Wb/nia/Nehemia/7

I. Ifataro zanaro banua Nehemia

1 Ba me no mu'azökhi göli, ba ufa'anö lagö mbawa göli, ba tefataro zanaro ba mbawa göli ba sanunö ba Ono Lewi. 2 Ba banua Yeruzalema, ba ube'e barö mbawa ndra akhigu Hanani Hanania kumandra ba hati, me no niha si faduhu dödöda ba sangata'ufi Lowalangi [Hanania]; lö ato wamaedonia. 3 Ba ube'e li khöra, umane: Lö aösö labokai mbawa göli Yeruzalema; balazi aukhu zino. Ba ba zi so zanaro na, laduhö mbawa göli, ba lalazi. Ba aefa da'ö, ba banua Yeruzalema lafataro sanaro, ifaigi nahania zamösana ba gamaudu nomora. 4 Ba banua, ba no ebua, no ebolo, ba niha, ba lö ato sibai, ba so na nomo si lö mufuli mutaru'ö na. 5 Ba ibe'e ba dödögu Lowalangi ufalukha'ö zalaŵa ba satua, awö niha sato, ba wamazökhi sura nga'ötö. Ba usöndra zura nga'ötö zi föföna so moroi si tou, si mane ba zura andrö:

II. Fangofaya sangawuli andrö

6 Da'e mbanua ba danö mado Yuda, si so moroi si tou, moroi ba ni'oloi'ö ya'ira, ni'oloi'ö Nebukaneza, razo Mbabeli, si no möi misi yaŵa ba Yeruzalema ba ba danö mado Yuda; isaŵa mbanuara zamösana, 7 si fao khö ndra Serubabeli, Yesua, Nehemia, Asaria, Ra'amia, Nahemani, Marodokhai. Bilisana, Misifereti, Bigewai, Nehumi, Ba'ana. Fa'ato ndra matua Ndraono Gizeraeli, ba 8 Ma'uwu Wareo, ba 2.172. 9 Ma'uwu Zefatia, ba 372. 10 Ma'uwu Ara, ba 652. 11 Ma'uwu Wahata-Moabi, nga'ötö ndra Yesua Yoabi, ba 2818. 12 Ma'uwu Gelama, ba 1.254. 13 Ma'uwu Zatu, ba 845. 14 Ma'uwu Zakai, ba 760. 15 Ma'uwu Mbinui, ba 648. 16 Ma'uwu Mbebai, ba 628. 17 Ma'uwu Asigada, ba 2.322. 18 Ma'uwu Gadonika, ba 667. 19 Ma'uwu Mbigewai, ba 2.067. 20 Ma'uwu Gadino, ba 655. 21 Ma'uwu Gateri, banua Hisikia, ba 98. 22 Ma'uwu Hasumi, ba 328. 23 Ma'uwu Mbesai, ba 324. 24 Ma'uwu Harifo, ba 112. 25 Ma'uwu Gibeona, ba 95. 26 Ba banua Mbetilekhema ba banua Netofa, ba 188. 27 Ba banua Ganatoti, ba 128. 28 Ba banua Mbeti-Asimaweti, ba 42. 29 Ba banua Giriati-Yeari ba banua Gafira ba banua Mbe'eroti, ba 743. 30 Ba banua Rama ba banua Geba, ba 631. 31 Ba banua Mikhimasi, ba 122. 32 Ba banua Mbetieli ba banua Ga'i, ba 123. 33 Ba banua Nebo, ba 52. 34 Ba ma'uwu Gelama si samösa, ba 1254. 35 Ba ma'uwu Harimi, ba 320. 36 Ba banua Yerikho, ba 345. 37 Ba banua Lodo ba banua Hadidi ba banua Gono, ba 721. 38 Ba banua Zena'a, ba 3.930. 39 Ba ere: Ma'uwu Yedaya si sawu ndra Yesua, ba 973. 40 Ba ma'uwu Imeri, ba 1.052. 41 Ba ma'uwu Wasuri, ba 1.247. 42 Ba ma'uwu Harimi, ba 1.017. 43 Ba Ono Lewi: Ma'uwu ndra Yesua Kadimieli, nga'ötö Hodeya, ba 74. 44 Ba sanunö: Ma'uwu Gasafo, ba 148. 45 Ba sanaro ba mbawandruhö: Ma'uwu ndra Salumi, Ateri, Talamono, Akubu, Hatita, Sobai, ba 138. 46 Ba sangai halöŵö ba gosali: Ma'uwu ndra Siha, Hasufa, Taba'oto, 47 Kero, Sia, Fadona, 48 Lebana, Hagaba, Salamai, 49 Hanano, Gideli, Gahara, 50 Reaya, Resino, Nekoda, 51 Gasama, Usa, Fasea, 52 Besa'i. Ba ma'uwu mbanua Moini andrö ba ma'uwu mbanua Nefisi. 53 Ba ma'uwu ndra Bakibuku, Hakufa, Harihuri, 54 Baseliti, Mehida, Haresa, 55 Barako, Sisera, Tema, 56 Nesia, Hatifa. 57 Ba ma'uwu zawuyu Zelomo andrö: Ma'uwu ndra Sota'i Sofereti, Ferida, 58 Ya'ala, Darako, Gideli, 59 Sefatia, Hatili, Fokhereti-Hasibai, Amoni; 60 sangai halöŵö ba gosali, fefu, awö ma'uwu zawuyu Zelomo andrö, ba no 392. 61 Ba da'e na zi möi miyaŵa göi, si oroi Deli-Mela ba Teli-Haresa ba Kherubi ba Adono ba Imeri, si lö mangila ha niha duara ba ha nga'ötö ira, na Iraono Gizeraeli ira, ba na tenga: 62 Ma'uwu ndra Delaya, Tobia, Nekoda, 642 fefu. 63 Ba ere: Ma'uwu ndra Habaya, Hakosi, Barasilai andrö, si no mangai ono Mbarasilai, banua Gileadi, ba si no mube'e töi töi da'ö. 64 La'alu-alui zura nga'ötö khöra da'ö, ba lö lasöndra, andrö wa lö tetehe ere ira. 65 Ba lö itehe khöra kumandru sumange ni'amoni'ö sibai andrö, irege ifuli so gere solau "Urimi" ba "Tumimi" andrö. 66 Ba ya'ira fefu, ba no 42.360 niha, lö lai zawuyu, 67 ira matua ba ira alawe, no 7.337 da'ö; ba baero ö na, ba 245 zanunö, ira matua ba ira alawe. 68 Ba kudo khöra, ba 736, ba kudo kalide, ba 245, 69 ba ondra, ba 435, ba kalide, ba 6.720.

III. Buala zatua, balazo gosali

70 Ba so ösa, högö ngafu andrö, same'e saoha gölöra, balazo gosali. Ibe'e kumandru, balazo da'ö: ana'a, ba 1.000 hua balaki ba 50 wiga, ba wanefe, ba 30 nga'örö mbaru gere. 71 Ba nibe'e högö ngafu andrö ösa, balazo da'ö, ba ana'a, ba 20.000 hua balaki, ba firö, ba 161.700 ba rufia. 72 Ba nibe'e zato, ba ana'a, ba 20.000 hua balaki ba firö, ba 147.000 ba rufia, ba 67 nga'örö mbaru gere. 73 Ba oi ba mbanuara so ira, he ere ba he Ono Lewi ba he sanaro ba mbawandruhö ba he sanunö, awö niha sato ösa, ba he sangai halöŵö ba gosali ba Iraono Gizeraeli fefu.

Famotokhi ba gahe

Fabaliŵa lala

Olayama Nehemia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö