτη Ἱσπανιστί: Madrid	504.851	47.329.981
		Ἰταλία Ἰταλικὴ Πολιτεία	Ἰταλιστί: Italia – Repubblica Italiana	Ῥώμη Ἰταλιστί: Roma	301.230	60.198.633
		Κασαχία Πολιτεία τῆς Κασαχίας	Κασαχιστί: Қазақстан – Қазақстан Республикасы (Qazaqstan – Qazaqstan Respýblıkasy)	Ἀστάνη Κασαχιστί: Астана (Astana)	2.724.900	18.760.200
		Κύπρος Πολιτεία τῆς Κύπρου	Καινελληνιστί: Κύπρος – Κυπριακή Δημοκρατία Τουρκιστί: Kıbrıs – Kıbrıs Cumhuriyeti	Λήδρα Καινελληνιστί: Λευκωσία Τουρκιστί: Lefkoşa	9.251	875.900
		Λεττονία Πολιτεία τῆς Λεττονίας	Λεττονιστί: Latvija – Latvijas Republika	Ῥῖγα Λεττονιστί: Rīga	64.589	1.900.000
		Λιθουανία Πολιτεία τῆς Λιθουανίας	Λιθουανιστί: Lietuva – Lietuvos Respublika	Οὐίλνα Λιθουανιστί: Vilnius	65.200	2.795.299
		Λευκορωσσία Πολιτεία τῆς Λευκορωσσίας	Λευκορωσσιστί: Беларусь – Рэспубліка Беларусь (Bielaruś – Respublika Bielaruś) Ῥωσσιστί: Беларусь – Республика Беларусь (Belarus' — Respublika Belarus')	Μίνεσκον Λευκορωσσιστί: Мінск (Minsk) Ῥωσσιστί: Минск (Minsk)	207.560	9.397.800
		Λευχεντία Πριγκιπᾶτον τῆς Λευχεντίας	Γερμανιστί: Liechtenstein – Fürstentum Liechtenstein	Ἡδεῖα Κοιλάς Γερμανιστί: Vaduz	160	38.749
		Λουξεμβοῦργον Μέγα Δουκᾶτον τοῦ Λουξεμβούργου	Γαλλιστί: Luxembourg – Grand-Duché de Luxembourg Γερμανιστί: Luxemburg – Großherzogtum Luxemburg Λουξεμβουργιανιστί: Groussherzogtum Lëtzebuerg	Λουξεμβουργούπολις Γαλλιστί: Luxembourg Γερμανιστί: Luxemburg Λουξεμβουργιστί: Lëtzebuerg	2.586	626.108
		Λυσιτανία Λυσιτανικὴ Πολιτεία	Λυσιτανιστί: Portugal – República Portuguesa	Ὀλισσιπών Λυσιτανιστί: Lisboa	92.568	10.295.909
		Μέλαν Ὄρος	Μελανορειστί: Црна Гора, Crna Gora	Διοκλεία Μελανορειστί: Подгорица, Podgorica	13.812	621.873
		Μελίτη Πολιτεία τῆς Μελίτης	Μελιτιστί: Malta – Repubblika ta' Malta Ἀγγλιστί: Malta – Republic of Malta	Οὐαλλέττα Μελιτιστί: il-Belt Valletta Ἀγγλιστί: Valletta	316	514.564
		Μολδαυία Πολιτεία τῆς Μολδαυίας	Δακορωμανιστί: Moldova – Republica Moldova	Χισίνευον Δακορωμανιστί: Chișinău	33.843	2.640.400
		Μόνοικος Πριγκιπᾶτον τοῦ Μονοίκου	Γαλλιστί: Monaco – Principauté de Monaco	Μόνοικος Γαλλιστί: Monaco	1,95	38.100
		Νορουηγία Βασιλεία Νορουηγίας	Βιβλονορουηγιστί: Norge – Kongeriket Norge Καινονορουηγιστί: Noreg – Kongeriket Noreg Λαπωνιστί: Norga – Norgga gonagasriika	Ὄσλον Νορουηγιστί: Oslo	385.178	5.374.807
		Οὐατικανόπολις	Λατινιστί: Sancta Sedes	-	0,44	800
		Οὑγγαρία	Οὑγγριστί: Magyarország	Βουδαπέστη Οὑγγριστί: Budapest	93.030	9.769.526
		Οὐκρανία	Οὐκρανιστί: Украïна (Ukraina)	Κιοβία Οὐκρανιστί: Київ (Kyiv)	603.700	41.762.138
		Παιονία Πολιτεία Παιονίας	Σλαυοπαιονιστί: Северна Македонија – Република Северна Македонија (Severna Makedonija – Republika Severna Makedonija)	Σκοῦποι Σλαυοπαιονιστί: Скопје (Skopje)	25.713	2.076.255
		Πολωνία Πολιτεία Πολωνίας	Πολωνιστί: Polska – Rzeczpospolita Polska	Οὐαρσουία Πολωνιστί: Warszawa	312.685	38.382.600
		Ῥωσσία Ῥωσσικὴ Ὁμοσπονδία	Ῥωσσιστί: Росси́я – Российская Федерация (Rossija – Rossijskaja Federacija)	Μόσχα Ῥωσσιστί: Москва (Moskva)	17.075.400	146.748.590
		Σερβία Πολιτεία Σερβίας	Σερβιστί: Србија – Република Србија, Srbija – Republika Srbija	Σιγγίδουνον Σερβιστί: Београд, Beograd	88.361	6.926.705
		Σλοβακία Σλοβακικὴ Πολιτεία	Σλοβακιστί: Slovensko – Slovenská republika	Ἰστρόπολις Σλοβακιστί: Bratislava	49.035	5.460.136
		Σλοβηνία Πολιτεία Σλοβηνίας	Σλοβηνιστί: Slovenija – Republika Slovenija	Ἤμων Σλοβηνιστί: Ljubljana	20.273	2.097.195
		Σουηκία Βασιλεία Σουηκίας	Σουηκιστί: Sverige – Konungariket Sverige	Ὁλμία Σουηκιστί: Stockholm	449.964	10.352.390
		Τουρκία Πολιτεία Τουρκίας	Τουρκιστί: Türkiye – Türkiye Cumhuriyeti	Ἄγκυρα Τουρκιστί: Ankara	783.562	83.154.997
		Φιννία Πολιτεία Φιννίας	Φιννιστί: Suomi – Suomen tasavalta Σουηκιστί: Finland – Republiken Finland	Ἑλσίγκιον Φιννιστί: Helsinki Σουηκιστί: Helsingfors	336.593	5.530.706
		Χροατία Πολιτεία Χροατίας	Χροατιστί: Hrvatska – Republika Hrvatska	Ζαγραβία Χροατιστί: Zagreb	56.542	4.058.165

Χῶραι μετὰ ἐλαχείας ἢ οὐδεμιᾶς ἀναγνωρίσεως

Σημεῖον	Πίναξ	Κοινὸν καὶ δημόσιον ὄνομα ἑλληνιστί:	Κοινὸν καὶ δημόσιον ὄνομα τῇ αὐτῶν γλῶσσᾳ	Μητρόπολις	Κατάστασις	Ἐμβαδόν (χ2)	Πλῆθος
		Ἀβχαζία Πολιτεία Ἀβχαζίας	Ἀβχαζιστί: Аҧсны - Аԥсны Аҳәынҭқарра (Apsny - Apsny Ahwyntkarra) Ῥωσσιστί: Абха́зия - Республика Абхазия (Abhazia - Respublika Abkhaziya)	Διοσκουριάς Ἀβχαζιστί: Аҟәа (Aqwa) Ῥωσσιστί: Сухум(и) (Sukhum(i))	Διεκδικουμένη ὑπὸ τῆς Γεωργίας Ἀναγνωριζομένη ὑπὸ πέντε μελῶν τῶν Η.Ε.	8.860	240.750
		Κοσσυφοπέδιον Πολιτεία Κοσσυφοπεδίου	Ἀλβανιστί: Kosova / Kosovë – Republika e Kosovës Σερβιστί: Косово – Република Косово / Kosovo – Republika Kosovo	Πριστινή Ἀλβανιστί: Prishtina / Prishtinë Σερβιστί: Приштина / Priština	Διεκδικούμενον ὑπὸ τῆς Σερβίας Ἀναγνωριζόμενον ὑπὸ ἐνενήκοντα καὶ ὀχτὼ μελῶν τῶν Η.Ε.	10.887	1.860.463
		Νότιος Ὀσσετία Πολιτεία Νοτίου Ὀσσετίας / Πολίτευμα Ἀλανίας	Ὀσσετιστί: Хуссар Ирыстон – Республикӕ Хуссар Ирыстон / Паддзахад Аллонстон (Xussar Irêšton – Respublike Xussar Irêšton / Paddzaxad Allonšton) Ῥωσσιστί: Южная Осетия – Республика Южная Осетия / Государство Алания (Yuzhnaya Osetiya – Respublika Yuzhnaya Osetiya / Gosudarstvo Alaniya)	Σινυβάλιον Ὀσσετιστί: Цхинвал, Чъреба, (Tskhinval, Chreba) Ῥωσσιστί: Цхинвал(и) (Tskhinval(i))	Διεκδικουμένη ὑπὸ τῆς Γεωργίας Ἀναγνωριζομένη ὑπὸ πέντε μελῶν τῶν Η.Ε.	3.900	53.532
		Ὀρχιστηνή Πολιτεία Ὀρχιστηνῆς	Ἀρμενιστί: Արցախի Հանրապետություն (Arts'akhi Hanrapetut'yun)	Στεφανόπολις Ἀρμενιστί: Ստեփանակերտ (Step'anakert)	Διεκδικουμένη ὑπὸ τῆς Ἀτροπατηνῆς	11.458	150.932
		Βόρειος Κύπρος Τουρκικὴ Πολιτεία Βορείου Κύπρου	Τουρκιστί: Kuzey Kıbrıs – Kuzey Kıbrıs Türk Cumhuriyeti	Βόρειος Λήδρα Τουρκιστί: Lefkoşa	Διεκδικουμένη ὑπὸ τῆς Κύπρου Ἀναγνωριζομένη ὑπὸ τῆς Τουρκίας μόνον.	3.335	286.257
		Ὑπερτυρία Ὑπερτυριακὴ Μολδαυΐκη Πολιτεία	Δακορωμανιστί: Nistreană – Republica Moldovenească Nistreană Ῥωσσιστί: Приднестровье – Приднестровская Молдавская Республика (Pridnestrov'ye – Pridnestrovskaya Moldavskaya Respublika) Οὐκρανιστί: Придністров'я – Придністровська Молдавська Республіка (Prydnistrov'ya – Pridnistrovs'ka Moldavs'ka Respublika)	Τυρούπολις Ῥουμανιστί: Tiraspol Ῥωσσιστί: Тирасполь (Tiraspol) Οὐκρανιστί: Тирасполь (Tiraspol)	Διεκδικουμένη ὑπὸ τῆς Μολδαυίας	4.163	469.000

Γεωγραφία

Πίναξ τινῶν τῶν Νήσων τῆς Εὐρώπης

Νῆσοι

• (1) Θούλη
• (2) Φαιρόαι Νῆσοι
• (3) Σουαλβάρδη
• (4) Ἱννοία
• (5) Σηνία
• (6) Δαγείδα
• (7) Ὀσιλία
• (8) Γοττία
• (9) Σηλία
• (10) Φιονία
• (11) Κύπρος
• (12) Ῥόδος
• (13) Κρήτη
• (14) Ἰόνιοι Νῆσοι
• (15) Σικελία
• (16) Μελίτη
• (17) Σαρδώ
• (18) Κύρνος
• (19) Βαλλιαρεῖς νῆσοι
• (20) Ἀλβιών
• (21) Ἰέρνη

Πίναξ τῶν τριάκοντα καὶ ἑνὸς μεγίστων ποταμῶν τῆς Εὐρώπης

Ποταμοί

Γέφυρα ὑπὲρ τὸν Ῥᾶ, τὸν μέγιστον ποταμὸν τῆς Εὐρώπης

Γέφυρα ὑπὲρ τὸν Ἴστρον, τὸν δεύτερον μέγιστον ποταμὸν τῆς Εὐρώπης, ἐν τῇ Βουδαπέστῃ

Ποταμοὶ τῆς Εὐρώπης ἀνὰ μῆκος

• (1) Ῥᾶ (μέρος αὐτοῦ ἐκτὸς πίνακος)
• (2) Ἴστρος
• (3) Δάϊξ (ἐκτὸς πίνακος)
• (4) Βορυσθένης
• (5) Τάναϊς (μέρος αὐτοῦ ἐκτὸς πίνακος)
• (6) Πεχόρας (μέρος αὐτοῦ ἐκτὸς πίνακος)
• (7) Κάμας (μέρος αὐτοῦ ἐκτὸς πίνακος)
• (8) Ὄκας
• (9) Τύρας
• (10) Ῥῆνος
• (11) Ἄλβις
• (12) Οὐιστούλας
• (13) Τάγος
• (14) Δυτικὸς Δύνας
• (15) Λίγηρ
• (16) Ἴβηρ
• (17) Πυρετός
• (18) Χρόνος
• (19) Μόσας
• (20) Δοῦρος
• (21) Ὕπανις (d:Q82308) (μέρος αὐτοῦ ἐκτὸς πίνακος)
• (22) Μεσένης
• (23) Συήβος
• (24) Ἄνας
• (25) Ῥοδανός
• (26) Κυμᾶς (μὴ δεικνὺς τῷ πινάκι)
• (27) Σηκοάνας
• (28) Μάρισος (μὴ δεικνὺς τῷ πινάκι)
• (29) Βόρειος Δύνας
• (30) Πάδος
• (31) Ταρτήσσιος

Ὄρη

• Αἷμος
• Ἄλπεις
• Ἀπέννινα
• Βαιτικά
• Δειναρικὲς Ἄλπεις
• Κανταβρικά
• Καρπάτης
• Καύκασος
• Πίνδος
• Πυρηναία
• Ῥοδόπη
• Σκανδιναυικὲς Ἄλπεις

Πίναξ τῶν μειζόνων χερσονήσων τῆς Εὐρώπης

Χερσόνησοι

Ἡ Εὐρώπη ἐνίοτε καλεῖται ὡς «Χερσόνησος Χερσονήσων» ἕνεκα τῆς ἑῆς μορφῆς γὰρ οὖν ἐστὶ μόνον προσήκη ἐν τῇ ἑσπέρᾳ τῆς Ἀσίας ἐν ᾗ δὴ ἐξάπτουσι ἄλλαι χερσονῆσοι. Ἐν τῷ Αἰῶνι τῶν Παγετώνων, πρὸ τῆς τήξεως τῶν πάγων, ἔτι καὶ ἡ Ἀλβιὼν ἐνομίζετο χερσόνησος γενέσθαι.

Κατάλογος τῶν μειζόνων χερσονήσων τῆς Εὐρώπης:

• (1) Κιμβρία
• (2) Σκανδιναυϊκή
• (3) Βιαρμία
• (4) Ταυρική
• (5) Αἷμος
• (6) Ἰταλική
• (7) Ἰβηρική
• (8) Ἀρμορική

Δημογραφία

Γλῶσσαι

Πίναξ τῶν γλωσσῶν τῆς Εὐρώπης.

Ἡ Εὐρώπη ἔχει περὶ τῶν 255 αὐτοχθόνων γλωσσῶν. Αἱ πλεῖσται αὐτῶν εἰσὶ Ἱνδοευρωπαϊκαὶ γλῶσσαι, κεχωρισμέναι εἰς τρεῖς οἰκίας τὰ μάλιστα: τὰς Ῥωμανικὰς (ἡ Γαλλική, Ἰταλική, Ἱσπανικὴ καὶ τὰ ἑξῆς), τὰς Γερμανικὰς (ἡ Ἀγγλική, Γερμανική, Σουηκικὴ καὶ τὰ ἑξῆς) τε καὶ τὰς Σλαυικὰς (ἡ Ῥωσσική, ἡ Πολωνική, ἡ Σερβικὴ καὶ τὰ ἑξῆς). Ἔτι καὶ ἄλλαι γλῶσσαι αἱ Βαλτικαί (ἡ Λιθουανικὴ καὶ ἡ Λεττονική), αἱ Κελτικαί (αὐτίκα ἡ Ἰερνική), ἡ Ἑλληνική, ἡ Ἀρμενική καὶ ἡ Ἀλβανική.

Ἄλλαι μὴ ἱνδοευρωπαϊκαὶ οἰκίαι γλωσσῶν εἰσὶ αἱ Ῥιπαϊκαί, αἱ Τουρκικαὶ καὶ αἱ Χαρτβελικαί.

Θρησκεία

Βασιλικὴ τοῦ Ἁγίου Πέτρου: ὁ μέγιστος τῆς οἰκουμένης χριστιανικὸς ναός.

Ἐκ τῶν πιστευόντων τινὶ θρησκείᾳ οἱ πλεῖστοι τῶν Εὐρωπαίων (76,2%) πιστεύουσι τῷ Χριστιανισμῷ μερίζοντες εἰς τρεῖς κεφαλαίας στάσεις· τὴν ὀρθόδοξον (35% τοῦ τῆς Εὐρώπης χριστιανικοῦ πλήθους), τὴν καθολικὴν (46%) καὶ τὴν διαμαρτυρομένην ἐκκλησίαν (18%). Οἱ διαμαρτυρόμενοι δὴ οὐκ εἰσὶ αὐτὴ συνισταμένη ἐκλησία ἀλλὰ διαιροῦνται εἰς πολλὰ δόγματα (αὐτίκα οἱ Λουθηρανοὶ, οἱ Μεθοδισταὶ, οἱ Καλβινισταὶ, οἱ Ἀγγλικανοὶ). Ὁ Χριστιανισμὸς, σὺν τῇ Καθολικῇ Ἐκκλησίᾳ, παντελῶς γὲ μεμόρφωκε τὴν πορείαν τῆς Εὐρωπαϊκῆς Ἱστορίας καὶ δὴ τοῦ Δυτικοῦ Πολιτισμοῦ ἐκ τοῦ 4ου αἰῶνος.

Δευτέρα μείζων θρησκεία τῇ Εὐρώπῃ ἐστὶ ὁ Ἰσλαμισμός (6%), ἀθροίζων μάλιστα τῷ Αἵμῷ καὶ τῇ Ἀνατολικῇ Εὐρώπη. Ἄλλαι ἐλάσσονες θρησκεῖαι εἰσὶ ὁ Ἰουδαϊσμός (0,2%), ὁ Ἱνδουϊσμός (0,2%) καὶ ὁ Βουδισμός (0,2%). Προσέτι, ἡ Εὐρώπη ἐστὶ ἤπειρος ἣ ἔχει πολλοὺς ἄθεους (18,2%).

Συγγενεῖς δέλτοι

• Εὐρωπαϊκὴ Ἕνωσις
• Εὐρωπαϊκὴ Ἱστορία

Σύνδεσμοι Ἐξώτεροι

Τὰ Οὐικικοινὰ πλείω περιέχουσι περὶ τοῦ θέματος: Εὐρώπη.

Ἤπειροι τῆς Γῆς

Ἀμερική Ἀνταρκτική Ἀσία Εὐρώπη Λιβύη Ὠκεανία

Ἥδε ἡ ἐγγραφὴ περὶ γεωγραφίας δεῖ παρεκτενεῖσθαι . Βοηθεῖτε μετὰ τῆς ὑμετέρας εἰσφορᾶς τῇ ἐργασίᾳ ταύτῃ.