Wb/nia/Nehemia/11

I. Töi ngafu, si so ba Yeruzalema

1 Ba ba Yeruzalema so zalaŵa; ba niha sato, ba fadahö-dahö, ena'ö samösa ba zi dafulu lafa'aso yomo ba da'ö [göi], ena'ö ba Yeruzalema, ba mbanua ni'amoni'ö andrö, so ia, ba si dasidasiŵa, ba ba mbanua bö'ö lafa'aso. 2 Ba lafahowu'ö sato fefu zaoha ölö, ba wangiagö Yeruzalema. 3 Ba da'e zalaŵa ba danö, si so ba mbanua Yeruzalema ba ba mbanua mado Yuda — ba mbanuara so ira, i'iagö danönia zamösana: Iraono Gizeraeli ba ere ba Ono Lewi ba sangai halöŵö ba gosali ba ma'uwu zawuyu Zelomo andrö —: 4 Ba Yeruzalema, ba faoma so, he mado Yuda, ba he mado Mbeniyami. Mado Yuda ba Ataya, ono Usia ono Zakharia ono Gamaria ono Zefatia ono Mahalale'eli, nga'ötö Weresi, 5 ba Ma'aseya ono Mbarukhi ono Kholi-Hose ono Hasaya ono Gadaya ono Yoyaribi ono Zakharia ono ma'uwu Zela andrö. 6 Fa'ato nga'ötö Weresi fefu, si so ba Yeruzalema, ba no 468, solohe baluse. 7 Ba mado Mbeniyami, ba Salu ono Mesula ono Yudi ono Wedaya ono Golaya ono Ma'aseya ono Itieli ono Yesaya, 8 ba aefa da'ö ba Yibineya, 928 fefu. 9 Ba Yoeli ono Zikhiri zatuara, ba satua mbanua, tambalinania, ba Yuda, ono Hasinua. 10 Ba ere, ba Yedaya ba Yoyaribi ba Yakhino; ba Seraya, 11 ono Hilikia ono Mesula ono Zadoki ono Merayoti ono Gahitubi, da'ö högö [gere] ba gosali Lowalangi, 12 ba talifusöra sangai halöŵö ba gosali, 822 fefu, ba Adaya, ono Yeroha ono Welalia ono Gamisi ono Zakharia ono Wasuri ono Malakhia, 13 ba talifusönia, högö ngafu, 242 fefu, ba Amasai, ono Gasare'eli ono Gaza'i ono Mesilemoto ono Imeri, 14 ba talifusöra, niha sabölö, 128 fefu. 15 Högöra Zabidieli, ono Hagedoli. Ba ono Lewi, ba Semaya, ono Hasubi ono Gasirika ono Hasabia, nga'ötö Merari, 16 ba Sabata'i ba Yosabada, samaigi-maigi halöŵö baero andrö, ba gosali Lowalangi, högö ngafu ba Nono Lewi, 17 ba Matania ono Mikha ono Zabidi ono Gasafo, samatörö fanunö andrö samobörö "mi'andrö saoha gölö" andrö ba wangandrö, ba Bakibukia, tambalina andrö ba dalifusönia, ba Abada, ono Zamua ono Galala ono Yedutuno, 18 a'oi Ono Lewi ba mbanua ni'amoni'ö andrö, 284 fefu. 19 Ba sanaro ba mbawandruhö, ba Akubu ba Talamono ba talifusöra, sanaro ba mbawandruhö andrö, 172 fefu. 20 Ba Iraono Gizeraeli bö'ö, ere ba Ono Lewi, ba ba mbanua bö'ö misa so ba mbanua mado Yuda; tanönia i'iagö zamösana. 21 Ba sangai halöŵö ba gosali, ba ba Gofeli andrö so nomora, ba mandrura Ziha ba Gisifa. 22 Ba satua Nono Lewi ba Yeruzalema, ba Usi, ono Mbani ono Hasabia ono Matania ono Mikha, nga'ötö Gasafo, sanunö, ba nilau-lau ba gosali Lowalangi. 23 Noa sa ibe'e goroisa razo, ba khöra andrö, wamabu'u sibai ba zanunö andrö, tebe'e khöra zoguna khöra, ero ma'ökhö. 24 Ba Fetaya, ono Mesesabe'eli, nga'ötö Zera, ono Yuda, nifataro razo ba wamatunö huhuo niha sato fefu.

II. Banua bö'ö andrö

25 Ba ba mbanua side-ide andrö, ba danöra misa, ba ba Giriati-Araba ba ba halama soya khöra so mado Yuda ösa, ba ba Dibona ba ba halama soya khöra, ba ba Yekabise'eli ba ba halama soya khöra, 26 ba ba Yesua ba ba Molada ba ba Mbetifeleti, 27 ba ba Hasara Zuala ba ba Mbereseba ba ba halama soya khöra, 28 ba ba Zikelagi ba ba Mekhona ba ba halama soya khöra, 29 ba ba Eni Rimono ba ba Zorea ba ba Yaramuti, 30 ba ba Zanoa ba ba Adula ba ba halama khöra, ba ba Lakhisi ba ba mbenuara ba ba Aseka ba ba halama soya khöra. Tobali i'otarai Mbereseba, irugi ndraso Hinomo la'iagö. 31 Ba mado Mbeniyami, ba ba Geba ba ba Mikhimasi ba ba Naya ba ba Mbetieli ba ba halama soya khöra, 32 ba ba Ganatoti ba ba Nobi ba ba Ganania, 33 ba ba Hasora ba ba Rama ba ba Gita'i, 34 ba ba Hadidi ba ba Zebo'i ba ba Nebalati, 35 ba ba Lodi ba ba Gono, ba ndraso duka andrö. 36 Ba Ono Lewi, ba ba mado Yuda ösa ba ba mado Mbeniyami ösa.

Famotokhi ba gahe

Fabaliŵa lala

Olayama Nehemia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö