Wb/nia/Nehemia/10
I. Fangaro fawu'usa li[edit | edit source]
1 Ba mafabu'u lima — börö da'ö no mege fefu — ba mabe'e dandro tanga. Ba ba nifotandro andrö, ba so döi zalaŵama ba töi Nono Lewi ba töi gere khöma. 2 Da'e döi ba zura nifotandro andrö: Nehemia kumandru, ono Hakalia ba Sedekia, 3 ba Seraya ba Asaria ba Yeremia 4 ba Fasuri ba Amaria ba Malakhia 5 ba Hatusi ba Sebania ba Malukhi 6 ba Harimi ba Meremoto ba Obadia 7 ba Danieli ba Ginitono ba Barukhi 8 ba Mesula ba Abia ba Miyanini 9 ba Ma'asia ba Biligai ba Semaya; da'ö gere andrö. 10 Ba Ono Lewi: Yesua, ono Asania, ba Binui, ma'uwu Henadada, 11 ba Kadimieli ba talifusöra: Sebania ba Hodia ba Kelita ba Felaya ba Hanano 12 ba Mikha ba Rehobo ba Hasabia 13 ba Sakuru ba Serebia ba Sebania 14 ba Hodia ba Bani ba Beninu. 15 Ba högö mbanua: Fareo ba Fahata-Moabi ba Elama ba Satu ba Bani 16 ba Buni ba Asigada ba Bebai 17 ba Adonia ba Bigiwai ba Adini 18 ba Ateri ba Hisikia ba Asuri 19 ba Hodia ba Hasumi ba Besai 20 ba Harifi ba Anatoti ba Nobai 21 ba Magifia ba Mesula ba Hesiri 22 ba Mesesabe'eli ba Sadoki ba Yadua, 23 ba Felatia ba Hanano ba Anaya, 24 ba Hosea ba Hanania ba Hasubi 25 ba Halohe ba Filiha ba Sobeki 26 ba Rehumi ba Hasabena ba Ma'aseya 27 ba Ahia ba Hanano ba Anani 28 ba Malukhi ba Harimi ba Ba'ana. 29 Ba ha niha baero ö na — ere ba Ono Lewi ba sanaro ba mbawandruhö ba sanunö ba sangai halöŵö ba gosali, ba ha niha na fefu, si no mamabali ya'ira ba niha [baero] ba danö, wolo'ö oroisa Lowalangi —, ba fo'omora ba iraonora, matua ba alawe, ba dozi si no biha fa'ebua, fa aboto ba dödöra.[1]
II. Lafabu'u wolo'ö[edit | edit source]
30 Ba fao ba dalifusöra salaŵa, ba möi ba hölu, wamabu'u lira, wa edöna latörö lala goroisa Lowalangi andrö, nifa'ema Moze, enoni Lowalangi, wa edöna latöngöni goroisa Yehowa, So'aya ya'ita, fefu, awö huku, awö gamakhoita fefu, wa edöna la'o'ö;[2] 31 ya'ia wa lö mabe'e ba niha [baero] ba danö nonoma alawe, awö wa lö mahalö umönöma nonora; 32 awö wa lö mahalö ba luo sabato, ba ma ba luo bö'ö ni'amoni'ö, na la'ohe niha ba danö waniaga ba ma bua danö hadia ia ngawalö, ni'amawa. Ba ero mewitu fakhe, ba lö mahalö nowi, ba lö masugi zugilöma.[3] 33 Ba mahonogöi na ömöma, öfa hua döfi mabe'e soguna ba gosali Lowalangima,[4] 34 böli roti nifaigi-faigi andrö, ba böli zumange ni'a andrö, nibe'e-be'e, fabaya sumange nitunu, si lö aefa-aefa ba he sumange ba luo sabato ba ba wasulöna ba sumange ba gowasa, ba sumange fangandrö saoha gölö ba sumange fameta hörö, ba wameta horö Ndraono Gizeraeli, ba balazo hadia ia fefu ni'a'azökhi ba gosali Lowalangima. 35 Ba malau dahö-dahö, ya'aga ba ere, ba Ono Lewi ba sato, ba game'ela eu andrö, ena'ö sawu-sawu zame'e, ero röfi, na inötö, ba gosali Lowalangima, eu ba naha wame'e sumange khö Lowalangima Yehowa, dali nifakhoi ba zura goroisa.[5] 36 Ba si a'a mbua nowi khöma ba si a'a mbua geu fefu, hadia ia ngawalö geu sowua nibe'e ba gosali Yehowa, ero röfi;[6] 37 ba si a'a nonoma matua ba si a'a nono guriföma, dali nifakhoi ba goroisa, si a'a nono zaŵima ba si a'a nono mbiri-birima, nibe'e ba gosali Lowalangima, ba danga gere, sangai halöŵö andrö ba nomo Lowalangima.[7] 38 Ba he si a'a hamo andrö khöma ba si a'a zumange nihalö fegero saoha gölö andrö khöma ba si a'a mbua geu fefu ba si a'a nagu ba si a'a wanikha, nibe'e ba gere andrö ba mbate'e andrö ba gosali Lowalangima, ba sambua ni'ofulu danö nowima nitehe ba Nono Lewi; ya'ira, Ono Lewi sa, ba sangozaragö si sambusambua ni'ofulu ba mbanua zangahalö khöma, fefu.[8] 39 Ba si so göi gere andrö, nga'ötö Ga'aroni, na la'ozaragö zi sambusambua ni'ofulu andrö Ono Lewi, ba Ono Lewi, ba sambusambua ni'ofulu zi sambusambua ni'ofulu la'ohe ba gosali Lowalangima, ba mbate'e andrö ba nomo girö-girö labe'e.[9] 40 Ba mbate'e andrö sa labe'e Iraono Gizeraeli ba Ono Lewi saoha gölöra bua nowi ba agu ba fanikha, me no ba da'ö so nahia hadia ia ba ni'amoni'ö, ba ere sangai halöŵö ba sanaro ba mbawandruhö ba sanunö; ba lö ma'ositengagö gosali Lowalangima andrö.
Famotokhi ba gahe[edit | edit source]
Fabaliŵa lala[edit source]
Olayama Nehemia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö