Wb/nia/Nehemia/6

I. Tebai labe'e te'ala Nehemia udunia andrö

1 Ba me terongo khö ndra Sanabala, Tobia, Gesemi Dawa Ara, ba ba nuduma bö'ö andrö, wa no u'azökhi göli ba lö sadudu sa'ae — he ŵa'ae lö'ö na mufa'anö lagö mbawa göli, irugi luo da'ö —, 2 ba lafatenge khögu ira Sanabala Gesemi, lamane khögu: Tabu, ena'ö falukha ita ba mbanua heza, ba ndraso Gono! Ba tödöra, ba si lö sökhi lalau khögu. 3 Ba ufatenge zinenge khöra, umane: Ebua sibai halöŵögu, ba tebai möido mitou khömi. Tebai teröi halöŵö, fa uböhöi ena'ö, ba we'amöi mitou khömi. 4 Ba mendröfa lafatenge khögu, si manö-manö, ba umanö-manö göi khöra. 5 Ba samuza tö ifatenge khögu Sanabala, melima möi da'ö, enoninia ifatenge, sagörö zura ba dangania, sura si lö löwölöwö. 6 Imane ba zura andrö: No teturia ba niha baero, ba iŵa'ö göi Gasimu: Tödöu ba tödö niha Yehuda, ba edöna molaŵa ami, andrö halö-halöŵöu wangazökhi öli, ba ena'ö tobali razora ndra'ugö; soroma ba da'ö fefu. 7 Ba noa göi öfataro zama'ele'ö laŵa'ö, ena'ö latolo'ö we'ao ba Yeruzalema: Razo mado Yuda ia! Ba irongo dania duria da'ö razo. Andrö tabu, ena'ö falukha ita! 8 Ba ufuli ufatenge khönia, umane: Faya manö niŵa'öu andrö, nifakhaimö da'ö tödöu. 9 Dozi ira sa, ba no sameta'u ya'aga ena'ö, lamane dödöra: Atata dania dangara ba laböhöli wangazökhi öli, ba tobali lö awai. Andrö abe'e'ö dangagu! [umanö wangandrö]. 10 Ba möido yomo khö Zemaya, ono Delaya ono Mehetabe'eli, me no yomo manö soso ia. Ba imane: Tafao ba gosali Lowalangi, ba ni'amoni'ö, ba takusi mbawandruhönia, so sa dania zi möi mamunu ya'ugö, ba zi bongi so ira, ba wamunu ya'ugö! 11 Ba umane: Hadia, soloi niha si mane ya'odo? Ba hadia, tola möi ita bakha ba gosali, ya'ita andre, si lö mate ita? lö möido bakha ba da'ö. 12 Aboto sa'ae ba dödögu, tenga Lowalangi zamatenge ya'ia; me no Tobia ba Sanabala zangoni ya'ia, andrö wa mama'ele'ö ia ba khögu. 13 Ba da'ö danira wangoni ya'ia: ena'ö ata'u ndra'o, ba ena'ö uhalö horögu wolau da'ö, ba wamatou ya'o dania, ena'ö la'ila latandraŵaisi ndra'odo. 14 Böi olifugö'ö, ya'ugö Lowalangigu, ndra Tobia Sanabala, ba nilaura andrö; ba sama'ele'ö ira alawe andrö, Noadia, awö zama'ele'ö bö'ö andrö, sameta'u ya'o mena'ö!

II. Awai göli

15 Ba awai göli ba zi dua wulu a lima ba mbaŵa Eluli, 52 wongi wa'ara. 16 Ba me larongo da'ö uduma andrö fefu, ba ihawui fa'ata'u niha baero fefu, si tefasui ya'aga, ariri sibai ira wamaigira, ba aboto sa'ae ba dödöra, wa no moroi ba wanolo Lowalangima, wa no awai göli andrö. 17 Ba oya göi lafa'ohe'ö sura khö Dobia salaŵa mado Yuda me luo da'ö, ba oya göi ifa'ohe'ö khöra Tobia. 18 Me no ato mado Yuda, si no möi ba hölu khönia, me no umönö Zekhania, ono Āra, ia, ba me umönö Mesula, ono Mberekhia, nononia Yohanano. 19 Ba ladunö-dunö göi khögu dödönia si sökhi, ba lafulifuli khönia niŵa'ögu; ba sura ifa'ohe'ö Tobia, ba wameta'u ya'o.

Famotokhi ba gahe

Fabaliŵa lala

Olayama Nehemia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö