Wb/nia/Nehemia/5

I. Mangarö-ngarö niha sato ba wamakao zalaŵa ya'ira. Itolo ira Nehemia

1 Ba mangarö-ngarö sibai niha sato, awö wo'omora, ba iwara andrö, niha Yehuda. 2 So zanguma'ö: Iraonoma matua ba iraonoma alawe, ba mabe'e gade; ndramufaigi khöma wakhe, ena'ö manga ndra'aga ba ena'ö auriga! 3 Ba so göi zanguma'ö: Nowima ba kabu nagu khöma, ba omoma, ba mabe'e gade; ba ndramufaigi khöma wakhe, ba lofo andre! 4 Ba so göi zanguma'ö: No mabe'e gade mbenuama, awö kabu nagu khöma, ba wamalali kefe, ömöma beo ba zalaŵa. 5 Ba iya'e, ba he ŵa'ae no faoma ira mbotoma mboto dalifusöma andrö, awö wa no faoma ira ndraonoma ndraonora, ba malulu zui sawuyu ndraonoma matua, fabaya iraonoma alawe; noa sa tobali sawuyu nonoma alawe ösa. Ba no tebai matimba da'ö, me noa sa ato niha bö'ö zokhö benuama, awö kabu nagu khöma. 6 Ba mofönu sibai ndra'o, me urongo wangarö-ngaröra, awö niŵa'öra andrö. 7 Ba u'era-era tödögu; ba utegu zalaŵa ba satua, umane khöra: Hadia, sangebua hare ami, na mibe'e nifalali ba nawömi? Ba ulau walukhata sebua ba khöra andrö, 8 ba umane khöra: Ya'aga, ba no mahöli dalifusöda niha Yehuda andrö, si no mu'amawa ba niha baero, ndrege nisöndrama lala. Ba ya'ami, ba samawa talifusömi na'i ami, ena'ö te'amawa ira khöda? Ba lö hede-hedera, tebai latema ligu. 9 Ba umane: Si lö sökhi wolaumi andrö! Hadia, tenga sangata'ufi Lowalangida ami ena'ö, ba nilaumi andrö, börö wango'aya niha baero andrö, ududa? 10 Ba ya'o ba ira talifusögu ba ono matua andrö khögu, ba no mabe'e nifalali khöra gana'a ba fakhe; ba alakha lö tasugi zugilöda andrö. 11 Ma'ökho andre mifuli khöra mbenuara ba kabu nagu khöra ba kabu zai ba omora, ba böi sa'ae misugi mibe'emi nifalali khöra, ana'a ba fakhe ba agu ba fanikha. 12 Ba lamane: Mafuli, ba lö'ö sa'ae masugi ira; ma'o'ö zomasi ndra'ugö. Ba ufakaoni'ö gere, ba ube'e ba hölu ira, wa la'o'ö niŵa'ögu. 13 Ba u'anotogö mbarugu ba dotogu ba umane: Ya'imane Lowalangi wanimba dozi si falimo ba nifabu'ura andrö, yamutimba ira baomora ba ba zi so khöra, ba ni'anotogö ira si manö göi, balazi lö ösi sa'ae! Ba lamane niha sato fefu: Ya duhu! ba lasuno Yehowa. Ba la'o'ö da'ö no mege sato.

II. Lö i'andrö mbalazonia Nehemia

14 Ba i'otarai luo da'ö, me tefataro ndra'o amaedola gumandru ba danö mado Yuda — i'otarai ndröfi si 20, irugi ndröfi si 32 khö razo Aretazasa, mewelendrua fakhe wa'ara — ba lö ni'agu ö gumandru, awö ndra talifusögu, 15 he ŵa'ae no lafo'ömö niha sato kumandru föna, fönagu, 40 rufia ma'ökhö, böli göra roti ba böli göra agu; ba no lafakao niha sato ono matua andrö khöra. Ba tenga si manö wolaugu, fa'ata'ugu Lowalangi. 16 Ba he ba wangazökhi öli andre, ba no mohalö-halöŵö göi ndra'odo, ba lö'ö sa ni'ölima benua; ba ono matua andrö khögu, ba no ahori so, ba halöŵö andrö. 17 Ba khögu manga-manga niha Yehuda andrö, he satua andrö, otu a lima wulu, ba he si möi khöma, banua niha baero, si tefasui ya'aga. 18 Ba hadia nihalö-halö, öra sirugi ma'ökhö — sagesageu zaŵi si matua ba önö'önö nga'eu mbiri-biri nitutuyu ba hadia ia wofo —, ba ya'o zanaha, ba fulufulu bongi, ba hadia ia ngawalö nagu, ni'oya'ö. Ba ba da'ö fefu, ba lö uŵa'ö ögu gö gumandru, me no abe'e rodi ba niha sato. 19 Böi olifugö'ö ndra'o, ya'ugö Lowalangigu, ba nitologu niha andre, fefu, ba wolohe ba zi sökhi hadia ia khögu!

Famotokhi ba gahe

Fabaliŵa lala

Olayama Nehemia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö